BAKI, 9 aprel-Sputnik. Hərbi qulluqçuların meyitlərinin döyüş meydanından çıxarılması əməliyyatı davam etdiriləcək.
Sputnik Müdafiə Nazirliyinin saytına istinadla xəbər verir ki, aprelin 9-da Bakı vaxtı ilə saat 16.00-dan 19.00-dək cəbhə xəttinin müəyyən olunmuş istiqamətlərində ATƏT nümayəndələri və Beynəlxalq Qırmızı Xaç Komitəsinin vasitəçiliyi ilə hər iki tərəfin razılığına əsasən hərbi qulluqçuların meyitlərinin döyüş meydanından çıxarılması əməliyyatı həyata keçiriləcək.
Qeyd edək ki, tərəflərin qarşılıqlı razılaşması əsasında dünən də meyitlərinin döyüş meydanından çıxarılması əməliyyatı həyata keçirilib.
