Математика - Sputnik Azərbaycan
İNFOQRAFİKA
Aktual məsələlərin gözəl dizaynda təqdimatı

Şimali Koreyanın zərbə imkanları hara qədər uzanır

Abunə olmaq
Şimali Koreyanın zərbə imkanları çox genişdir

KXDR özünün ballistik raketlərinin sınaqlarını dayandırmır.

Şimali Koreya mühəndisləri tərəfindən hazırlanmış sonuncu ballistik raket Yaponiya ərazisindən uçaraq Sakit Okeana düşüb.

Qeyd edək ki, 1965-1968-ci illərdə SSRİ Şimali Koreyaya bir neçə 45 km məsafəyə uça bilən bərk yanacaqlı idarə olunmayan raketli 2K6 "Luna" raket kompleksini verib. Onların əsasında ilk analoqların – "Xvason-1" (Koreya dilindən tərcümədə Mars) raketlərinin istehsalına başlanıb.

1975-1977-ci illərdə koreyalı mühəndislər Çinin maye ballistik raketləri olan, 600-1000 km məsafəyə uça bilən DF-61-Ii hazırlanmasında iştirak edib.

1980-1984-cü illərdə Misirin əldə etdiyi P-17 raketli 9K 72 "Elbrus" raket kompleksinin Şimali Koreya analoqu – "Xvason-5" yaradılıb. İlk uğurlu sınaq 1984-cü ilin aprel-sentyabrında baş tutub.

1989-1990-cı illər – Orta mənzilli ballistik "Xvason-7" (Nodon) raketlərinin hazırlanmasına başlanılıb. İlk sınaqlar Amerika peykləri tərəfindən 1990-cı ilin mayında qeydə alınıb.

İyun, 1990-cı il – Uzaq mənzilli "Xvason-6" raketinin uğurlu buraxılışı həyata keçirilib. Onun kütləvi istehsalına və İran və Suriyaya çatdırılmasına başlanılıb.

May, 1993-cü il – KXDR ərazisində "Xvason-7" raketinin ilk sınağı. Bundan əvvəl isə həmin raketin İran və Pakistanda yay sınağı keçirilmişdi.

31 avqust 1998-ci il – Üçpilləli kosmik raket daşıyıcısı "Pektusan-1"- in ("Tepxodon-1") qismən uğurlu buraxılışı həyata keçirilib. Bu, KXDR-in 2000-5000 km məsafəyə uça bilən ballistik raketin hazırlanması imkanının nümayişi olub.

5 iyul 2006-cı il – potensial uçma məsafəsi 4000-15000 km olan "Inxa-1" ("Tepxodon-2") raket daşıyıcısının ilk yay sınağı. Raket havaya cəmi 40 km qalxa bilib.

10 oktyabr 2010-cu il – KXDR yeni "Xvason-10" ("Musudan") və 1996-cı ildə Suriyadan alınmış "Toçka" sovet taktik raket kompleksinin yerli analoqu "Xvason-11"i nümayiş etdirib.

15 aprel 2012-ci il – Kim İr Senin 100 illik yubileyinə həsr olunmuş paradda ilk Şimali Koreya qitələrarası ballistik raketinin prototipi "Xvason-13" (KN-08) göstərilib.

12 dekabr 2012-ci il – "Inxa-3" kosmik raket daşıyıcısının ilk uğurlu buraxılışı. Buraxılış uğurlu olub və "Kvanmenson-3" orbitə çıxıb, lakin Yerə radiosiqnal ötürə bilməyib.

26 iyun 2014-cü il – KXDR "Xvason-11"lərin ilk uğurlu sınaqlarının sübutlarını dərc edib. İlk buraxılışlar hələ təxminən 2004-2008-ci illərdə həyata keçirilib. Bu əhəmiyyətli uçuş məsafəsinə malik olan ilk Şimali Koreya bərk yanacaqlı raketidir.

10 oktyabr 2015-ci il – Pxenyandakı paradda ön hissəsi konusşəkilli olan yeni qitələrarası ballistik raket nümayiş etdirilib. Raket əvvələr "Xvason-13"lər üçün istifadə olunan yük maşınlarında yerləşdirilib. Bu raketə KN-14 indeksi verilib.

9 mart 2016-cı il – Qitələrarası ballistik raketə yerləşdirilə bilən miniatür partlayıcının maketinin fotoları nümayiş etdirilib.

15 mart 2016-cı il – KXDR qitələrarası ballistik raket üçün istilik qorumasının ilk sınaqlarını keçirib.

9 aprel 2016-cı il – Şimali Koreya qitələrarası ballistik raket üçün yeni maye mühərrikinin stend sınaqlarını keçirib. Bu mühərriklər "Xvason-13" KN-14 raketlərinə yerləşdirilə bilər.

22 iyun 2016-cı il – Beş uğursuz buraxılışdan sonra "Xvason-10" raketlərinin ilk uğurlu sınağı olub.

24 avqust 2016-cı il – "Pukkıkson-1" sualtı qayıqlardakı ballistik raketlərin ilk uğurlu sınağı baş tutub.

5 sentyabr 2016-cı il – 1000 km uçuş məsafəsi olan "Xvason-9" raketlərinin ilk təsdiqlənmiş sınaqları həyata keçirilib.

12 fevral 2017-ci il — "Pukkıkson-2" sualtı qayıqlardakı ballistik raketlərin yerüstü modifikasiyası ilk dəfə uğurla sınaqdan keçirilib.

6 mart 2017-ci il – ABŞ-ın THAAD RƏM komplekslərinin müdafiəsini yarmaq üçün eyni zamanda dörd "Xvason-9" raketi sınaqdan çıxarılıb.

15 aprel 2017-ci il – Pxenyandakı paradda nəqliyyat-buraxılış konteynerləri formaca Çinin "Dunfen-31" və Rusiyanın "Topol" komplekslərinə oxşayan yeni mobil raket kompleksləri nümayiş etdirilib.

14 may 2017-ci il – "Xvason-12" orta mənzilli ballistik raket sınaqdan keçirilib. KXDR-nın bəyanatına görə, bu raket iri nüvə başlıqlarını daşıya bilir.

29 may 2017-ci il – "Xvason-6" raketinin yüksək dəqiq modifikasiyası sınaqdan keçirilib. Başlıqdakı kiçik qanad son mərhələdə raketi hədəfə yönəldə bilir.

4 iyul 2017-ci il – KXDR ilk dəfə olaraq ABŞ-ın qərb sahilinə nüvə başlığını çatdıra bilən "Xvason-14" tamgüclü qitələrarası ballistik raketi sınaqdan keçirib.

28 iyul 2017-ci il – "Xvason-14" raketinin ikinci sınağı onun Los-Anceles, Çikaqo və Nyu-Yorka çata biləcəyini göstərib.

Şimali Koreya raketlərinin xüsusiyyətləri, onların zərbə endirə biləcəyi uzaqlıqlarla Sputnik Qırğızıstanın hazırladığı infoqrafikada tanış ola bilərsiz.

Xəbər lenti
0