BAKI, 6 aprel — Sputnik. Ermənistan prezidenti Serj Sarkisyan bu gün Berlinə səfər edib. O, Almaniya kansleri Angela Merkel və xarici işlər naziri Frank Valter Ştaynmayerlə görüşüb.
Sputnik-in məlumatına görə, Angela Merke görüşdən sonra keçirdiyi brifinqdə deyib ki, Almaniya ATƏT-ə sədrlik edən dövlət kimi Dağlıq Qarabağ münaqişəsinin tezliklə həlli və danışıqların bərpasına görə məsuliyyət daşıyır.
Ştaynmayer isə danışıqlar prosesinin bərpası və qoşunların təmas xəttində monitorinqin aparılmasının vacibliyini bildirib.
