Ötən il Azərbaycanda törədilmiş cinayətlərdə narkotiklərin xüsusi payı var

3192
(Yenilənib 00:51 25.03.2020)
Azərbaycanda narkotiklərin qanunsuz dövriyyəsinin statistikası ilə daha ətraflı Sputnik Azərbaycan-ın infoqrafikasında tanış ola bilərsiz
© Sputnik / Elnur Sаlаyev

2019-cu ildə ölkədə törədilmiş 26672 cinayətdən 4383-ü və yaxud 16,4%-i narkotiklərin və psixotrop maddələrin qanunsuz dövriyyəsi ilə bağlı olub.

Ötən il narkotik vasitələrin və psixotrop maddələrin qanunsuz dövriyyəsində iştirak edən 3464 nəfər saxlanılıb ki, bu da 2018-ci illə müqayisədə 972 nəfər və yaxud 39% çoxdur.

Saxlanılanların 98,8%-i cinayət məsuliyyətinə cəlb edilib. Bu şəxslərin 70,3%-i heç vaxt heç yerdə işləməyən və təhsilsiz şəxslərdir.

2019-cu ildə 3 317,5 kq narkotik müsadirə edilib ki, onun da çox hissəsini heroin təşkil edib. Müsadirə edilən digər narkotik maddələr arasında əksəriyyəti marixuana təşkil edib. Opium, həşiş, həşiş yağı və qətran da müsadirə edilən narkotiklər arasındadır.

2019-cu ildə müsadirə edilən narkotik maddələrin miqdarı 2018-ci illə müqayisədə xeyli (791,2 kq) çox olub.

Azərbaycanda narkotiklərin qanunsuz dövriyyəsinin statistikası ilə daha ətraflı Sputnik Azərbaycan-ın infoqrafikasında tanış ola bilərsiz.

3192