Azərbaycanda ÜDM: 2021-ci ilin yanvar ayı üzrə göstəricilər
(Yenilənib 17:35 18.02.2021)
Bu ilin yanvar ayı üçün ÜDM üzrə göstəricilər son iki illik irəliləyişdən sonra geriləmənin baş verdiyini göstərir, ancaq bütün dünyada pandemiya ilə əlaqədar böhran yaşandığını nəzərə alsaq, bu, bir o qədər də təəccüblü deyil.
©
Sputnik / Elnur Salayev
2021-ci ilin birinci ayı arxada qalıb və artıq onun nəticələrini keçənilki göstəricilərlə müqayisə edə bilərik. Statistikaya əsasən, geridə qoyduğumuz yanvar ayında Azərbaycanda ÜDM-nin həcmi ötən ilin eyni dövründəki kimi 6 milyard manatı keçib. Bununla belə, rəqəmlərdə 2,5%-lik fərq müşahidə olunur.
Oxucularımız yanvar ayında ümumi daxili məhsulun strukturu və hansı sahələrin üstünlük təşkil etdiyi barədə məlumatlarla Sputnik Azərbaycan-ın xüsusi infoqrafikasından tanış ola bilərlər.
Eləcə də bu məlumatları əvvəlki illərin eyni dövrü üzrə göstəricilərlə müqayisə etmək və ildən-ilə dinamikanın necə dəyişdiyini izləmək mümkündür.
Teqlər:
Cəbiş müəllim Qarabağın sonuncu şahzadəsi haqqında danışır
(Yenilənib 11:55 22.02.2021)
Cəbiş müəllim Sputnik Azərbaycan-ın oxucularına Qarabağın görkəmli azərbaycanlıları barədə söhbət açmağı davam edir. Bu dəfə söhbət böyük şairə, xan qızı Xurşidbanu Natəvandan gedəcək.Azərbaycanın Vətən müharibəsində qalib gəlməsi həyatımızın bütün sahələrində böyük ruh yüksəkliyi yaratdı.
Doğma Vətənimizin ayrılmaz parçası Qarabağ dünya mədəniyyətinə, elminə və ictimai fikrinə böyük şəxsiyyətlər bəxş edib.
Cəbiş müəllimin bugünkü qəhrəmanı Qarabağın xan nəslinin sonuncu varisi görkəmli şair, rəssam və xeyriyyəçi xan qızı Xurşidbanu Natəvandır.
Azərbaycanlılar benzinə nə qədər pul xərcləyirlər
©
Sputnik / Elnur Salayev
Rəyi soruşulanların ¼-i yanacağa sərf etdikləri aylıq xərcin 100 manata qədər, 21%-i 200-300 manat, 10%-i isə 300 manatdan yuxarı olduğunu bildirib.
Sorğuda 725 respondent iştirak edib ki, onların da 86,8%-i kişilər, 13,2%-i isə qadınlar olub.
Yanvarın 4-də Tarif Şurası Azərbaycan Dövlət Neft Şirkətinin (SOCAR) xahişi əsasında ölkədə yanacağın qiymətinin qaldırılması barədə qərar qəbul edib. Beləliklə, Aİ-92 markalı benzinin pərakəndə satış qiyməti 1 litr üçün 1 AZN, dizel yanacağının qiyməti isə 0,80 AZN müəyyənləşdirilib.
Hazırda Azərbaycanda yalnız Aİ-92 markalı benzin və dizel yanacağı istehsal olunur. Aİ-95 və Aİ-98 markalı benzin isə xaricdən istehlak olunur.
Azərbaycanda avtomobil sahiblərinin yanacağa nə qədər pul xərclədikləri barədə daha geniş məlumatla Sputnik Azərbaycan-ın infoqrafikasından tanış ola bilərsiniz.
Rusiyada koronavirusa yoluxanların sayı durmadan artır
(Yenilənib 20:50 24.02.2021)
Rusiyada bu xəstəliyə yoluxanların sayı 4200902-yə çatıb. Pandemiya yayılandan bu ölkədə 84430 nəfər COVID-19-dan vəfat edib. BAKI, 24 fevral — Sputnik. Son bir sutka ərzində Rusiyada 11749 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 383 nəfər ölüb.
Ümumilikdə, Rusiyada bu xəstəliyə yoluxanların sayı 4200902-yə çatıb. Rusiyada pandemiya yayılandan 84430 nəfər COVID-19-dan vəfat edib. Ölkədə bu virusdan sağalanların sayı 3751562-yə çatıb.
Xatırladaq ki, koronavirus infeksiyası 2019-cu ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 111,7 milyonu keçib, 2,47 milyondan çox insan isə virus səbəbi ilə ölüb.
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.