Şəhid Əlizaman İslamov

Uğurunda canlar fəda edilən torpaq daha bir oğlunu qoynuna aldı

233
(Yenilənib 12:23 07.04.2016)
Altı ay Vətənin keşiyində dayanan Əlizamin İslamov son mənzilə izdihamla, üçrəngli bayraqların müşayəti ilə yola salınıb. Dəfndə şəhidin şərəfinə havaya 3 dəfə yayılım atəşi açılıb və ruhuna dualar oxunub.

Rahim Zakiroğlu, Sputnik Azərbaycan

BAKI, 7 apr — Sputnik. Azərbaycan daha bir şəhid övladını torpağa tapşırdı. Düşmən təxribatının qarşısını alarkən həyatını itirmiş daha bir cəsur azərbaycanlı son mənzilə yola salındı. Uğuruna canlar fəda edilən bu torpaq daha bir oğlunu qoynuna aldı.

1997-ci ildə Lənkəran rayonunun Cil kəndində doğulan İslamov Əlizaman Fərrux oğlu ötən ilin oktyabr ayında həqiqi hərbi xidmətə çağırılmışdı. Evin tək oğludur. Atası haqqın rəhmətinə qovuşan Əlizamin 6 ay idi Vətənin keşiyində dayanırdı və bu Vətən onu son mənzilə şəhid adına layiq şəkildə yola saldı.

  • Şəhid Əlizaman İslamov
    Şəhid Əlizaman İslamov
    © Sputnik / Rahim Muradov
  • Azərbaycan daha bir şəhid övladını torpağa tapşırdı
    Azərbaycan daha bir şəhid övladını torpağa tapşırdı
    © Sputnik / Rahim Muradov
  • Lənkəran rayonunun Cil kəndində doğulan İslamov Əlizaman Fərrux oğlu ötən ilin oktyabr ayında həqiqi hərbi xidmətə çağırılmışdı
    Lənkəran rayonunun Cil kəndində doğulan İslamov Əlizaman Fərrux oğlu ötən ilin oktyabr ayında həqiqi hərbi xidmətə çağırılmışdı
    © Sputnik / Rahim Muradov
  • Şəhidin nəşini rayon sakinləri əllərində Azərbaycan bayraqları və böyük izdihamla qarşılayıblar
    Şəhidin nəşini rayon sakinləri əllərində Azərbaycan bayraqları və böyük izdihamla qarşılayıblar
    © Sputnik / Rahim Muradov
  • Dəfn mərasimində rayon rəhbərliyi, şəhidin hərbçi yoldaşları, doğmaları və rayon sakinləri iştirak edirdilər
    Dəfn mərasimində rayon rəhbərliyi, şəhidin hərbçi yoldaşları, doğmaları və rayon sakinləri iştirak edirdilər
    © Sputnik / Rahim Muradov
1 / 5
© Sputnik / Rahim Muradov
Şəhid Əlizaman İslamov

Tərtər istiqamətində gedən döyüşlərdə şəhid olan Əlizamin İslamovun nəşini rayon sakinləri əllərində Azərbaycan bayraqları və böyük izdihamla qarşılayıblar. Dəfn mərasimində Lənkəran Şəhər İcra Hakimiyyətinin başçısı Taleh Qaraşov və rayon rəhbərliyi, hüquq mühafizə orqanlarının rəhbərləri, Səfərbərlik və Həqiqi Hərbi Xidmətə Çağırış üzrə Dövlət Xidmətinin nümayəndələri, şəhidin hərbçi yoldaşları, doğmaları və rayon sakinləri iştirak edirdilər.

Dəfndə şəhidin şərəfinə havaya 3 dəfə yayılım atəşi açılıb və ruhuna dualar oxunub. Allah rəhmət eləsin!

233
Teqlər:
Əlizaman İslamov, Vətən, dəfn, şəhid, Lənkəran
Əlaqədar
Anasına şəhid olacağını dedi və sözünü tutdu...
Şəhid kapitanın dəfni ümumxalq nümayişinə çevrildi
Deputat şəhidin yas mərasimində iştirak edib
Şəhidimiz torpağa tapşırıldı
Cəbhə bölgəsindən son xəbər: 16 şəhidimiz var, ermənilərin 70 əsgəri məhv edilib
Partiya sədrinin qardaşı oğlu şəhid oldu - zabitin nəşini nazir özü gətirir