Əli Babayev

"Ermənilərə qarşı savaşın ön cərgəsində yer alacağıq"

58
Gürcüstan azərbaycanlıları Qarabağ cəbhəsindəki son hadisələri həssaslıqla izləyirlər: "Biz öz yurdumuzun, obamızın işğaldan azad olunmasına dəstək verməklə həm də öz haqqımızı müdafiə edirik"

BAKI, 4 apr — Sputnik. "Gürcüstan azərbaycanlıları hər zaman olduğu kimi, Azərbaycanın haqlı mövqeyini dəstəkləyir və bu haqq savaşında Azərbaycanın yanında olduqlarını bəyan etməkdən qürur duyurlar".

Sputnik xəbər verir ki, bunu Gürcüstan Azərbaycanlılarının Milli Konqresinin (GAMK) sədri Əli Babayev BayMedia-ya açıqlamasında deyib. "Azərbaycan torpaqlarının hər qarışı bizim üçün əzizdir. Qarabağ bütün azərbaycanlıların vətənlərinin bir parçasıdır. Bu baxımdan biz öz yurdumuzun, obamızın işğaldan azad olunmasına dəstək verməklə həm də öz haqqımızı müdafiə edirik", —deyə Ə. Babayev bildirib.

O, Gürcüstan azərbaycanlılarının Qarabağ uğrunda savaşda iştirak etməyə hazır olduqlarını vurğulayıb: "Bu məsələdə bütün azərbaycalıların mövqeyi vahiddir. Azərbaycan silahlı qüvvələri güclüdür və düşmənə zərbə endirmək, işğalçını geriyə otuzdurmaq, Azərbaycan torpaqlarını azad etmək iqtidarındadır. Bu haqq savaşında bizə ehtiyac duyulduğu an gözümüzü qırpmadan işğalçıya qarşı savaşın ön cərgəsində yer alacağıq".

Gürcüstan Azərbaycanlılarının Milli Konqresinin sədri Azərbaycan Silahlı Qüvvələrinin şanlı əsgər və zabitlərinin cəbhə xəttində göstərdikləri rəşadətdən qürurlandığını bildirib: "Azərbaycanın dövlət başçısını, əsgər və zabitlərimizi və bütün xalqımızı təbrik edir, şəhidlərimizə Allahdan rəhmət diləyirəm. Millətimizin başı sağ olsun. Tanrı Azərbaycanı qorusun".

58
Teqlər:
qarşıdurma, cəbhə, Əli Babayev, GAMK, Gürcüstan Azərbaycanlılarının Milli Konqresi, Gürcüstan azərbaycanlıları
Əlaqədar
Tərtərdə son durum - rəsmi açıqlama gəldi
Svante Kornell: Azərbaycan Ordusu öz hərbi qabiliyyətini sübut etdi
İrandan Ermənistana çağırış: "Azərbaycan torpaqlarını tərk edin"
Ermənilərin 170-dək hərbi qulluqçusu və 12 zirehli texnikası sıradan çıxarılıb
"Rusiyada hakimiyyətə yaxın mətbuat orqanları anti-Azərbaycan təbliğatı aparır"
Azərbaycan dünyaya çağırış etdi
Dağıdılmış Ağdama mənzərə

Allahverdi Bağırovun qızları Ağdamda atalarının məzarını ziyarət etdilər - VİDEO

52
(Yenilənib 21:09 27.11.2020)
Birinci Qarabağ müharibəsində şəhid olan Milli Qəhrəman Allahverdi Bağırovun qızlarının hər ikisi zabitdir

BAKI, 27 noyabr - Sputnik. Azərbaycanın Milli Qəhrəmanı, Vətən uğrunda həlak olan Allahverdi Bağırovun qızları işğaldan azad olunmuş Ağdamda  onun məzarını ziyarət ediblər. 

Şəhidin hər iki qızı hərbi qulluqçudur. Sosial şəbəkədə yayılan videoda qızlar 27 il sonra yenidən doğma torpaqlarına qayıda bildiklərinə görə Ali Baş Komandana və Azərbaycan Ordusuna minnətdarlıqlarını bildiriblər.

"Atamın arzuladığı peşəyə yiyələnəndən sonra onun məzarını bu gün Dövlət Sərhəd Xidmətinin zabiti, tibb xidməti kapitanı kimi ziyarət etdiyimə görə qürur duyuram. Əminəm ki, 27 il sonra azad edilmiş Ağdama qayıtdıqdan sonra mənim atamın və digər şəhidlərin nigaran ruhları bu gün rahatlıq tapacaq",  - deyə tibb xidməti kapitanı Aynur Bağırova deyib.

Bağırovun digər qızı, DSX-nın polkovnik-leytenantı Zümrüd Bağırova bildirib ki, sonuncu dəfə atasının məzarını 6 yaşı olanda ziyarət edib.

Allahverdi Bağırov 1992-ci il iyunun 14-də minaya düşərək həlak olub. O, Ağdamdakı Şəhidlər Xiyabanında dəfn olunub. Uzun illər qəbri başdaşısız qalıb.

 

52
Teqlər:
ziyarət, qızlar, məzar, Milli Qəhrəman Allahverdi Bağırov, işğaldan azad edilmiş ərazilər, Ağdam
Mövzu:
Azərbaycan və Ermənistan arasında müharibə
İtaliya parlamenti, arxiv şəkli

Senator: İtaliyanın Azərbaycanda strateji maraqları cəmləşir

13
(Yenilənib 19:22 27.11.2020)
İtaliyanın Azərbaycanda strateji maraqları cəmləşir, azərbaycanlılar İtaliyanı sevən bir xalqdır, bu baxımdan İtaliyanın Azərbaycanla münasibətləri yeni istiqamətlər üzrə möhkəmləndirməsi vacibdir.

Eldar Tanrıverdiyev, Sputnik Azərbaycan

BAKI, 27 noyabr — Sputnik. İtaliya Senatında "İrəli, İtaliya" siyasi qrupunun üzvü senator Urania Papatheu İtaliya mətbuatına açıqlamasında bildirib ki, Ermənistan tərəfindən heç bir əsası olmayan təcavüzə məruz qalan Azərbaycanın ərazi bütövlüyü Avropa İttifaqı tərəfindən tanınır və dəstəklənir. İtaliya müharibənin sona çatmasından sonra vəziyyətin mütəmadi normallaşması istiqamətində Azərbaycana kömək etməli və dəstək göstərməlidir.

Bu barədə Sputnik Azərbaycan-a Azərbaycanın İtaliyadakı səfirliyindən məlumat verilib.

"İtaliyanın Azərbaycanda strateji maraqları cəmləşir, azərbaycanlılar İtaliyanı sevən bir xalqdır, bu baxımdan İtaliyanın Azərbaycanla münasibətləri yeni istiqamətlər üzrə möhkəmləndirməsi vacibdir", - deyə Papatheu bildirib.

İtalyan senator əlavə edib ki, işğal olunmuş ərazilərin Azərbaycana geri qaytarılmasını nəzərdə tutan proses İtaliya tərəfindən dəstəklənməlidir və bu, yeni, qarşılıqlı və strateji perspektivlər baxımından yalnız başlanğıc təşkil edir.

"İtaliya yalnız neft və qazla deyil, habelə sinerji və qarşılıqlı əlaqə imkanları üçün insan resursları və mədəni yaxınlıqlar baxımından da zəngin olan Azərbaycan ilə ortaq bir yolun fəal iştirakçısı olmalıdır", - deyə italyan senator fikirlərini tamamlayıb.
13
Teqlər:
dəstək, Qarabag, maraq, strateji əlaqələr, Azərbaycan, İtaliya
İnsan qanı dolu paketlər, arxiv şəkli

Xərçəng xəstələrinə ümid işığı: Yeni test sağ qalma şansını artıracaq

0
(Yenilənib 23:32 27.11.2020)
"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

BAKI, 28 noyabr — Sputnik. İngiltərənin Milli Səhiyyə Xidməti qandan 50 növ xərçəngin erkən əlamətlərini aşkar edən bir testi yoxlayacaq.

Sputnik Azərbaycan xarici mətbuata istinadla xəbər verir ki, "Qan Analizi Qalereyası" 165.000 xəstə üzərində test ediləcək. Əvvəlki tədqiqatlar diaqnozu çətin olan bir çox xərçəng növünü -  boyun, yumurtalıq və beyin xərçənglərini müəyyən edə bildiyini göstərmişdi.

Yeni testin effektiv olduğu sübut edilərsə, erkən mərhələlərdə xərçəng diaqnozu üçün geniş istifadə ediləcək. Bu, dördüncü mərhələdə xəstəliyin aşkarlanması halları ilə müqayisədə xəstələrin sağ qalma sürətini beş-on qat artıracaq.

"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

Milli Səhiyyə Xidməti sınaqların 2023-cü ilə qədər bitməsini planlaşdırır. Bu, 2024-2025-ci illərdə yeni qan testinin geniş yayılmasına imkan verəcək.

0
Teqlər:
İngiltərə, ABŞ, qan, test, xərçəng xəstəliyi