Nəfəsli musiqi alətləri

3258
(Yenilənib 15:03 24.05.2017)
Azərbaycanın qədim milli musiqi alətləri arasında nəfəsli musiqi alətləri də özünəməxsus yer tutur
© Sputnik / Elnur Salayev

Nəfəsli musiqi (çalğı) alətlərində havanın alətin daxilinə üfürülməsi (nəfəs verilməsi) üsulu ilə səs əldə olunur.

Bu alətlərin ilk sadə nümunələri eramızdan bir neçə min il əvvəl qarğı və qamışdan hazırlanıb. Bu ənənə dövrümüzə qədər yaşayır. Nəfəsli musiqi alətləri qarğıdan, qamışdan sümükdən, heyvanların buynuzundan, gildən, müxtəlif ağac növlərindən, mis və digər materiallardan  hazırlanır. 

Nəfəsli musiqi alətlərinin texniki və bədii imkanları o qədər də geniş deyil. Bu da, hər şeydən əvvəl, onların səs diapazonunun məhdudluğu ilə əlaqədardır. 

Sputnik Azərbaycan-ın hazırladığı infoqrafikada Azərbaycanda populyar olan nəfəsli musiqi alətləri ilə tanış ola, həm də onların səslənməsinə qulaq asa bilərsiniz.

3258
Teqlər:
verənə şükür, nəfəs alətləri, musiqi alətləri, infoqrafika, Azərbaycan
Əlaqədar
Azərbaycanın qədim zərb musiqi alətləri

Azərbaycanda baş vermiş yol-nəqliyyat hadisələrinin statistikası

29
(Yenilənib 17:34 21.11.2020)
Ölkədə avtomobil qəzalarının 89,3 faizi yaşayış məntəqələrinin ərazisində və ya yaxınlığında baş verib.
İnfoqrafika: yol qəzaları
© Sputnik / Elnur Salayev

Rəsmi statistikaya görə, 2020-ci ilin yanvar-sentyabr aylarında baş vermiş yol qəzalarının sayı ötən ilin müvafiq dövrü ilə müqayisədə 10% azalıb. Azərbaycan Dövlət Statistika Komitəsindən verilən məlumata görə, ilin əvvəlindən indiyə kimi yollarda 1145 yol-nəqliyyat hadisəsi qeydə alınıb. Ümumilikdə, 1527 nəfər zərər çəkib ki, bu da keçən ilin göstəricilərindən 12% azdır. Avtomobil qəzalarında 504 nəfər ölüb, 1023 nəfər yaralanıb. Üstəlik, qəzaların yarıdan çoxu sutkanın qaranlıq saatlarında baş verib

Yol qəzalarının 89,3 faizi yaşayış məntəqələrinin ərazisində və ya yaxınlığında qeydə alınıb.

Bununla yanaşı, 2020-ci ilin üç rübü ərzində yol polisi tərəfindən 2,8 milyondan çox qayda pozuntusu qeydə alınıb. İlk üçlüyə sürət həddini aşma, avtomobili qadağan olunmuş yerdə park etmə, yol nişanlarına əməl etməmə kimi qayda pozuntular daxildir. Sürücülər tərəfindən ödənilən cərimələr nəticəsində dövlət büdcəsinə 93,2 milyon manat vəsait daxil olub.

Ölkə yollarındakı vəziyyətlə bağlı Sputnik Azərbaycan-ın infoqrafikasından daha geniş məlumat əldə etmək olar.

29

Azərbaycanda biznesin dəstəklənməsi

1386
(Yenilənib 07:46 19.11.2020)
İki mərhələdə həyata keçirilən maliyyə dəstəyi proqramından 130 mindən çox vergi ödəyicisi yararlanıb, ümumilikdə proqram 344 mindən çox vətəndaşı əhatə edib.
İnfoqrafika: Sahibkarlara yardım
© Sputnik / Elnur Salayev

Noyabrın 7-dən etibarən Azərbaycanın karantin rejiminin sərtləşdirildiyi on rayon və şəhərində fəaliyyət göstərən sahibkarlara dövlət tərəfindən maliyyə dəstəyinin göstərilməsinə başlanılıb. Dövlət dəstəyi 9300 ştatlı işçisi olan 1900 sahibkarlıq subyektini, habelə fərdi (mikro) sahibkar kimi qeydiyyatdan keçmiş 13000 vergi ödəyicisini əhatə edəcək.

26 oktyabr 2020-ci il tarixinə olan məlumata görə, işçilərin maaşlarının bir hissəsinin ödənilməsi üçün 204,6 milyon manat, fərdi (mikro) sahibkarlara maddi dəstəyin göstərilməsi məqsədi ilə 77 milyon manat vəsait ayrılıb. İki mərhələdə həyata keçirilən maliyyə dəstəyi proqramından 130 mindən çox vergi ödəyicisi yararlanıb. Ümumilikdə proqram 344 mindən çox vətəndaşı əhatə edib.

Sahibkarlara göstərilən dövlət dəstəyi barədə daha ətraflı məlumatla Sputnik Azərbaycan-ın infoqrafikasından tanış ola bilərsiniz.

1386
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

0
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

0
Teqlər:
müsabiqə, COVID-19, Koronavirus