Berndə Azərbaycan və Ermənistan prezidentlərinin görüşü. Arxiv

2016-cı ildən Qarabağ gözləntiləri

225
(Yenilənib 11:05 15.01.2016)
"Ermənistan böyük dövlətlər tərəfindən hər hansı formada ciddi təzyiqlər hiss edərsə, münaqişənin həllində müəyyən addımlar ata bilər. Amma belə bir tendensiya hələ ki, müşayət olunmur"

2016-cı ildən Qarabağ gözləntiləri
BAKI, 14 yan — Sputnik."2016-cı ildə həmsədrlər prezidentlər arasında dialoqu gücləndirməyi planlaşdırır". Bu sözləri APA-ya açıqlamasında ATƏT-in Minsk qrupunun amerikalı həmsədri Ceyms Uorlik deyib.

Uorlikin sözlərinə görə, eyni zamanda həmsədrlər Azərbaycan və Ermənistanın xarici işlər nazirləri ilə işləməyə davam edəcəklər: "Biz xarici işlər nazirləri ilə həll prosesi ilə bağlı təkliflər, təmas xətti və beynəlxalq sərhədlər boyunca gərginliyin artması riskini azaltmaq üçün tədbirlər və Dağlıq Qarabağ icmaları arasında dialoqun təşviqi istiqamətində işləməkdə davam edəcəyik".

Təhlilçilərin fikirncə, ötən il Dağlıq Qarabağ münaqişəsinin həlli üçün uğursuz keçdi. Minsk Qrupunun həmsədrlərinin fəallığına və prezidentlərin ilin sonunda baş tutan görüşünə rəğmən problemin həlli istiqamətində müsbət nəticə əldə olunmadı. Bir sıra politoloqlar 2016-cı ilin Dağlıq Qarabağ münaqişəsinin həlli üçün əhəmiyyətli olacağını iddia edirlər. Bəzi ekspertlər isə hazırda dünyada baş verən prosseslərin fonunda böyük dövlətlərin Dağlıq Qarabağ münaqişəsinin həllində ortaq məxrəcə gəlmək ehtimalının çox az olduğu fikrindədirlər.

Politoloq Tofiq Abbasov Sputnik əməkdaşı ilə söhbətində bildirib ki, Ermənistan sülh istəmir, danışıqları sadəcə olaraq bir proses kimi qəbul edir: "Ermənistan tərəfi ümumiyyətlə sülh prosesinə hazır deyil. Sülh danışıqlarını kritik məqama çatdırmaq istəyirlər ki, nizamasalma prosesi məhv olsun, ya Minsk qrupu dağılsın, ya da formal şəkildə fəaliyyət göstərsin. Əsas dönüş yaradan məqam ondan ibarətdir ki, Ermənistan gərək öz qoşunlarını mübahisəli torpaqlardan çıxartsın. İndi o ərazilər diplomatik baxımdan mübahisəli ərazi sayılır".

Politoloq Tofiq Abbasov
© Sputnik / Fuad Hasanov
Politoloq Tofiq Abbasov

Ekspertin sözlərinə görə, qoşunlar orada olana qədər orada heç bir mexanizm işlənə bilməz: "Biz bir məntiqin şahidi oluruq ki, Ermənistan sülh istəmir. Çünki, sülhün sonunda Azərbaycan torpaqlarından çıxmaq və onu qanuni sahibinə qaytarmaq söhbəti var. Ermənilər bunu istəmədiklərindən çalışırlar ki, sülh prossesini iflic vəziyyətə salsınlar".

Politoloq İlqar Vəlizadənin fikrincə, həmsədrlik institutu bölgədə olan-qalan nüfuzunu da itirmək üzrədir. "Həmsədrlər və digər vasitəçilik etmək istəyən tərəflərdən gələn görüş təklifləri kifayət qədər hazırlanmamış çiy təkliflərdir. Ona görə də görüşlər adətən nəticəsiz qalır. Gündəlik olmadan belə görüşlər heç bir nəticə verə bilməz. Həmsədrlər tərəfindən öz işləri bağlı prinsipial dəyişiklik olmasa, ortaya başqa hərəkət tərzini qoymasalar, yəqin ki, bunların da fəaliyyəti qənaətbəxş sayıla bilməz".

Politoloq İlqar Vəlizadə
© Sputnik / Murad Orucov
Politoloq İlqar Vəlizadə

Siyasi şərhçi hesab edir ki, beləliklə, həmbölgədə onsuz da aşağı olan nüfuzları kifayət qədər də aşağı enəcək. Bu isə onların fəaliyyətinə əngəllər törədəcək. Ona görədə indi onların əsas məqsədi öz nüfuzlarını bərpa etməkdir. Bunun üçün onlar mütləq ortaya düşünülmüş təkliflər qoymalıdırlar. İlk növbədə Ermənistanı məcbur etməlidirlər ki, bu təkliflər üzərində işləsinlər. Yaxud da bunlarla bağlı öz fikirlərini ya da əks təkliflərini ortaya qoysunlar".

T.Abbasov əlavə edib ki, Ermənistan böyük dövlətlər tərəfindən hər hansı formada ciddi təzyiqlər hiss edərsə, münaqişənin həllində müəyyən addımlar ata bilər: "Amma belə bir tendensiya hələ ki, müşayət olunmur. Ceyms Uorlik və digər diplomatlar təbii ki, istəmirlər onların ünvanına tənqidi fikirlər söylənilsin. Ancaq onlar missiyanın öhdəsindən gələ bilmirlər. Çünki, Ermənistan gərək öz qoşunlarını Azərbaycan torpaqlarından çıxartsın. Bunu da gərək vasitəçi diplomatlar tələb etsinlər. Elə bir mexanizm tapsınlar ki, Ermənistan dözümlülük vəziyyətini yaratsın. Ondan sonra artıq tərəflər oturub kompromisslər əsasında bütün bu məsələlərin hamısını sonda da Qarabağın statusunu müəyyən etsinlər. Minsk Qrupunun səylərinin 2016-cı ildə də hər hansı bir müsbət ümidverici dönüş yaradacağına inanmıram".

Xatırladaq ki, prezident İlham Əliyev yanvarın 10-da Nazirlər Kabinetinin iclasında çıxışı zamanı ötən il İsveçrənin Bern şəhərində prezidentlər arasında Dağlıq Qarabağ münaqişəsinin nizamlanması üzrə baş tutan görüşün formal xarakter daşıdığını deyib.

225
Teqlər:
ATƏT, Minsk Qrupu, prezidentlər, Prezident, Qarabağ
Əlaqədar
2016 Qarabağ üçün heç nə vəd eləmir
Qarabağ cəbhəsində vəziyyət çox gərginləşib
2015-ci il Qarabağ üçün uğursuz il oldu
Uorlik: Dağlıq Qarabağ әtrafındakı 7 rayon Azәrbaycana qaytarılmalıdır
Politoloq: İrəvan Qarabağ probleminin həllində çaşqın vəziyyətdədir
Robert Sekuta: Qarabağ problemini "dondurulmuş münaqişə" kimi görmürük
Notebook-la oynayan kişi, arxiv şəkli

"WhereisKarabakh.com" veb-saytı yaradılıb: O, nəyə xidmət edəcək?

13
(Yenilənib 22:42 22.01.2021)
İstifadəçilər sadə interfeysi olan veb-sayta daxil olduqdan sonra dünya xəritəsindən istənilən ölkəni seçərək buradan Qarabağa olan məsafəni görə bilərlər.

BAKI, 22 yanvar — Sputnik. Azərbaycan Turizm Bürosu tərəfindən "WhereisKarabakh.com" ("Qarabağ harada yerləşir?") veb-saytı istifadəyə verilib.

Sputnik Azərbaycan xəbər verir ki, platformanın yaradılmasında məqsəd dünyaya Qarabağın coğrafi olaraq harada yerləşdiyini göstərmək, həmçinin Qarabağ regionunun tarixini, mədəniyyətini, eləcə də gəzməli-görməli yerlərini düzgün formada çatdırmaqdan ibarətdir.

Azərbaycan Turizm Bürosunun Baş icraçı direktoru Florian Zenqstşmit veb-saytla bağlı bunları qeyd edib: "Qarabağ regionunun əlverişli iqlimi və relyefi burada müxtəlif növ turizm məhsullarının inkişafına imkan yaradır. Bundan əvvəl isə bu möhtəşəm regionun zəngin tarixi, mədəni abidələri və təbiəti haqqında məlumatları bütün dünyaya çatdırmaq mühüm əhəmiyyət kəsb edir. "WhereisKarabakh.com" veb-saytının yaradılması da məhz bu missiyanı daşıyır".

İstifadəçilər sadə interfeysi olan veb-sayta daxil olduqdan sonra dünya xəritəsindən istənilən ölkəni seçərək buradan Qarabağa olan məsafəni görə, eləcə də "Qarabağ" toponiminin mənşəyi, regionun tarixi, abidələri, görkəmli şəxsləri, muğam və xalçaçılıq sənəti, Qarabağ atları və təbiəti haqqında məlumatlar əldə edə bilərlər.

Məlumatlandırma pəncərəsində veb-sayt ziyarətçilərinin daha ətraflı məlumatlar almaları üçün isə "Azerbaijan.travel" platformasının Qarabağla bağlı tərtib olunmuş səhifəsinə keçid etmək təklif olunur.

 

13

Rəsmi Bakı Avropa Parlamentinin qərəzli iddialarını pislədi

22
"Qətnamədə qardaş Türkiyə ilə bağlı əsassız iddialar əks olunub, həqiqəti əks etdirməyən qərəzli fikirlərə yer verilib. Vurğulayırıq ki, Türkiyə bölgənin aparıcı ölkələrindən biridir"

BAKI, 22 yanvar — Sputnik. "İlk növbədə onu vurğulamaq istərdim ki, bu il yanvarın 20-də Avropa Parlamentinin (AP) qəbul etdiyi illik doktrinal və hüquqi təsirə malik Ümumi Xarici və Təhlükəsizlik Siyasətinin tətbiqi barədə qətnaməsi və 2021-ci il üçün yol xəritəsi sayılan bu hesabat sənədində növbəti dəfə Şərq Tərəfdaşlığı ölkələrinin (o cümlədən Azərbaycanın) beynəlxalq səviyyədə tanınmış sərhədləri çərçivəsində ərazi bütövlüyünə Aİ-nin dəstəyi birmənalı şəkildə əks olundu. Bəzi ermənipərəst dairələrin səylərinə baxmayaraq, 44 günlük Vətən müharibəsindən sonra Avropa İttifaqının Azərbaycanın və digər Şərq Tərəfdaşlığı ölkələrinin ərazi bütövlüyünün və beynəlxalq səviyyədə tanınmış sərhədlərinin toxunulmazlığına dəstəyə dair mövqeyində hər hansı dəyişiklik baş vermədi".

Bunu Sputnik Azərbaycan-a açıqlamasında Xarici İşlər Nazirliyinin Mətbuat xidməti idarəsinin rəisi Leyla Abdullayeva deyib.

"Sənəddə, həmçinin qeyd edilir ki, Azərbaycan, Rusiya və Ermənistan dövlət başçıları tərəfindən 10 noyabr tarixində imzalanmış üçtərəfli bəyanat müsbət qarşılanır, gələcək sülh üçün bu razılaşmanın daha yaxşı perspektivlər açacağına ümid ifadə olunur. Burada, mülki əhalinin öldürülməsi, mülki infrastrukturun dağıldılması, kasetli döyüş sursatlarından istifadə pislənir və bu xüsusda həm Ermənistan, həm də Azərbaycana çağırışlar edilir. Sənəddə məcburi köçkünlər və qaçqınların evlərinə geri qayıtması, ehtiyacı olanlara humanitar yardımın göstərilməsi, habelə müharibə cinayətlərinə məsul olanların qanun qarşısında cavab verməsi kimi məsələlər əks olunub.

Bir sözlə, Avropa Parlamenti qətnaməsi Şərq Tərəfdaşlığı ölkərindəki münaqişələrlə bağlı bütün məsələlərin həllini məhz beynəlxalq hüquq əsasında, ilk növbədə isə ŞT ölkələrinin beynəlxalq sərhədləri çərçivəsində ərazi bütövlüklərinin Aİ tərəfindən qətiyyətli dəstəklənməsi əsasında həll edilməsinin vacibliyini son 4 ildə olduğu kimi bir daha vurğulayıb.

O ki qaldı qətnamədə əks olunmuş bəzi əsassız və gecikmiş məqamlara, onlara aydınlıq gətirmək istərdik. İlk növbədə, bölgənin gələcək statusu və Dağlıq Qarabağın erməni əhalisi və irsinin təhlükəsizliyinin təmin olunması məsələsi ilə bağlı mövqeyimiz bəllidir və birmənalı şəkildə dəfələrlə ifadə olunub. Bu mövqe ilə tanış olmayan AP üzvlərinin diqqətinə bir daha çatdırırıq ki, Azərbaycan Prezidenti status məsələsini tarixin zibilliyinə yollayıb, erməni əhalisinin və irsinin təhlükəsizliyinə gəldikdə isə, Azərbaycan ərazisindəki bütün vətəndaşların hüquqları etnik mənsubiyyətindən və dinindən asılı olmayaraq Azərbaycan Konstitusiyası ilə təmin olunur, tarixi-mədəni abidələr isə dövlət səviyyəsində qorunur.

Qətnamədə qardaş Türkiyə ilə bağlı əsassız iddialar əks olunub, həqiqəti əks etdirməyən qərəzli fikirlərə yer verilib. Vurğulayırıq ki, Türkiyə bölgənin aparıcı ölkələrindən biridir, bölgədə sülh və təhlükəsizliyin təmin olunmasında maraqlıdır və bu xüsusda müstəsna rol oynayır", - deyə Leyla Abdullayeva qeyd edib.

22

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0