Azərbaycanda bron edilmiş yerlər

801
(Yenilənib 21:26 28.11.2019)
Mənzil bron edərkən nələrə diqqət yetirmək lazımdır, müxtəlif ölkələrdə sutkalıq mənzillərin qiymətləri necədir, Azərbaycanın hansı otellərində nə qədər adam gecələyib? Bu və digər suallara Sputnik Azərbaycan-ın hazırladığı infoqrafikada cavab tapa bilərsiz.
© Sputnik / Elnur Salayev

Hər kəs komfortu və rahatlığı sevir, istirahət zamanı isə bu xüsusilə vacibdir. Səyahət zamanı mənzil kirayə etmək çox özünəməxsus və hətta həddindən artıq ekstremal məsələdir. Əsasən, əminliyi sevən və səyahətə hazırlaşan çox adam səyahət zamanı harada qalacağını dəqiq bilmək üçün əvvəlcədən mənzil bron edir.

Ancaq burada hər şey o qədər də asan deyil. Bron etməklə bağlı çoxlu seçim var: kimsə oteldə qalmağı üstün tutur, kimin üçünsə apartament və hətta fərdi evlər daha rahatdır.

Dünyada hər gecə 2 milyondan çox adam qalmağa mənzil bron edir. Azərbaycana gələn xarici ölkə vətəndaşları ən çox Bakıdakı otellərdə gecələyib. Qəbələ, Quba və Xaçmazda da otellərə tələbat çox olub.

Dövlət Statistika Komitəsinin açıqladığı məlumatlara görə, 2019-cu ilin yanvar-sentyabr aylarında Azərbaycanda otel gəlirləri 334 milyon manat təşkil edib ki, bu da ötən illə müqayisədə 16,7% çoxdur.

Əcnəbilər və vətəndaşlığı olmayan şəxslər tərəfindən ölkəmizdə keçirilən gecələrin sayı ötən ilin analoji dövrü ilə müqayisədə 5,6% artaraq 1 743,9 min nəfər olub. Azərbaycan ərazisində gecələyən əcnəbilərin sayı ölkəyə gələnlərin 65.4%-ni təşkil edib.

Bu ilin üç rübü ərzində bütün Azərbaycan ərazisindəki otellərdə 2.666 milyon gecə keçirilib ki, bu da ötən ilin eyni dövrü ilə müqayisədə 9% çoxdur.

Mənzil bron edərkən nələrə diqqət yetirmək lazımdır, müxtəlif ölkələrdə sutkalıq mənzillərin qiymətləri necədir, Azərbaycanın hansı otellərində nə qədər adam gecələyib? Bu və digər suallara daha ətraflı cavab tapmaq üçün Sputnik Azərbaycan-ın hazırladığı infoqrafikaya baxa bilərsiz.

801

Azərbaycanda hansı yol hərəkəti qaydaları daha çox pozulur

40
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

40

Azərbaycanda orta aylıq əməkhaqqı artıb

199
(Yenilənib 12:12 27.11.2020)
1 oktyabr 2020-ci il tarixinə milli iqtisadiyyatda muzdlu işçilərin sayı əvvəlki ilin eyni dövrü ilə müqayisədə 2,6% artaraq 1,681 milyon nəfərə çatıb.
İnfoqrafika: Orta aylıq əməkhaqqı
© Sputnik / Elnur Salayev

2020-ci ilin yanvar-sentyabr aylarında Azərbaycanda muzdlu işçilərin orta aylıq əmək haqqı ötən ilin göstəricilərinə nisbətən 17,1% artaraq 706,6 manat təşkil edib.

1 oktyabr 2020-ci il tarixinə olan məlumata görə, milli iqtisadiyyatda muzdlu işçilərin sayı keçən ilin eyni dövrü ilə müqayisədə 42,5 min nəfər və ya 2,6% artaraq 1,681 milyon nəfərə çatıb.

Onlardan 908 min nəfəri dövlət sektorunda, 773,6 min nəfəri özəl sektorda işləyir. Beləliklə, dövlət muzdlu işçilərin 54%-ni işlə təmin edən əsas işəgötürən kimi çıxış edir.

Ölkədə orta aylıq əmək haqqı barədə daha geniş məlumatla Sputnik Azərbaycan-ın infoqrafikasından tanış ola bilərsiniz.

199
Teqlər:
muzdlu işçilər, muzdlu, orta aylıq nominal əmək haqqı
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0