Azərbaycanda pensiyaların indeksləşdirilməsi

778
(Yenilənib 09:40 11.02.2020)
"Əmək pensiyalarının indeksləşdirilməsi haqqında" sərəncamdan irəli gələn yeniliklər barədə daha ətraflı Sputnik Azərbaycan-ın infoqrafikasında tanış ola bilərsiniz
İnfoqrafika: Azərbaycanda pensiyaların indeksləşdirilməsi
© Sputnik / Elnur Salayev

BAKI, 7 fevral — Sputnik. Azərbaycan Respublikası Prezidentinin Əmək pensiyalarının indeksləşdirilməsi haqqında 6 fevral 2020-ci il tarixli sərəncamı vətəndaşların sosial müdafiəsinin gücləndirilməsi istiqamətində daha bir vacib addımdır. Sərəncama əsasən, əmək pensiyalarının sığorta hissəsi indeksləşdirilərək 16,6% artırılır. Qanun pensiyaçıların 93%-ni və ya 1 120 000-ə yaxın pensiyaçını əhatə edir. Bu qanunun tələbinin yerinə yetirilməsi üçün ildə 560 mln. manat və ya ayda 47 mln. manat vəsaitin xərclənməsi nəzərdə tutulur.

Bu artımdan sonra Azərbaycanda orta aylıq pensiyanın məbləği 262 manatdan 300 manatadək yüksəlib. Sərəncam 1 yanvar 2020-ci il tarixindən qüvvəyə minir və yanvar ayı üçün nəzərdə tutulan artım fevral ayının pensiyasına əlavə ediləcək.

Qeyd edək ki, Prezident İlham Əliyevin imzaladığı ""Əmək pensiyaları haqqında" Azərbaycan Respublikasının Qanununda dəyişikliklər edilməsi barədə Azərbaycan Respublikasının qanunu"na əsasən əmək pensiyasının minimum məbləği 2019-cu il 1 oktyabr tarixindən etibarən 160 manatdan 200 manata qaldırılmışdı.

"Əmək pensiyalarının indeksləşdirilməsi haqqında" sərəncamdan irəli gələn yeniliklər barədə daha ətraflı Sputnik Azərbaycan-ın infoqrafikasında tanış ola bilərsiniz.

778

Ermənistan ordusu Azərbaycanın dinc sakinlərinə hansı silahlardan atəş açır

28
(Yenilənib 11:27 20.10.2020)
Son üç həftə ərzində Azərbaycanın Dağlıq Qarabağ bölgəsində davam edən aktiv döyüş əməliyyatlarında Ermənistan ordusu dəfələrlə yaşayış məntəqələrimizi atəşə tutub ki, bu da mülki əhali arasında itkilərə səbəb olub.
İnfoqrafika: Qadağan olunmuş silahlar
© Sputnik / Elnur Salayev

Ermənistan silahlı qüvvələrinin Qarabağ münaqişəsi zonasında təmas xətti boyunca apardığı təxribatlara cavab olaraq Azərbaycan Ordusu sentyabr ayının sonlarından əks-hücum əməliyyatı həyata keçirir. Bütün bu müddət ərzində Ermənistan ordusu dəfələrlə Azərbaycanın döyüş bölgəsindən kənardakı yaşayış məntəqələrini və mülki insanları atəşə məruz qoyub.

Ermənilərin bu hərəkətləri bir sıra beynəlxalq sənədlərə ziddir. Eyni zamanda, erməni tərəfi mülki şəxslərə qarşı qadağan olunmuş hərbi sursat növlərindən istifadə etməkdən də çəkinmir.

Sputnik Azərbaycan Ermənistan ordu bölmələri tərəfindən Azərbaycanın şəhər və kəndlərindəki mülki şəxslərə qarşı istifadə olunan müxtəlif hərbi sursatlar haqqında məlumatları xüsusi infoqrafikada toplayıb.

O da məlum olub ki, Ermənistan Silahlı Qüvvələri yaşayış məntəqələrimizi digər silah növləri ilə yanaşı, tərkibində zəhərli maddə olan ağ fosforlu mərmilərlə də atəşə tutub.

28
Mövzu:
Azərbaycan və Ermənistan arasında müharibə

Azərbaycanın Dövlət Büdcəsi

1975
(Yenilənib 01:04 18.10.2020)
Gələn il dövlət büdcəsində kəsirin 3.368 milyard manatdan 1.52 milyar manatadək azalacağı gözlənilir
İnfoqrafika: Azərbaycanın büdcəsi
© Sputnik / Elnur Salayev

Azərbaycan Respublikasının 2021-ci il dövlət büdcəsinin layihəsinə əsasən, gəlirlər 24.327 milyard manat həcmində proqnozlaşdırılır, bu isə 2020-ci ilin proqnozundan 0.8% çoxdur.

Azərbaycan dövlət büdcəsinin gələn il üçün layihəsinə “Büdcə sistemi haqda” mövcud qanuna görə, oktyabrın 15-dən Azərbaycan Respublikasının Milli Məclisində baxılacaq.

2021-ci ildə xəzinənin xərclərinin 25.847 milyard manat olacağı gözlənilir, bu isə hökumətin 2020-ci ildə xərcləməyi planlaşdırdığından 6% azdır.

Nəticədə gələn ilin büdcəsində kəsir 2020-ci illə müqayisədə 3.368 milyard manatdan 1.52 milyard manatadək azalacaq. 2021-ci ildə Azərbaycanın Ümummilli Daxili Məhsulu 75.4 milyard manata çatmalıdır.  

Azərbaycanın 2020 və 2021-ci il üçün büdcəsi barədə daha dolğun məlumatı Sputnik Azərbaycan-ın infoqrafikasında izləyin.

1975
Türkiyə Prezidenti Rəcəb Tayyib Ərdoğan, arxiv şəkli

Ərdoğan yenə Azərbaycana dəstək verdi: Bizə uzadılan hər bir əli kəsirik kəsəcəyik!

0
(Yenilənib 22:01 20.10.2020)
Türkiyə Prezidenti Rəcəb Tayyib Ərdoğan deyib ki, Türkiyə Azərbaycanın işğal altındakı torpaqlarını azad etməsi uğrunda mübarizəsinə dəstək verdi və verəcək.

BAKI, 20 oktyabr - Sputnik. Türkiyə Prezidenti Rəcəb Tayyib Ərdoğan bu gün nazirlərlə keçirilən növbəti iclasdan sonra verdiyi açıqlamasında Azərbaycana yenə də dəstək mesajı ünvanlayıb. 

Sputnik Azərbaycan-ın məlumatına görə, Ərdoğan bildirib ki, Türkiyə Azərbaycanın işğal altındakı torpaqlarını azad etməsi uğrunda mübarizəsinə dəstək verdi və verəcək.

O, həmçinin, vurğulayıb ki, Balkanlardan Qafqaza, Asiyadan Afrikaya qədər Türkiyəyə dəstək üçün üz tutan hər kəsə kömək əli uzadılıb və bu, davam edəcək:

"Ölkəmizin də daxil olduğu coğrafiyada yaşananlara baxdığımızda Türkiyənin uzun illərdən bəri mübarizələrə ev sahibliyi etdiyini görürük. Türkiyə sülh, əmin-amanlıq istəsə də, ölkəmizi regionumuzdakı bütün münaqişələrə cəlb etmək istəyirlər. Buna nail olmayacaqlar. Vətənimizə uzadılan hər bir əli kəsirik və kəsəcəyik".

0
Əlaqədar
Ərdoğan: ATƏT-in Minsk Qrupu Qarabağ münaqişəsinin həllini uzatmağa çalışır
Ərdoğan afrikalılara müraciət etdi: "Azərbaycanın yanında olacağınızı düşünürəm"
Putin və Ərdoğan Dağlıq Qarabağ münaqişəsini müzakirə ediblər
Ərdoğan: Vətən uğrunda mübarizəsində qardaşlarımızın yanında olmaqda davam edəcəyik
Ərdoğan nazirləri toplayır, Qarabağdakı durum müzakirə olunacaq