Beşinci nəsil qırıcılar: "Su-57" "F-35"ə qarşı

2504
(Yenilənib 09:45 07.08.2019)
Sputnik Azərbaycan-ın təqdim etdiyi infoqrafikada "Su-57" və "F-35" döyüş təyyarələrinin əsas xüsusiyyətləri ilə tanış ola bilərsiniz
İnfoqrafika qırıcı
© Sputnik / Elnur Salayev

BAKI, 7 avqust — Sputnik. İyulun 12-də Rusiya istehsalı olan "S-400" zenit-raket komplekslərinin Türkiyəyə tədarükünə start verilməsindən dərhal sonra Ankaranın Moskvadan başqa bir müasir silahı – "Su-57" döyüş təyyarələrini alacağına dair söz-söhbət dolaşmağa başlayıb. Səbəb isə hamıya bəllidir: "S-400"ün Türkiyəyə tədarükü ilə bağlı olaraq iyulun 17-də rəsmi Vaşinqton Ankaranın "F-35" proqramından çıxarılmasına dair qərar qəbul edib. Ağ Ev iddia edir ki, Ankara tərəfindən alınmış zenit-raket kompleksləri ABŞ istehsalı olan "F-35" döyüş təyyarələri ilə birgə istifadə edilə bilməz. Vaşinqton ehtiyat edir ki, "F-35"in və "S-400"ün birgə istifadəsi halında təyyarənin gizli saxlanılan texniki və döyüş xüsusiyyətləri aşkara çıxacaq.

Qeyd edək ki, bir müddət öncə Türkiyə ABŞ istehsalı olan "Patriot" zenit-raket komplekslərini almaq niyyətində idi. Lakin sabiq prezident Barak Obamanın administrasiyasının bu kompleksləri Ankaraya satmaqdan imtina etməsindən sonra türklər "S-400"ə üz tutublar.

İyulun 24-də Birləşmiş Ştatların hərbi-sənaye korporasiyası "Lockheed Martin" Türkiyənin 2020-ci ildə "F-35" təyyarələrinin istehsalı üzrə proqramdan çıxarılacağını bəyan edib. Şirkətin icraçı direktoru Merilin Hevson bildirib ki, 2020-ci ilin martında "F-35" təyyarələrin hissələrinin Türkiyədə istehsalı dayandırılacaq və bu hissələrin istehsalı Birləşmiş Ştatlara köçürüləcək.

Belə olan halda Ankaranın "F-35" əvəzinə Rusiya istehsalı olan çoxyönümlü beşinci nəsil "Su-57" döyüş təyyarəsinə üz tutacağı ehtimalı daha da artır. Qeyd edək ki, Rusiyanın "Rostex" dövlət korporasiyanın rəhbəri Sergey Çemezov Ankaranın "F-35" proqramından çıxması halında ölkəsinin Türkiyəyə "Su-57" döyüş təyyarələrini satmağa hazır olduğunu bildirib.

"Rusiya istehsalı olan bu beşinci nəsil döyüş təyyarəsi heyrətamiz xüsusiyyətlərə malikdir..." - Çemezov Anadolu Agentliyinə deyib.

O, əlavə edib ki, təyyarələr artıq satışa hazırdır.

"Suxoy" konstruktor bürosu tərəfindən layihələndirilmiş "Su-57" təyyarəsi "Т-50" şərti adı ilə də tanınır. Təyyarənin əsas üstünlüyü radara görünməməsidir. Onun əsas rəqibi Amerikanın "F-35" təyyarəsidir.

"Su-57"nin bu il istifadəyə veriləcəyi gözlənilir.

Sputnik Azərbaycan-ın təqdim etdiyi infoqrafikada "Su-57" və "F-35" döyüş təyyarələrinin əsas xüsusiyyətləri ilə tanış ola bilərsiniz.

2504

Keçmiş SSRİ ölkələrinin silahlı qüvvələri

159
(Yenilənib 11:16 04.08.2020)
Hər ölkənin ordusu müasir silahlar və hazırlıqlı hərbçilərlə təchiz olunmalıdır ki, vətəni istənilən hərbi müdaxilədən qoruya bilsin.
İnfoqrafika: Keçmiş SSRİ ölkələrinin silahlı qüvvələri
© Sputnik / Elnur Salayev

Silahlı qüvvələr dövlət strukturunda vacib yerlərdən birini tutur, onların formalaşdırılması və inkişafına isə kifayət qədər diqqət ayırmaq vacibdir. Bu, xüsusilə ərazisində hərbi münaqişələr olan, məsələn, Azərbaycan kimi ölkələr üçün aktualdır. Təsadüfi deyil ki, müdafiə xərcləri üzrə respublikamız keçmiş İttifaq ölkələri arasında ilk üçlüyə daxildir.

Sputnik Azərbaycan-ın xüsusi infoqrafikasında postsovet ölkələrinin silahlı qüvvələri və digər hərbi birləşmələrinin sayı barədə məlumat ala bilərsiniz. Bu siyahıda elə ölkələr var ki, cəmi bir neçə min hərbçi sayı ilə sizi təəccübləndirəcək.

159

Azərbaycanda sosial ödənişlər: kim qədər alır?

1326
(Yenilənib 20:15 30.07.2020)
Hər bir ölkədə dövlət vətəndaşların müəyyən qruplarını öz müdafiəsi altına götürür. Sputnik Azərbaycan-ın xüsusi infoqrafikasından iyun ayında ölkəmizdə sosial müdafiənin necə həyata keçirildiyini öyrənmək olar
Azərbaycanda sosial ödənişlər
© Sputnik / Elnur Salayev

Cəmiyyətin heç də bütün üzvləri eyni cür pul qazana və özlərini təmin edə bilmirlər. Burada söhbət adətən yaşlı, sağlamlıqla bağlı problemləri olan insanlardan və işsizlərdən gedir. Bu hallarda məsələyə dövlət müdaxilə edir və müxtəlif sosial ödəmələr həyata keçirir: pensiya, işsizlik və ya əlilliyə görə müavinət və s. verir.

Sputnik Azərbaycan-ın xüsusi infoqrafikasından oxucular ötən ay ərzində ölkənin 2,3 milyon vətəndaşının müxtəlif təyinatlı sosial müavinət aldığını öyrənəcəklər.

İnfoqrafikada həmçinin il ərzində sosial müdafiə tədbirləri aid edilən vətəndaşların sayının necə dəyişməsi və sosial təminata hansı xərclərin çəkilməsi göstərilir.

1326
Dalğalar

Xəzərdə dalğaların hündürlüyü 5 metrə çatıb - Faktiki hava

0
(Yenilənib 12:06 04.08.2020)
Havanın maksimal temperaturu Bakıda və Abşeron yarımadasında 25-27, aran rayonlarında 29-31, dağlıq rayonlarda 18-21, Naxçıvan MR-da 31-34 dərəcə isti olub.

BAKI, 4 iyul – Sputnik. Faktiki hava açıqlanıb.

Milli Hidrometeorologiya Xidmətindən Sputnik Azərbaycan-a bildirilib ki, avqustun 4-ü  səhərədək olan məlumata əsasən ölkə ərazisində qeyri-sabit hava şəraiti davam edib, şimşək çaxıb, arabir yağış yağıb, bəzi yerlərdə leysan xarakterli intensiv olub, şimal-qərb küləyi güclənib. 

Düşən yağıntının miqdarı Ağdərədə (Ordubad) 22 mm, Astarada 16 mm, Salyanda 10 mm, Lerikdə 8 mm, Beyləqanda 6 mm, Biləsuvarda 5 mm, Qubada 4 mm, Daşkəsən, Göygöl, Balakən, Qrız, Xınalıqda 3 mm, Gədəbəy, Ağdam, Qəbələ, Qusar, Neftçala, Yardımlı, Lənkəran, Ağsuda 2 mm, Sumqayıt, Bakı, Maştağa, Pirallahı, Naftalan, Şəmkir, Zaqatala, Şəki, İsmayıllı, Şamaxı, Altıağac, Xaltan, Yevlax, Göyçay, İmişli, Sabirabad, Cəfərxan, Qazıməmməd, Kişçay (Şəki), Şabran, Nabran, Şahdağda 1 mm olub. Yağan leysan xarakterli yağış nəticəsində avqustun 3-də Talaçay Zaqatala və Əyriçay Başdaşağıl məntəqələrindən sel keçib.

Şimal-qərb küləyi gün ərzində arabir Neftçalada 26 m/s, Naftalanda 23 m/s, Bakı, Qum adasında 28 m/s, Maştağada 25 m/s, Çilov adasında 23 m/s, Ələt, Pirallahıda 20 m/s, Sumqayıt, Binədə 19 m/s, Neft Daşlarında 23 m/s-dək güclənib. Neft Daşları stansiyasının məlumatına əsasən dalğanın hündürlüyü 5 metrə çatıb. 

Havanın maksimal temperaturu Bakıda və Abşeron yarımadasında 25-27, aran rayonlarında 29-31, dağlıq rayonlarda 18-21, Naxçıvan MR-da 31-34 dərəcə isti olub.

0