Siz bilirsiniz ki, nə çəkirsiniz?
(Yenilənib 11:14 01.02.2016)
Çox az insanın bu ziyanlı vərdişdən yaxa qurtarmağa gücü çatır
Sputnik. Elnur Salayev
Siqaretin tərkibini öyrəndikdə, yalnız nikotin və qətrandan söhbət açmalı olmursan, həm də yuyucu vasitələr, yol örtüyü və hətta akkumulyator istehsalından danışmağa məcbursan. Bu iki şeyin əlaqəsini Sputnik-in hazırladığı infoqrafikada aydın görmək olar.
Siqaret çəkməyin ziyanı barədə əsrlərdir, söz açılır. Tütün Amerikadan Avropaya gətiriləndən bu günə kimi hər kəs onun zərərindən danışır. Lakin çox az insanın bu ziyanlı vərdişdən yaxa qurtarmağa gücü çatır.
Azərbaycanda keçirilən sorğuların nəticələrinə görə, ölkədə kişilərin 60, qadınların isə 10 faizi siqaret aludəçisidir. Bütün elmi araşdırmalar tütün çəkməyin nə dərəcədə ziyanlı və hətta ölümcül olduğunu nümayiş etdirir. Hazırladığımız infoqrafika da məhz bunu sübut edir.
Ən sürətli internet kimdədir?
(Yenilənib 18:38 14.01.2021)
Azərbaycanda istifadəçilərin telefonla internet arasında seçim etməli olduqları dövr arxada qalıb. Ölkəmiz internetə qoşulma sürətinə görə dünya reytinq cədvəlində heç də pis mövqe tutmur.
©
Sputnik / Elnur Salayev
İnternet artıq çoxdan insan həyatının ən müxtəlif sahələrinə nüfuz edib. Hətta onun inkişafı sayəsində yeni "ağıllı ev" konsepsiyası da ortaya çıxıb. Bütün dünyanı bürüyən "hörümçək toru" yaranandan bəri onun sürəti mühüm əhəmiyyət kəsb edir. Dial-up - analoq tipli qoşulma dövrü çoxdan geridə qalsa da, internetin sürəti məsələsi həmişə aktualdır.
Oxucularımız internetə qoşulma sürətinə görə mütəxəssislərin tərtib etdiyi reytinq cədvəlində ölkəmizin hansı yerdə olduğunu Sputnik Azərbaycan-ın xüsusi infoqrafikasından öyrənə bilərlər. Hələlik Azərbaycan reytinq cədvəlində orta mövqeyini qoruyub saxlayır.
Maraqlıdır ki, dünyada həm sabit, həm də mobil internet siyahısında liderlər məhz Asiya ölkələridir. Üstəlik, bu ölkələr heç də həmişə, belə demək mümkünsə, inkişaf etmiş texniki bazaya sahib olmur. Bununla belə, zəif internetə malik ölkələr də əsasən Asiya qitəsinin payına düşür.
Avropada kimin ordusu daha güclüdür
(Yenilənib 23:44 11.01.2021)
Sərəncamında ən təsirli hərbi qüvvələrin mövcud olduğu Avropa ölkələrinin xüsusi xəritəsi tərtib olunub.
©
Sputnik / Elnur Salayev
Güclü ordu hər zaman dövlətin ən vacib elementlərindən biri hesab olunub və müxtəlif ixtisaslaşmış nəşrlər, analitik qruplar vaxtaşırı silahlı qüvvələrin gücü baxımından ölkələrin tematik reytinq cədvəllərini hazırlayır. Sputnik Azərbaycan-ın infoqrafikası Avropa ölkələrinin ən güclü ordularının xəritəsini əks etdirir.
Gözlənildiyi kimi, reytinq cədvəlində hərbi gücünə görə lider ölkə Rusiya Federasiyasıdır, sonrakı yerləri isə Qərbi Avropanın iki ölkəsi tutur: Fransa və Böyük Britaniya.
Mövcud reytinq cədvəli yalnız hərbi texnikanın kəmiyyət göstəriciləri və hərbçilərin sayı əsasında tərtib edilmir. Analitiklər neft məhsulları ilə təchizat, infrastrukturun inkişafı və bir sıra başqa amilləri də nəzərə alıblar. Ümumilikdə, reytinq 50 göstərici əsasında müəyyən olunur.
Teqlər:
İqtisadi Şuranın 2021-ci ildə ilk iclası keçirilib
BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.
Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.