ANAMA tərəfindən zərərsizləşdirilmiş silah-sursatın siyahısı

75
(Yenilənib 20:58 03.11.2020)
ANAMA-nın minaaxtaranı Telman Zeynalov noyabrın 2-də minatəmizləmə əməliyyatı həyata keçirərkən Ermənistan tərəfindən basdırılmış piyada əleyhinə minaya düşüb.
İnfoqrafika: ANAMA-nın cəbhəyanı rayonlardakı fəaliyyəti
© Sputnik / Elnur Salayev

Azərbaycan Ordusu əks-hücum əməliyyatına başladıqdan sonra Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) işi əhəmiyyətli dərəcədə artıb. Hər gün Daxili İşlər və Fövqəladə Hallar Nazirliklərinin qaynar xətlərinə Ermənistan silahlı qüvvələri tərəfindən atəşə tutulmuş müxtəlif bölgələrin sakinlərindən yüzlərlə zəng gəlir.

Azərbaycan Müdafiə Nazirliyinin məlumatına əsasən, qarşı tərəf hətta cəbhə bölgəsində xeyli uzaqda yerləşən yaşayış məntəqələrini atəşə tutur.

Hər bir atəşdən sonra ANAMA əməkdaşları həmin ərazilərdən partlamamış silah-sursat hissələrini toplayırlar.

Belə ki, sentyabrın 27-dən başlayaraq minaaxtaranların mobil qrupları dəfələrlə Ağdam, Ağcabədi, Ağdaş, Bərdə, Beyləqan, Biləsüvar, Cəbrayıl, Goranboy, Füzuli, Tərtər, Tovuz, Şəmkir, Hacıqabul və digər rayonların ərazisinə səfər ediblər. ANAMA nümayəndələri həmçinin intensiv atəşə məruz qalan Mingəçevir və Gəncə şəhərlərinin ərazisində də ciddi rejimdə fəaliyyət göstərirlər.

Aşkar edilmiş və zərərsizləşdirilmiş silah-sursatlar barədə daha ətraflı Sputnik Azərbaycan-ın infoqrafikasından öyrənmək olar.

75

Azərbaycanda orta aylıq əməkhaqqı artıb

176
(Yenilənib 12:12 27.11.2020)
1 oktyabr 2020-ci il tarixinə milli iqtisadiyyatda muzdlu işçilərin sayı əvvəlki ilin eyni dövrü ilə müqayisədə 2,6% artaraq 1,681 milyon nəfərə çatıb.
İnfoqrafika: Orta aylıq əməkhaqqı
© Sputnik / Elnur Salayev

2020-ci ilin yanvar-sentyabr aylarında Azərbaycanda muzdlu işçilərin orta aylıq əmək haqqı ötən ilin göstəricilərinə nisbətən 17,1% artaraq 706,6 manat təşkil edib.

1 oktyabr 2020-ci il tarixinə olan məlumata görə, milli iqtisadiyyatda muzdlu işçilərin sayı keçən ilin eyni dövrü ilə müqayisədə 42,5 min nəfər və ya 2,6% artaraq 1,681 milyon nəfərə çatıb.

Onlardan 908 min nəfəri dövlət sektorunda, 773,6 min nəfəri özəl sektorda işləyir. Beləliklə, dövlət muzdlu işçilərin 54%-ni işlə təmin edən əsas işəgötürən kimi çıxış edir.

Ölkədə orta aylıq əmək haqqı barədə daha geniş məlumatla Sputnik Azərbaycan-ın infoqrafikasından tanış ola bilərsiniz.

176
Teqlər:
muzdlu işçilər, muzdlu, orta aylıq nominal əmək haqqı

Azərbaycanın xarici ticarət göstəriciləri

128
İxracat sahəsində Azərbaycanın əsas ticarət tərəfdaşları İtaliya, Türkiyə, Rusiya, Yunanıstan, Çin və Hindistandır. İdxal sahəsində isə ölkəmiz daha çox Rusiya, Türkiyə, Çin, ABŞ, Almaniya və Fransa ilə əməkdaşlıq edir.
© Sputnik / Elnur Salayev

Azərbaycan Respublikası Dövlət Statistika Komitəsinin verdiyi məlumata görə, 2020-ci ilin yanvar-sentyabr ayları ərzində ölkənin xarici ticarət dövriyyəsi 17,83 milyard dollar təşkil edib ki, bunun 10 milyard dolları ixracın, 7,8 milyard dolları isə idxal məhsullarının payına düşür. Müsbət ticarət saldosu 2.2 milyard dollara bərabər olub.

Bu dövrdə Azərbaycan məhsullarının əsas satış bazarı – İtaliya (29,5%), Türkiyə (19,9%), Rusiya (4,7%), Yunanıstan (4,1%), Çin (4%) və Hindistan (3,4%) olub. Ölkəmiz isə daha çox Rusiya (18.4%), Türkiyə (14.4%), Çin (13%), ABŞ (6.7%), Almaniya (4.3%) və Fransadan (4,2% ) ticarət məhsulları idxal edib.

Yanvar-sentyabr aylarının yekunlarına görə, Azərbaycan ümumilikdə dünyanın 178 ölkəsi ilə ticarət əməliyyatları həyata keçirib.

Azərbaycanın xarici ticarəti ilə bağlı vəziyyətə dair daha geniş məlumatla Sputnik Azərbaycan-ın infoqrafikasından tanış ola bilərsiniz.

128
Baş Prokurorluq

Baş Prokurorluq əhaliyə müraciət etdi - səbirli olun

0
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

0
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər