Azərbaycanlılar pərakəndə ticarət şəbəkələrində pullarını nəyə xərcləyiblər

301
Kafelərə, geyim, məişət texnikası, parfümeriya malları satılan mağazalara gedə, ölkəni tərk edə bilmirik. Yaxşı, bəs ölkə vətəndaşları bu qədər ekstremal şəraitdə pullarını hara xərcləyiblər? Bu barədə daha ətraflı - Sputnik Azərbaycan-ın infoqrafikasında.
İnfoqrafika: Azərbaycanda pərakəndə ticarət
© Sputnik / Elnur Salayev

 

Ölkədə periodik olaraq müxtəlif sahələrin fəaliyyəti uzun müddətlik dayandırılır: nə istirahətə yollana, nə də dost-tanışla kafedə oturub bir fincan çay içə bilirik. Həftəsonları ictimai nəqliyyatın hərəkəti də dondurulduğundan heç şəhərin mərkəzinə addım atmaq da mümkün olmur. Digər tərəfdən, sms-icazə sistemi evdən kənarda keçirəcəyimiz vaxtı məhdudlaşdırır. Bir sözlə, indi qazancımızı xərcləyə biləcəyimiz yerlərin sayı çox deyil.

Ancaq insanlar hər bir halda pul xərcləməyə yer tapırlar – şəhər mərkəzinə, Dənizkənarı Bulvara ənənəvi gəzintilər indi ərzaq mağazalarına yürüşlə əvəzlənib. Bu, ölkə sakinlərinin yanvar-noyabr ayları ərzindəki xərclərində də öz əksini tapıb. Həmin rəqəmlərlə Sputnik Azərbaycan-ın pərakəndə ticarətlə bağlı xüsusi infoqrafikasında tanış ola bilərsiniz.

Qeyd olunan müddət ərzində vətəndaşlar ərzaq malları, içki və tütün məmulatlarına 2019-cu ilin analoji dövrü ilə müqayisədə 3% daha çox pul xərcləyiblər. Yəqin, adamlar heç yerə çıxa bilmədiklərindən, pullarını ancaq yeməyə xərcələyiblər. Bütün gün evdə təcrid olunmuş vəziyyətdə qalırsansa, bundan başqa nə etmək olar ki? Düzdür, azərbaycanlıların kompüter, telekommunikasiya avadanlıqları və çap məhsullarına xərclədiyi vəsaitin miqdarı da artıb. Yəqin ki, bu da yenə insanların sosial fəallığının məhdudlaşdırılmasından irəli gəlir. Evdən bayıra çıxa bilməyən ölkə sakinləri daha çox televizor qarşısında vaxt keçirir, kompüterdə oyun oynayır, internetə girir və ümid edək ki, həm də kitab oxuyurlar.

Ötən illə müqayisədə əczaçılıq məhsullarına və tibbi avadanlıqlara xərclənən pulun hansı səbəbdən kəskin şəkildə artdığını söyləməyə isə yəqin ki, heç ehtiyac yoxdur...

301

Ən sürətli internet kimdədir?

909
(Yenilənib 18:38 14.01.2021)
Azərbaycanda istifadəçilərin telefonla internet arasında seçim etməli olduqları dövr arxada qalıb. Ölkəmiz internetə qoşulma sürətinə görə dünya reytinq cədvəlində heç də pis mövqe tutmur.
© Sputnik / Elnur Salayev

İnternet artıq çoxdan insan həyatının ən müxtəlif sahələrinə nüfuz edib. Hətta onun inkişafı sayəsində yeni "ağıllı ev" konsepsiyası da ortaya çıxıb. Bütün dünyanı bürüyən "hörümçək toru" yaranandan bəri onun sürəti mühüm əhəmiyyət kəsb edir. Dial-up - analoq tipli qoşulma dövrü çoxdan geridə qalsa da, internetin sürəti məsələsi həmişə aktualdır.

Oxucularımız internetə qoşulma sürətinə görə mütəxəssislərin tərtib etdiyi reytinq cədvəlində ölkəmizin hansı yerdə olduğunu Sputnik Azərbaycan-ın xüsusi infoqrafikasından öyrənə  bilərlər. Hələlik Azərbaycan reytinq cədvəlində orta mövqeyini qoruyub saxlayır.

Maraqlıdır ki, dünyada həm sabit, həm də mobil internet siyahısında liderlər məhz Asiya ölkələridir. Üstəlik, bu ölkələr heç də həmişə, belə demək mümkünsə, inkişaf etmiş texniki bazaya sahib olmur. Bununla belə, zəif internetə malik ölkələr də əsasən Asiya qitəsinin payına düşür.

909

Avropada kimin ordusu daha güclüdür

1872
(Yenilənib 23:44 11.01.2021)
Sərəncamında ən təsirli hərbi qüvvələrin mövcud olduğu Avropa ölkələrinin xüsusi xəritəsi tərtib olunub.
© Sputnik / Elnur Salayev

Güclü ordu hər zaman dövlətin ən vacib elementlərindən biri hesab olunub və müxtəlif ixtisaslaşmış nəşrlər, analitik qruplar vaxtaşırı silahlı qüvvələrin gücü baxımından ölkələrin tematik reytinq cədvəllərini hazırlayır. Sputnik Azərbaycan-ın infoqrafikası Avropa ölkələrinin ən güclü ordularının xəritəsini əks etdirir.

Gözlənildiyi kimi, reytinq cədvəlində hərbi gücünə görə lider ölkə Rusiya Federasiyasıdır, sonrakı yerləri isə Qərbi Avropanın iki ölkəsi tutur: Fransa və Böyük Britaniya.

Mövcud reytinq cədvəli yalnız hərbi texnikanın kəmiyyət göstəriciləri və hərbçilərin sayı əsasında tərtib edilmir. Analitiklər neft məhsulları ilə təchizat, infrastrukturun inkişafı və bir sıra başqa amilləri də nəzərə alıblar. Ümumilikdə, reytinq 50 göstərici əsasında müəyyən olunur.

1872
Teqlər:
reytinq, güclü, ordu, Avropa
Prezident İlham Əliyev və Rəcəb Tayyib Ərdoğan Bakıda hərbi parada baxır

Əliyevlə Ərdoğan Ağdamdakı Birgə Monitorinq Mərkəzini müzakirə etdilər

0
Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

BAKI, 16 yanvar - Sputnik. Bu gün Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana telefonla zəng edib. 

Sputnik Azərbaycan bildirir ki, bu barədə Azərbaycan Prezidentinin mətbuat xidməti məlumat yayıb.

Telefon söhbəti zamanı Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi, əməkdaşlığımızın daim genişləndiyi bir daha vurğulanıb.

 Prezident İlham Əliyev Türkiyə Prezidentini işğaldan azad olunmuş ərazilərdə bərpa və yenidənqurma işlərinin başlanması barədə məlumatlandırıb və artıq bu işlərdə Türkiyə şirkətlərinin fəal iştirak etdiyini məmnunluq hissi ilə qeyd edib, bunun ölkələrimiz arasında əlaqələrin daha da möhkəmlənməsi işinə xidmət etdiyini bildirib.

Rəcəb Tayyib Ərdoğan dövlətimizin başçısına məlumatına görə minnətdarlığını bildirib və öz növbəsində, Türkiyə şirkətlərinin Azərbaycanın işğaldan azad olunmuş torpaqlarında bərpa və yenidənqurma işlərində iştirakından məmnunluq ifadə edib.

Dövlət başçıları Ağdamda Türkiyə-Rusiya Birgə Monitorinq Mərkəzinin tezliklə fəaliyyətə başlamasından danışıb, bu Mərkəzin fəaliyyətinin uzunmüddətli sülhün təmin olunması işinə xidmət edəcəyini bildiriblər.

Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

0
Teqlər:
telefon danışığı, İlham Əliyev, Rəcəb Tayyip Ərdoğan