Nəfəs musiqi (çalğı) alətlərində havanın alətin daxilinə üfürülməsi (nəfəs verilməsi) üsulu ilə səs əldə olunur.

Bu alətlərin ilk sadə nümunələri eramızdan bir neçə min il əvvəl qarğı və qamışdan hazırlanıb. Bu ənənə dövrümüzə qədər yaşayır. Nəfəsli musiqi alətləri qarğıdan, qamışdan sümükdən, heyvanların buynuzundan, gildən, müxtəlif ağac növlərindən, mis və digər materiallardan  hazırlanır. 

Nəfəsli musiqi alətlərinin texniki və bədii imkanları o qədər də geniş deyil. Bu da, hər şeydən əvvəl, onların səs diapazonunun məhdudluğu ilə əlaqədardır. 

Sputnik Azərbaycan-ın hazırladığı infoqrafikada Azərbaycanda populyar olan nəfəs musiqi alətləri ilə tanış ola, həm də onların səslənməsinə qulaq asa bilərsiniz.

BAKI, 5 aprel — Sputnik. Keçən ilin ortalarından etibarən Azərbaycanda nağdsız ödənişləri stimullaşdırmaq üçün satın alınan mallar və xidmətlərə görə ödənən əlavə dəyər vergisinin (ƏDV) bir hissəsinin qaytarılmasını vəd edən "ƏDV geri al" layihəsinin icrasına başlanılıb. Nağdsız ödənişlər üçün vergi məbləğinin 15%, nağd ödənişlər üçün 10%-nin qaytarılması nəzərdə tutulur.

Bu günlərdə Media Təhlil Mərkəzi tərəfindən "ƏDV geri al" layihəsi və bonus/endirim kartları ilə bağlı ictimaiyyətin fikrini öyrənmək məqsədilə sorğu keçirilib. Sputnik Azərbaycan-ın sorğunun nəticəsi əsasında hazırladığı xüsusi materialda insanların geri qaytarılan ƏDV faizindən necə istifadə etdikləri, bundan başqa, ümumilikdə bonus və endirim kartlarından daha çox hansı məhsulları alarkən yararlandıqları barədə geniş məlumat öz əksini tapıb.

Dövlətin "ƏDV geri al" layihəsi, kommersiya qurumlarının isə bonus/endirim kartları ilə bağlı məqsədi nə olursa-olsun, hər bir halda ödədiyin vəsaitin bir hissəsinin bu yolla geri qaytarılması xoş təsir bağışlayır.