Antireytinq: Ötən il hansı avtomobillər daha çox qəza törədib?

1677
(Yenilənib 16:11 17.03.2021)
Azərbaycan sığorta şirkətlərinə edilən müraciətlər əsasında məlum olub ki, ölkədə baş vermiş avtomobil qəzalarının təxminən dörd mini "Lada" markalı maşınların sahiblərinin payına düşür.
İnfoqrafika: Azərbaycanda hansı avtomobillər daha çox qəza törədir
© Sputnik / Elnur Salayev

BAKI, 17 mart — Sputnik. Azərbaycan Sığortaçılar Assosiasiyasının (ASA) məlumatına görə, ölkədə baş verən yol qəzalarının əksəriyyəti VAZ markalı avtomobil sahiblərinin iştirakı ilə törədilir. Belə ki, keçən il sığorta şirkətləri "Lada" avtomobilləri ilə toqquşması nəticəsində baş vermiş 3829 hadisə qeydə alıblar. Bu rəqəm nəqliyyat vasitələri arasında ən yüksək göstəricidir.

2020-ci ildə formalaşdırılan sığorta tələblərinin sayına görə, ikinci yeri "Mercedes" markalı maşınlar tutur. Dəymiş zərərə görə sığorta məbləğinin ödənilməsi üçün sığorta şirkətlərinə müraciətlərin 3771-i məhz bu avtomobil sahiblərinin payına düşür. Siyahıda üçüncü yeri "Hyundai" sahibləri tutur. Onların törətdiyi qəzaya görə 1494 sığorta hadisəsi qeydə alınıb. Bundan başqa, ilk onluğa daxil olanlar arasında "Opel" (932), "Toyota" (901), "Ford" (805), "Kia" (706), "Daewoo" (537), BMW (520) və "Nissan" (485) da var.

Bununla yanaşı, məlum olub ki, göstərilən dövr ərzində sığorta şirkətinə müraciətlə nəticələnən yol qəzalarında ən çox "Mercedes" markalı avtomobillərin sahibləri zərər görüb. 2020-ci ildə belə müraciətlərin sayı 2187-ə bərabər olub. Sonrakı yeri 1604 müraciətlə "Lada" maşınları tutur. "Hyundai" və "Toyota" ilə bağlı 860, "Opel"lə bağlı 609, "Kia" ilə bağlı 474, "Nissan"la bağlı 383, BMW ilə bağlı 313, "Ford"la bağlı 248, "Chevrolet"lə bağlı isə 257 müraciət daxil olub.

Sığorta şirkətlərindən verilən daha bir maraqlı məlumat isə yol qəzalarının əsas səbəbkarlarının kişilər olmasıdır. Belə ki, ölkə üzrə baş verən yol qəzalarının 96 faizi məhz kişilərin günahı ucbatından törədilib.

1677
Teqlər:
infoqrafika, statistika, 2020, qəza, avtomobil

Cənnət meyvəsi: xurmanın faydaları nələrdir

29
(Yenilənib 13:33 19.04.2021)
Sputnik Azərbaycan-ın növbəti infoqrafikasında xurmanın insan orqanizminə faydası və bu şirin meyvənin pəhriz saxlayanlar üçün mümkün ziyanından bəhs olunur.
İnfoqrafika: Xurmanın faydası
© Sputnik / Elnur Salayev

Xurma ta qədimdən çox faydalı meyvə hesab olunub və müqəddəs Ramazan ayında istifadəsi dəfələrlə artır. Belə hesab olunur ki, orucluqda iftarı xurma ilə açmaq daha məqbuldur.

Xurmanın insan orqanizminə faydasını saymaqla qurtarmaz. Bu şirin və ləzzətli meyvənin tərkibində, demək olar ki, orqanizmə lazım olan bütün faydalı maddələr, vitaminlər və mikroelementlər var.

Artıq çoxdan sübut olunub ki, qida rasionuna bu meyvəni daxil etməklə ürək damarlarını və immuniteti xeyli möhkəmləndirmək və ürək xəstəliklərinin inkişafının qarşısını almaq mümkündür.

Sputnik Azərbaycan-ın növbəti infoqrafikasında xurmanın bütün faydalı xüsusiyyətləri ilə tanış ola bilərsiniz.

29
Teqlər:
infoqrafika, xurmanın faydaları, xurma

Azərbaycanda ipoteka: insanlar ev almaq üçün hansı üsula üstünlük verirlər

517
(Yenilənib 17:41 13.04.2021)
İpoteka artıq bütün dünyada olduğu kimi, Azərbaycanda da adi bank xidmətinə çevrilib. Bəs azərbaycanlılar bu üsulla ev almağa necə yanaşırlar? Bu sualın cavabı Sputnik Azərbaycan-ın növbəti infoqrafikasında.
İnfoqrafika: İpoteka kreditləri
© Sputnik / Elnur Salayev

Hazırda əmlak qiymətləri ilə insanların illik gəlirləri arasında fərq çox böyük olduğundan, əksəriyyət vəziyyətdən çıxış yolunu ipoteka kreditində görür. Bu metodun Azərbaycanda da məşhur olub-olmadığını müəyyənləşdirmək məqsədilə potensial ev alıcıları arasında sorğu keçirilib.

Kreditlə daşınmaz əmlak almaq normal hal sayılsa da, sən demə, Azərbaycanda hələ də əsla ipoteka krediti götürmək istəməyən insanlar var. Sorğunun nəticəsinə görə, belələrinin sayı 11 faiz təşkil edir.

O da maraqlıdır ki, rəyi soruşulanların yalnız 5,6%-i ipoteka ilə ev almağa ümid edir. Ailəli insanların neçə faizinin valideynləri ilə birgə yaşadığı, eləcə də ipoteka krediti götürməyin qəti əleyhinə olanların faiz göstəriciləri də Sputnik Azərbaycan-ın xüsusi infoqrafikasında öz əksini tapıb.

517
Əllərində smartfonlar olan gənclər, arxiv şəkli

Əhaliyə növbəti "fişinq" hücumları barədə xəbərdarlıq

0
Məqsəd sosial mühəndislik texnikalarından istifadə edərək istifadəçiləri "tələyə salmaqla" asan yolla maddi vəsait əldə etməkdir

BAKI, 20 aprel — Sputnik. Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti vətəndaşları son günlərdə bankları hədəf alan "fişinq" hücumları barədə xəbərdar edib. Nazirlikdən Sputnik Azərbaycan-a daxil olan məlumatda bildirilir ki, kiberdələduzlar "Kapital Bank", "Unibank" və digər bankların texniki dəstək xidmətinin adından sui-istifadə edərək vətəndaşların bank məlumatlarını və digər fərdi məlumatlarını ələ keçirməyə çalışırlar. Belə ki, həyata keçirilən kiberhücumlarda bank əməkdaşlarının adından vətəndaşların mobil nömrələrinə zənglər edilərək, onların adına hər hansı köçürmənin həyata keçirildiyi bildirilir və təsdiqləmə üçün kart hesab nömrəsi, şifri, təsdiqləmə kodu və sair fərdi məlumatların təqdim edilməsi tələb olunur.

Digər bir kiberhücumda bank əməkdaşlarının adından saxta sosial şəbəkə hesabları yaradılaraq müəyyən bank əməliyyatlarının həyata keçirilməsi üçün kart hesab məlumatlarının, təsdiqləmə kodlarının təqdim edilməsi tələb edilir.

Məqsəd sosial mühəndislik texnikalarından istifadə edərək istifadəçiləri "tələyə salmaqla" asan yolla maddi vəsait əldə etməkdir.

Qeyd edək ki, geniş yayılmış bu növ kiberhücumlarda kiberdələduzlar öz kimliklərini gizlətmək üçün müxtəlif proqramlardan istifadə edərək qarşı tərəfə telefon nömrələrini istədikləri şəkildə göstərə bilir. Yəni zəng gələn ekranda bankın və ya başqa şəxsin nömrəsi əks oluna bilər. Əslində isə zəng tam fərqli nömrədən həyata keçirilir.

Bu səbəbdən vətəndaşlardan xahiş olunur ki, bu kimi zənglərə qarşı maksimum diqqətli olsunlar, ekranda hansı nömrənin əks olunmasından asılı olmayaraq heç bir halda qarşı tərəfə bank məlumatlarını və digər fərdi məlumatlarını təqdim etməsinlər. Bu kimi zənglər və ya mesajlar aldıqda, ilk öncə başqa vasitələrlə həmin bank və ya müəssisə ilə əlaqə saxlayaraq məlumatın düzgünlüyünü yoxlasınlar.

Xüsusilə, bank kartlarının şəklini çəkməklə qarşı tərəfə ötürmək, telefona gələn təsdiqləmə kodlarını (OTP) digər şəxslərlə paylaşmaq sizə maddi zərər dəyməsi ilə nəticələnə bilər. Kart hesab nömrəsi, etibarlılıq müddəti, CVV kodu (kartın arxa hissəsindəki üçrəqəmli kod), həmçinin təsdiqləmə kodlarını əldə edən şəxs asanlıqla hesabınızdan vəsait çıxara bilər.

Unutmayın ki, heç bir bank müştərisindən telefon vasitəsilə şifr, təsdiqləmə kodu kimi məlumatları təqdim etməsini tələb etmir. Bu məlumatlar məxfi saxlanılmalı və heç bir halda digər şəxslərlə paylaşılmamalıdır.

Həmçinin vətəndaşlar şübhəli hallarla üzləşdikdə və ya metodiki dəstəyə ehtiyacları olduqda, www.cert.az saytı və ya reports@cert.az elektron poçt ünvanı vasitəsilə Elektron Təhlükəsizlik Xidmətinə müraciət edə bilərlər.

0