Sağalmayan yaramız: ekoloji fəlakətlər

832
(Yenilənib 11:10 04.06.2021)
Məişət tullantılarının düzgün utilizasiyası planetdə ekoloji fələkətdən qaçmağa imkan verir. Utilizasiya üçün vaxtında çeşidlənməyən müxtəlif növ tullantıların parçalanması üçün nə qədər zamanın tələb olunması haqda Sputnik Azərbaycan-ın infoqrafikasında.
İnfoqrafika: Ətraf mühitin mühafizəsi günü
© Sputnik / Elnur Salayev

Bakının hər bir sakini orta hesabla ildə 350 kq məişət tullantısı atır. Zibil qalaqları durmadan çoxalır. Azərbaycan Dövlət Statistika Komitəsinin məlumatına görə, təkcə 2020-ci ildə azərbaycanlılar 2019-cu ilə nisbətən 6.4% çox zibil atıblar. Zibillərin isə 67.4%-ni bərk məişət, 32.6%-ni sənaye tullantıları təşkil edir.

Ötən il ərzində bərk məişət tullantılarından 2350 min tonu və ya 74.5%-i sonrakı utilizasiya üçün poliqonlara daşınıb. Qalan 25%-dən elektrik enerjisinin alınmasında istifadə edilib.

Zibil emalı zavodlarının olmasına rəğmən, ölkədə zibillərin çeşidlənməsi problemi aktual olaraq qalır. Şəhər hakimiyyəti ikinci ildir ki, sakinləri öz zibillərini çeşidləməyə alışdırır. Öncə üzvi və qeyri-üzvi zibillərin ayırd edilməsi üçün iki rəngdə konteynerlər aldılar. Sonra könüllülər sakinlərə məişət tullantılarının ilkin çeşidlənməsini öyrətdilər. 

Bu nə üçün lazımdır?

Hər bir əşyanın torpaqda müəyyən çürümə dövrü var. Gələcək nəsillərimiz də torpaq üzərində yaşıl otlar, ağaclar görə bilsinlər deyə tullantıları elə bu gün düzgün çeşidləməyi öyrənmək lazımdır. Məsələn, bir plastik butulkanın tam çürüməsi 450 il çəkir. Təkrar emal isə ətraf mühitin çirklənməsi problemini aradan qaldıra bilər. 

Sputnik Azərbaycan hər kəsi ekologiya problemləri haqda düşündürəcək infoqrafika ilə tanış olmağı təklif edir.

832

Bakıda AVRO-2020 oyunları

1406
(Yenilənib 08:55 12.06.2021)
Bakı koronovirus pandemiyası səbəbindən təxirə salınan 2020-ci il Avropa çempionatının dörd oyununa ev sahibliyi edəcək.
İnfoqrafika: Bakıda AVRO-2020 oyunları
© Sputnik / Elnur Salayev

AVRO-2020 dörd oyunu Bakı Olimpiya Stadionunda keçiriləcək. Onlardan üçü "A" qrupu oyunlarıdır və İsveçrə-Uels (12 iyun), Türkiyə-Uels (16 iyun) və İsveçrə-Türkiyə (20 iyun) komandaları arasında baş tutacaq. Azərbaycanın paytaxtı, eləcə də, iyulun 3-də AVRO-2020-nin 1/4 final oyununa ev sahibliyi edəcək.

Qeyd edək ki, bir qədər bundan əvvəl Bakıda keçirilən AVRO-2020 oyunlarının təşkilat komitəsi və AR Nazirlər Kabineti yanında Operativ Qərargah Avropa çempionatı oyunları vaxtı Bakı Olimpiya Stadionundakı yerlərin 50%-nin tutulacağına zəmanət verib.

Bakıda keçirilən AVRO-2020 oyunlarının xarici ölkələrdən olan azarkeşləri UEFA-dan bilet aldıqları və akkreditasiyadan keçdikləri təqdirdə Heydər Əliyev Hava Limanında sadələşdirilmiş qaydada viza ala bilir. AVRO-2020 oyunlarına bilet satışı mayın 15-dən başlayıb. Son məlumatlara görə, ümumilikdə 44 min bilet satılıb. İsveçrə və Uels komandaları arasında keçiriləcək ilk oyuna 6 min bilet satmaq mümkün olub. Türkiyə və Uels yığma komandalarının qarşılaşacağı ikinci oyuna isə 18 min bilet satılıb. Azarkeşlər Türkiyə və İsveçrə komandaları arasında baş tutacaq 1/4 final oyununa daha böyük maraq göstərərək 20 min bilet əldə ediblər.

1406

Azərbaycanda sığorta: əhalinin yarıdan çoxu sığorta sahəsində mənfi təcrübəyə malik deyil

1563
(Yenilənib 12:17 09.06.2021)
Azərbaycanda əhalinin və müəssisələrin sığorta savadlılığı və maarifləndirilməsi sahəsindəki vəziyyətlə Sputnik Azərbaycanın infoqrafikasından tanış ola bilərsiniz.
İnfoqrafika: Azərbaycanda sığorta
© Sputnik / Elnur Salayev

BAKI, 9 iyun — Sputnik. Azərbaycan Respublikası Mərkəzi Bankı, "Azərbaycan Sığortaçılar Assosiasiyası" (ASA) İctimai Birliyi və İcbari Sığorta Bürosu arasında imzalanmış "Sığorta savadlılığının artırılması, maarifləndirmə, təbliğat və qarşısıalınma tədbirlərinin sistemli və ardıcıl həyata keçirilməsinə dair Memorandum" çərçivəsində keçirilmiş sorğunun nəticəsi açıqlanıb.

2150 respondent arasında keçirilmiş sorğu nəticəsində aydın olub ki, əhalinin 19%-i, biznes subyektlərinin isə 12%-i məhz həmin il hər hansı bir sığorta hadisəsi baş vermədiyi üçün sığorta müqaviləsini yeniləmir. Bundan başqa, məlum olub ki, respondentlərin 37%-i əmlak, 35%-i isə avtomobil sığortası barədə məlumatlandırılıb.

Müəssisələrə gəlincə, onlardan yalnız 12%-i sığorta müqavilələrini yeniləmir, 47%-i əmlak, 48%-i isə avtomobil sığortası üzrə məlumatlandırılıb.

Bundan başqa, Azərbaycanda əhalinin 63%-i sığorta sahəsində mənfi təcrübəyə malik deyil və ölkə vətəndaşlarının yalnız 43%-i aktiv şəkildə sığorta xidmətlərindən yararlanır.

Ölkədəki müəssisələrin isə 71%-i sığorta ilə bağlı mənfi hal yaşamayıb. Müəssisələrin 61%-i bu xidmət növündən fəal şəkildə istifadə edir.

Sorğunun nəticəsinə əsasən, əhali qrupundan olan respondentlərin 45%-i sığorta barədə məlumatı sığorta şirkətlərindən, 25%-i isə digər şəxslərdən alır. Müəssisələrin 36%-i sığorta barədə məlumatı telekanallardan, 32%-i isə internet portallarından və xəbər saytlarından alır.

Eləcə də oxuyun:

1563
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

0
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

0