İyun ayında Azərbaycan teatr səhnəsinin və kinosunun unudulmaz aktrisası, çoxlu sayda yaddaqalan obrazlar yaratmış Xalq artisti Amaliya Pənahovanın doğum günüdür. Cəbiş müəllim bu dəfə zəngin yaradıcılıq yolu keçmiş sənətkar haqqında danışdıqca onun bir-birindən maraqlı obrazlar qalereyası adamın gözü qabağında canlanır.
1964-cü ildən ömrünün sonunadək teatr və kino sahəsində beş yüzdən artıq obraz yaradan Amaliya Pənahova 1972-ci ildə Azərbaycan SSR dövlət mükafatı laureatı, 1985-ci ildə Azərbaycan SSR xalq artisti adına layiq görülüb. 2013-cü ildə sənətşünaslıq doktoru, professor adını alan aktrisa 2000–ci ildə Azərbaycan Respublikası Milli Məclisinin millət vəkili seçilib. O, Bakı Bələdiyyə teatrının bədii rəhbəri və direktoru olub. Avropanın əməkdar elm və mədəniyyət xadimi idi.
