Ermənilər cənubi Qafqazda kitabı

"Ermənilər Cənubi Qafqazda"...

28
(Yenilənib 16:24 22.01.2016)
Erməni yalanlarını ifşa edən kitab işıq üzü görüb. Müəllif, beynəlxalq ictimaiyyətin diqqətini çəkmək üçün kitabın 3 dilə tərcümə olunduğunu bildirib.

BAKI, 22 yan — Sputnik. Bu gün 1905.az saytının təşkilatçılığı ilə Heydər Əliyev İrsinin Araşdırılması Mərkəzində "Ermənilər Cənubi Qafqazda" adlı kitabın təqdimatı olub. Sputnik xəbər verir ki, kitabın müəllifi Aqil Şahmuradov beynəlxalq ictimaiyyətin diqqətini çəkmək üçün kitabın 3 dilə tərcümə olunduğunu bildirib.

Onun sözlərinə görə, kitabda ermənilərin ifşası əsas xətt kimi götürülüb. Müəllif bildirib ki, hazırda ermənilər həm elm, həm siyasət, həm də mədəniyyət sahəsində çox fəaldırlar və onların yalanlarına operativ şəkildə cavab verilməlidir.

"Bizim əsas məqsədimiz ermənilərin saxtakarlığını üzə çıxarmaqdır. Təbliğat və həqiqətlərin dünya ictimaiyyətinə çatdırılması olduqca vacibdir. Bu baxımdan kitabda kifayət qədər məlumatlar yer alıb" —deyə A. Şahmuradov əlavə edib.

Azərbaycanın AŞPA-dakı nümayəndə heyətinin üzvü, millət vəkili Elxan Süleymanov isə çıxışında, ermənilərin 23 ildən artıqdır Azərbaycan torpaqlarını işğal etdiklərini diqqətə çatdırıb: "Azərbaycan bu torpaqların qaytarılması üçün çalışır. Bu kitab da ermənilərin ifşası baxımından xüsusi əhəmiyyətə malikdir.".

Millət vəkili həmçinin, Azərbaycanın xarici ölkələrdəki səfirliklərini Dağlıq Qarabağ probleminin həllində fəal olmağa çağırıb.

28
Teqlər:
erməni, Aqil Şahmuradov, kitab, "Ermənilər Cənubi Qafqazda", Heydər Əliyev İrsinin Araşdırılması Mərkəzi
Əlaqədar
"Bu, erməni xalqı üçün dəhşətli itkidir"
Ermənistan 30 cinahdan atəşkəsi pozub
Çavuşoğlu: Qarabağ problemi həll olmayınca Türkiyə-Ermənistan əlaqələri düzəlməyəcək
AŞPA üzvü: məğlubiyyət təşvişi bütün Ermənistanı hərəkətə gətirib
Dağıdılmış Ağdama mənzərə

Allahverdi Bağırovun qızları Ağdamda atalarının məzarını ziyarət etdilər - VİDEO

50
(Yenilənib 21:09 27.11.2020)
Birinci Qarabağ müharibəsində şəhid olan Milli Qəhrəman Allahverdi Bağırovun qızlarının hər ikisi zabitdir

BAKI, 27 noyabr - Sputnik. Azərbaycanın Milli Qəhrəmanı, Vətən uğrunda həlak olan Allahverdi Bağırovun qızları işğaldan azad olunmuş Ağdamda  onun məzarını ziyarət ediblər. 

Şəhidin hər iki qızı hərbi qulluqçudur. Sosial şəbəkədə yayılan videoda qızlar 27 il sonra yenidən doğma torpaqlarına qayıda bildiklərinə görə Ali Baş Komandana və Azərbaycan Ordusuna minnətdarlıqlarını bildiriblər.

"Atamın arzuladığı peşəyə yiyələnəndən sonra onun məzarını bu gün Dövlət Sərhəd Xidmətinin zabiti, tibb xidməti kapitanı kimi ziyarət etdiyimə görə qürur duyuram. Əminəm ki, 27 il sonra azad edilmiş Ağdama qayıtdıqdan sonra mənim atamın və digər şəhidlərin nigaran ruhları bu gün rahatlıq tapacaq",  - deyə tibb xidməti kapitanı Aynur Bağırova deyib.

Bağırovun digər qızı, DSX-nın polkovnik-leytenantı Zümrüd Bağırova bildirib ki, sonuncu dəfə atasının məzarını 6 yaşı olanda ziyarət edib.

Allahverdi Bağırov 1992-ci il iyunun 14-də minaya düşərək həlak olub. O, Ağdamdakı Şəhidlər Xiyabanında dəfn olunub. Uzun illər qəbri başdaşısız qalıb.

 

50
Teqlər:
ziyarət, qızlar, məzar, Milli Qəhrəman Allahverdi Bağırov, işğaldan azad edilmiş ərazilər, Ağdam
Mövzu:
Azərbaycan və Ermənistan arasında müharibə
İtaliya parlamenti, arxiv şəkli

Senator: İtaliyanın Azərbaycanda strateji maraqları cəmləşir

13
(Yenilənib 19:22 27.11.2020)
İtaliyanın Azərbaycanda strateji maraqları cəmləşir, azərbaycanlılar İtaliyanı sevən bir xalqdır, bu baxımdan İtaliyanın Azərbaycanla münasibətləri yeni istiqamətlər üzrə möhkəmləndirməsi vacibdir.

Eldar Tanrıverdiyev, Sputnik Azərbaycan

BAKI, 27 noyabr — Sputnik. İtaliya Senatında "İrəli, İtaliya" siyasi qrupunun üzvü senator Urania Papatheu İtaliya mətbuatına açıqlamasında bildirib ki, Ermənistan tərəfindən heç bir əsası olmayan təcavüzə məruz qalan Azərbaycanın ərazi bütövlüyü Avropa İttifaqı tərəfindən tanınır və dəstəklənir. İtaliya müharibənin sona çatmasından sonra vəziyyətin mütəmadi normallaşması istiqamətində Azərbaycana kömək etməli və dəstək göstərməlidir.

Bu barədə Sputnik Azərbaycan-a Azərbaycanın İtaliyadakı səfirliyindən məlumat verilib.

"İtaliyanın Azərbaycanda strateji maraqları cəmləşir, azərbaycanlılar İtaliyanı sevən bir xalqdır, bu baxımdan İtaliyanın Azərbaycanla münasibətləri yeni istiqamətlər üzrə möhkəmləndirməsi vacibdir", - deyə Papatheu bildirib.

İtalyan senator əlavə edib ki, işğal olunmuş ərazilərin Azərbaycana geri qaytarılmasını nəzərdə tutan proses İtaliya tərəfindən dəstəklənməlidir və bu, yeni, qarşılıqlı və strateji perspektivlər baxımından yalnız başlanğıc təşkil edir.

"İtaliya yalnız neft və qazla deyil, habelə sinerji və qarşılıqlı əlaqə imkanları üçün insan resursları və mədəni yaxınlıqlar baxımından da zəngin olan Azərbaycan ilə ortaq bir yolun fəal iştirakçısı olmalıdır", - deyə italyan senator fikirlərini tamamlayıb.
13
Teqlər:
dəstək, Qarabag, maraq, strateji əlaqələr, Azərbaycan, İtaliya
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

0
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

0
Teqlər:
psixoloji yardım, sosial, reabilitasiya, əziyyət, müharibə, uşaqlar