BAKI, 24 fev — Sputnik. Xocalı hadisələrində təqsirli bilinən 39 nəfər barəsində qətliam və digər ağır maddələrlə məhkəmələr tərəfindən həbs-qətimkan tədbiri seçilib, onlar axtarışa verilib.
Sputnik-in APA-ya istinadən verdiyi xəbərə görə, bunu Baş Prokurorluq, Daxili İşlər Nazirliyi və Dövlət Təhlükəsizlik Xidmətinin birgə yaratdığı İstintaq Qrupunun üzvü Ələkbər Xəlilov deyib.
O qeyd edib ki, axtarışa verilənlər arasında müxtəlif millətlərdən olan şəxslər var.
"Axtarışa verilənlər arasında Xankəndi və Əsgəran polis idarəsinin əməkdaşları da var”, — deyə Xəlilov bildirib.
Ə. Xəlilov əlavə edib ki, istintaq-əməliyyat tədbirləri davam etdirilir.
