Azərbaycan, Ermənistan və Rusiya prezidentlərinin üçtərəfli görüşü

Dağlıq Qarabağ münaqişəsinin həllinə dair ümidlər yaranıb

61
(Yenilənib 11:22 13.07.2016)
Ekspertlərin fikrincə, münaqişənin "ölü nöqtə"dən çıxarılması zərurətə çevirilib

BAKI, 12 iyul — Sputnik. "2016-cı ildə Ermənistanın növbəti təxribatı Ermənistan-Azərbaycan, Dağlıq Qarabağ münaqişəsinin həllində çox ciddi fəsadlara gətirib çıxarmışdır. Ermənistanın niyyəti bəllidir. Onlar danışıqları müxtəlif yollarla pozmaq istəyirlər və görəndə ki, beynəlxalq vasitəçilər tərəfindən onlara təzyiq artır, növbəti təxribatlara əl atırlar".

Bunu iyulun 10-da Azərbaycan prezidenti İlham Əliyev Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında söyləyib. O bildirib ki, aprel döyüşləri status-kvonun tezliklə dəyişdirilməli olduğunu göstərir: "Bunu artıq vasitəçilər də dəfələrlə bəyan ediblər. Status-kvonun dəyişdirilməsi işğal edilmiş torpaqların azad edilməsi deməkdir".

"Əminəm ki, aprel döyüşlərinin nəticələri Ermənistan üçün dərs olacaq, onlar lazımi nəticələr çıxaracaqlar və danışıqlar prosesində konstruktiv mövqe ilə çıxış edəcəklər. Belə ümidlər var. Çünki bir daha demək istəyirəm ki, son bir-iki ay ərzində danışıqlar prosesində çox böyük fəallıq var", — deyə Prezident bildirib.

İlham Əliyev Varşavada Fransa prezidenti ilə görüşdüyünü deyib: "Biz Minsk qrupunun fəallığını müşahidə edirik. Həm Amerika, həm Rusiya, indi də Fransa prezidenti bu məsələ ilə çox ciddi məşğuldurlar. Danışıqlar indi fəal mərhələyə keçməlidir və Ermənistan konstruktiv mövqe nümayiş etdirməlidir. Yəni, artıq məsələnin mərhələli yollarla həlli bütün həmsədr dövlətlər tərəfindən, ATƏT tərəfindən qəbul edilir. Əfsuslar olsun ki, əvvəlki dövrlərdə bəzi hallarda beynəlxalq hüquq, BMT-nin qətnamələri kənarda qalırdı və Dağlıq Qarabağın gələcəyi ilə bağlı həqiqətə uyğun olmayan müxtəlif təkliflər irəli sürülürdü. Bütün bunlar artıq keçmişdə qalib".

Dağlıq Qarabağ münaqişəsinin tənzimlənməsi istiqamətində prosesin getdiyini Bakıda işgüzar səfərdə olan Rusiya xarici işlər naziri Sergey Lavrov da bildirib. Onun sözlərinə görə, Rusiya prezidenti Vladimir Putin Sankt-Peterburq görüşünün nəticələrini yüksək qiymətləndirir: "Mən Ermənistan və Azərbaycana Rusiya Prezidentinin tapşırığı ilə səfər edirəm. İnanıram ki, bu görüş münaqişənin tənzimlənməsi istiqamətində gələcək addımları müəyyənləşdirməyə imkan verəcək".

Politoloq Rauf Mirqədirov Sputnik-ə açıqlamasında bildirib ki, danışıqlar prosesindəki bu aktivlik ilk növbədə aprel hadisələri ilə bağlıdır: "Bu hadisələr göstərdi ki, bu tip münaqişələr heç vaxt uzun müddət dondurulmuş halda qala bilməz. Ən uzunmüddətli bu tip münaqişələrdən biri, bildiyiniz kimi, Yaxın Şərq münaqişəsidir. Həmin münaqişə də vaxtaşırı dondurulmuş haldan qaynar fazaya keçir və müxtəlif formatlarda toqquşmalar baş verir".

"Artıq anlamaq lazımdır ki, söhbət Qafqaz regionundan gedir. Bu region aparıcı güc mərkəzləri — Amerika və Rusiya üçün çox önəmli regionlardan biridir. Digər tərəfdən, Qərblə Rusiya arasında ciddi fikir ayrılığı, beynəlxalq problemlər var. Sözsüz ki, Qərb və Rusiya indiki şəraitdə onların arasında qarşıdurma yarada biləcək növbəti bir qaynar nöqtənin yaranmasını istəmirlər. Ona görə də bu fəallıq var", — siyasi şərhçi bildirib.

R. Mirqədirovun sözlərinə görə, bu fəallığın ciddi nəticələrə gətirib çıxarıb-çıxarmayacağı çox mürəkkəb məsələdir: "Çünki vasitəçilərin səsləndirdiyi sözlərin səmimiliyinə inanmaq çətindir. Bu çətinliyin səbəbi aparıcı dövlətlər arasındakı rəqabətdir. Bu, onlara vahid bir siyasətlə çıxış etməyə imkan vermir. Amma ilkin addımların atılacağı istisna deyil, çünki bu təhlükə böyükdür və onun nəticələri çox ağır ola bilər".

Politoloq Azər Rəşidoğlu isə hesab edir ki, bu fəallıq regionda hərbi əməliyyatlar ehtimalını sıfıra endirir: "Uzun müddət Ermənistan və Azərbaycan arasında danışıqlar aparılmırdı. Məhz Rusiyanın təşəbbüsü ilə danışıqlar prosesi ələ alındı və artıq durğunluq aradan qaldırılıb. Rusiya xarici işlər naziri də bu gün bəyan etdi ki irəliləyiş var, amma danışıqların detalları ictimaiyyətdən gizlədilir. Danışıqların "ölü nöqtə"dən tərpənməsi hərbi əməliyyatlar ehtimalını sıfıra endirir. Yaxın zamanda danışıqların hansı istiqamətdə getdiyini daha dəqiq demək mümkün olacaq".

Ekspertin sözlərinə görə, danışıqlar Kazan sazişi və yenilənmiş Madrid prinsipləri formatı arasında aparılır: "Azərbaycan və Ermənistan rəhbərliyinə ictimaiyyəti sülhə hazırlamaq tövsiyyə olunur".

Qeyd edək ki, iyulun 14-də ABŞ dövlət katibi Con Kerri Moskvaya səfər edəcək. ABŞ Dövlət Departamentinin sözçüsü Con Kirbinin sözlərinə görə, Con Kerri Moskvaya Parisdən, Fransa prezidenti F.Olland ilə görüşündən sonra səfər edəcək. Dövlət katibi səfər çərçivəsində Suriya, Ukraynadakı vəziyyəti, eləcə də Dağlıq Qarabağ münaqişəsinin nizamlanmasını müzakirə edəcək.

61
Teqlər:
Ermənistan-Azərbaycan, Dağlıq Qarabağ münaqişəsi, Azər Rəşidoğlu, Rauf Mirqədirov, Ermənistan, İlham Əliyev, Azərbaycan
Əlaqədar
"Qarabağ münaqişəsinin həllinin yeganə mümkün variantı mərhələli həll variantıdır"
Azərbaycan və Fransa prezidentləri Qarabağ münaqişəsinin həllini müzakirə ediblər
İlham Əliyev Polşada Qarabağ məsələsini müzakirə edib
Rusiya və ABŞ prezidentləri Dağlıq Qarabağ münaqişəsini müzakirə ediblər
Əliyevdən Putinə: "Erməni qoşunları Qarabağdan çıxarılmalıdır"
Xankəndi şəhərinə mənzərə, arxiv şəkli

"Xankəndi necə Stepanakert oldu" - VİDEOÇARX

10
(Yenilənib 23:56 23.11.2020)
Beynəlxalq internet məkanında, sosial şəbəkələrdə 10 dildə yayımlanacaq videoçarx xarici ölkələrin Azərbaycanda akkreditə olunmuş səfirlik və nümayəndəliklərinə, dünyanın nüfuzlu kütləvi informasiya vasitələrinə göndərilib.

BAKI, 23 noyabr — Sputnik. Dövlət Tərcümə Mərkəzi qədim Xankəndinin tarixindən, Rusiya və İran arasında bağlanmış 1828-ci il tarixli Türkmənçay müqaviləsinə əsasən, Dağlıq Qarabağa köçürülmüş ermənilərin uzun illər boyu Azərbaycanın bu əzəli torpaqlarında apardığı erməniləşdirmə siyasətindən bəhs edən "Xankəndi necə Stepanakert oldu" adlı sənədli videoçarx hazırlayıb.

Sputnik Azərbaycan xəbər verir ki, beynəlxalq internet məkanında, sosial şəbəkələrdə ingilis, rus, türk, fars, ərəb, gürcü, fransız, ukrayna, ispan və alman dilində yayımlanacaq videoçarx xarici ölkələrin Azərbaycanda akkreditə olunmuş səfirlik və nümayəndəliklərinə, dünyanın nüfuzlu kütləvi informasiya vasitələrinə göndərilib.

10
Teqlər:
kütləvi informasiya vasitələri, ingilis, ərəb, fars, Dağlıq Qarabağ, Azərbaycan, sosial şəbəkələr, Xankəndi

Prezident İlham Əliyevin Ağdam səfəri FOTOlarda

20
(Yenilənib 23:04 23.11.2020)
Azərbaycanın dövlət başçısı ilk dəfə olaraq noyabrın 20-də işğaldan azad olunmuş Ağdam şəhərində olub.

Xəbər verildiyi kimi, noyabrın 23-də Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev və Birinci vitse-prezident Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Rayon 1993-cü il iyulun 23-də işğal edilmişdi. 

 

20
  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərində dövlət bayrağını qaldırır

  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərində dövlət bayrağını qaldırır

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Kafe restoranlarda karantin tələblərinin tətbiqi üzrə əlaqələndirici şəxs olacaq

0
(Yenilənib 23:47 23.11.2020)
İctimai iaşə müəssisələrində COVİD-19-la əlaqədar karantin tələblərinin tətbiqi üzrə əlaqələndirici şəxs olacaq.

BAKI, 24 noyabr - Sputnik. “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” Azərbaycan Respublikası Nazirlər Kabinetinin 2020-ci il 6 iyul tarixli 237 nömrəli Qərarına edilən dəyişikliyə əsasən hər bir ictimai iaşə müəssisəsi tərəfindən karantin tələblərinin tətbiqi üzrə əlaqələndirici şəxs müəyyənləşməlidir.

Sputnik Azərbaycan-ın məlumatına görə, bu barədə Nazirlər Kabinetinin qərarına dəyişiklik edilib. 

Dəyişikliyə əsasən, karantin tələbləri üzrə əlaqələndirici (məsul) şəxs funksiyaları ictimai iaşə müəssisəsinin işçilərindən birinə həvalə edilir. Bu təyinat müəssisədaxili rəsmiləşdirilməlidir.

Həmin məsul şəxs epidemiya əleyhinə mövcüd tələblərin müəssisədə tətbiqinin təşkili, bu tələblərin yerinə yetirilməsinə yerində nəzarəti həyata keçirməklə bərabər nəzarətedici dövlət qurumları ilə qarşılıqlı fəaliyyətdə əlaqələndirici olacaq, müəssisənin işçilərini təlimatlandıracaq, dezinfeksiya tədbirlərini təşkil edəcək, bu tədbirlərin müəssisədaxili qeydiyyat formaları və cədvəllərini tərtib edəcək, icrasına müəssisə daxilində nəzarət edəcək.

Məsul şəxs koronavirusla (COVID-19-la) mübarizə ilə bağlı xəbərdaredici məlumatların qonaqlara, işçi heyətə və digər əlaqəli tərəflərə çatdırılmasını təmin etməlidir. Eyni zamanda məsul şəxs bütün təmizlik və dezinfeksiya tədbirlərinin davamlı olaraq qeydiyyatının aparılması üçün gündəlik müntəzəm nəzarət formalarını, habelə keyfiyyətə nəzarət cədvəllərini tərtib etməli və onların icrasına nəzarəti həyata keçirməlidir.

0