Ənənəvi, lakin qeyri-adi: Azərbaycanda yeni tədris ili necə olacaq

1404
(Yenilənib 14:50 04.09.2020)
2020-2021-ci tədris ilində dərslərin hansı qaydada keçiriləcəyi ilə bağlı ətraflı məlumatla Sputnik Azərbaycan-ın infoqrafikasından tanış ola bilərsiniz.
İnfoqrafika:  Azərbaycanda yeni tədris ili
© Sputnik / Elnur Salayev

Azərbaycanda sentyabrın 15-dən təhsil və təlim prosesi bərpa olunacaq. Bu, müəyyən şərtlər daxilində və ölkədəki epidemioloji vəziyyət nəzərə alınmaqla təşkil ediləcək.

Əvvəlcə dərslərə birinci sinif şagirdləri buraxılacaq, partalarda ən son yuxarı sinif şagirdləri oturacaqlar.

Təhsil Nazirliyi ölkənin təhsil müəssisələrində xüsusi karantin rejimi şəraitində tədris prosesinin təşkili üçün müvəqqəti qaydalar hazırlayır. Tezliklə valideynlərə məktəblilərin COVID-19-dan necə qoruna biləcəkləri izah ediləcək. Həmçinin, məktəblərdə dəyişikliklər nədən ibarət olacaq, ənənəvi valideyn iclasları keçiriləcəkmi, hansı hallarda məktəblər yenidən bağlana bilər və s. suallara cavab veriləcək.

Hələlik isə dərslərin başlanmasına hazırlaşmaq lazımdır. Nazirlər Kabinetinin qərarı ilə 2020-2021-ci tədris ili ənənəvi olaraq sentyabrın 15-də başlayacaq, lakin o, heç də adət etdiyimiz qaydada keçirilməyəcək. Təhsil Nazirliyinin hazırladığı sxemə görə, birinci mərhələdə partada yalnız ibtidai sinif şagirdləri əyləşəcəklər. Sonra məktəbəqədər yaşlı uşaqlar və V-IX sinif şagirdləri məktəblərə yollanacaqlar. Epidemioloji vəziyyət sabitləşərsə, X-XI sinif şagirdləri oktyabrın 15-dən məktəbə gedəcəklər.

2020-2021-ci tədris ilinin yeni formatı haqqında ətraflı məlumatı Sputnik Azərbaycan-ın infoqrafikasından əldə etmək olar.

1404

Bakı sakinləri taksidən necə istifadə edirlər

16
(Yenilənib 17:14 18.09.2020)
Bakının nəqliyyat işçiləri yeni bazar konsepsiyası hazırlayırlar. Onlar qeyri-müəyyən tariflər, haqsız rəqabət, aşağı xidmət keyfiyyəti kimi problemləri həll etmək niyyətindədirlər.
İnfoqrafika: Taksidən istifadə
© Sputnik / Elnur Salayev

Bakı sakinləri taksi xidmətlərindən aktiv istifadə edirlər. Ancaq bu bazarda bir sıra problemlər var ki, onların da Bakı Nəqliyyat Agentliyinin (BNA) yeni ictimai nəqliyyatın inkişafı konsepsiyası ilə həlli planlaşdırılır.

Müstəqil Media Analitika Mərkəzi paytaxtımızda 600-dən çox insanın iştirakı ilə sorğu keçirib. Bakı sakinlərinə taksi xidmətlərindən tez-tezmi istifadə etdikləri, necə sifariş verdikləri, ödənişi necə gerçəkləşdirdikləri və bu xidmətlərə həftədə nə qədər pul xərclədikləri barədə suallar verilib. Sorğu məlumatlarına görə, rəyi soruşulanların 60%-i gündəlik və ya həftədə bir neçə dəfə taksidən istifadə edir. Elə bu qədər insan da ödənişi nağd pulla edir. 

BNA tariflərin qeyri-müəyyənliyi, haqsız rəqabət, xidmət keyfiyyətinin yarıtmazlığı, taksi sürücüləri üçün rentabelliyin aşağı olması, bu sahədəki fiziki və hüquqi şəxslərin, çağrı mərkəzlərinin hüquqi statusunun qeyri-müəyyənliyi  kimi problemləri qabardıb. Ancaq sorğunun nəticələrinə görə, rəyi soruşulanların 64%-i taksiləri mobil tətbiqlərin köməyilə sifariş verib.

Bakılıların taksidən necə istifadə etdikləri barədə daha ətraflı məlumatı Sputnik Azərbaycan-ın infoqrafikasından əldə edə bilərsiniz.

16
Teqlər:
Bakı Nəqliyyat Agentliyi, BNA, taksi, Bakı

Azərbaycanda tədris prosesinin təşkili

1142
Azərbaycanda 4 mindən çox məktəb pandemiya dövründə məktəbliləri qəbul etməyə hazırlaşır. Təhsil müəssisələrinin qapısından ilk olaraq birinci sinif şagirdləri keçəcək.
İnfoqrafika: Yeni tədris ili
© Sputnik / Elnur Salayev

Sentyabrın 15-dən Azərbaycanda bir qədər qeyri-adi tədris ili başlayır: 165 mindən çox birinci sinif şagirdi ənənəvi məktəb sıralarına düzülmədən üzlərində maska, əyinlərində isə pandemiya dövründə bir növ qoruyucu kostyum olacaq forma ilə birbaşa parta arxasına keçəcəklər.

Tədris müəssisələrinə girişdə məktəbliləri sanitayzer və termometrlə adam gözləyəcək və ən kiçik nasazlıq əlamətləri olan uşaqlar geri qaytarılacaqlar.

"Hərəyə bir parta" – müəllimlər şagirdləri siniflərdə təxminən bu prinsipi əsas tutaraq oturdacaqlar ki, onlar arasında mümkün olan maksimum sosial məsafəni təmin etsinlər.

Bu il müəllimlərin, şagirdlərin və onların valideynlərinin üzərinə əsl sınaq düşür. Müəllimlər həftədə dörd dərs ərzində bir neçə yeni mövzunu öz yetirmələrinə çatdırmalıdırlar ki, onlar da proqramı artıq evdə mənimsəyə bilsinlər. Qalan yük valideynlərin üzərinə düşür. Təhsil Nazirliyində xəbərdarlıq ediblər ki, geridə qalan uşaqlar gələn ilə sinifdə saxlanılacaqlar.

Nazirlik özü məktəblilər üçün məkanı mümkün qədər genişləndirmək üçün məktəbləri fəal şəkildə inşa və təmir etməyə davam edir.

Yeni tədris ilində məktəb və şagirdlərin sayı haqqında daha ətraflı məlumatı Sputnik Azərbaycan-ın infoqrafikasında tapa bilərsiniz.

1142
Azərbaycanın Xalq artisti Emin Ağalarov

Emin Ağalarov Fatimə adlı qıza həsr etdiyi mahnını paylaşdı

0
(Yenilənib 23:47 20.09.2020)
Emin Ağalarov: "Bəlkə də bu mənim üçün çox gözlənilməz bir mahnıdır. Ancaq həmişə olduğu kimi - çox ürəyimcədir və hər şey sənin sayəndədir, Maks".

BAKI, 20 sentyabr — Sputnik. Azərbaycanın xalq artisti Emin Ağalarov "Fatimə" adlı yeni mahnısının təqdimatını keçirib. Sputnik Azərbaycan-ın məlumatına görə, müğənni mahnını bütün Fatimə adlı qızlara həsr edib.

Ağalarov yeni kompozisiyanı özünün YouTube kanalında paylaşıb. Mahnıya sözləri və musiqini tanınmış rusiyalı ifaçı və bəstəkar Maksim Fadeyev yazıb.

"Bəlkə də bu mənim üçün çox gözlənilməz bir mahnıdır. Ancaq həmişə olduğu kimi - çox ürəyimcədir və hər şey sənin sayəndədir, Maks", - deyə Ağalarov yazıb.

Bu yeni lirik mahnı müğənninin pərəstişkarlarının da xoşuna gəlib. Eyni zamanda, onların bir çoxuna Fadeyevin qeyri-adi şərq adı olan Fatimədən istifadə edərək mahnı yazması qəribə gəlib.

https://www.youtube.com/watch?v=Wyzb1C0j_8U&feature=emb_logo

Maksim Fadeyev Azərbaycanın xalq artistinin bir çox hitlərinin, o cümlədən "Azərbaycan", "Gəl bir-birimizi tapaq", Bağışla mənim məhəbbətim", "Birinci Qar" hitlərinin, Ani Lorakla "Vidalaşmaq", "Deyə bilmərəm" kimi məşhur duetlərinin, həmçinin onun "MMM"adlı son hitinin müəllifidir.

Ağalarov "World Music Awards", "Azərbaycandan Ən Yaxşı İfaçı", "Qızıl Qrammofon", "MUZ-TV Mükafatı" və s. kimi beynəlxalq mükafatların laureatıdır. O, dünyanın müxtəlif ölkələrində konsertlərlə çıxış edir. Müğənninin musiqi xəzinəsində doqquz ingilis dilli albom, "Warner Music" və "Sony ATV Music Publishing" aparıcı musiqi şirkətləri ilə müqavilələr var.

0
Teqlər:
xalq artisti Emin Ağalarov, Emin Ağalarov, Emin Ağalarov
Əlaqədar
Çox sağ ol, müəllimim! Emin yeni mahnıya görə Fadeyevə təşəkkür edib
Emin Alyona Qavrilovadan boşanmasının səbəbini açıqladı
Emin onun həyatına təsir edən qeyri-adi oğlana sənədli film həsr edib
Emin Ağalarovdan şəhidlərimizlə bağlı paylaşım
Emin Ağalarovun oğlu yeni klipini təqdim edib