Azərbaycanda yol hadisələrinin "qanlı siyahı"sı

1344
(Yenilənib 18:25 14.12.2015)
Azərbaycanda yol-nəqliyyat hadisələri
Sputnik

Müvafiq qurumların çoxsaylı xəbərdarlıqları müəyyən qədər öz bəhrəsini versə də, Azərbaycanda bu il də yol-nəqliyyat hadisələrinin "qanlı siyahı"sı dolub daşır.

Sputnik-in Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyevə istinadən verdiyi məlumata görə, son bir il ərzində ölkənin avtomobil yollarında 2033 yol-nəqliyyat hadisəsi qeydə alınıb.

Baş vermiş qəzalarda 816 nəfər həlak olub, 2069 nəfər xəsarət alıb. Bu müddət ərzində 837 qəza piyadaların vurulması nəticəsində baş verib. Nəticədə 302 piyada ölüb, 612 nəfər isə müxtəlif dərəcəli bədən xəsarətləri alıb.

Ötmə qaydalarının pozulması və qarşıdan gələn avtomobilin hərəkət zolağına çıxması nəticəsində 753 qəza qeydə alınıb. Nəticədə 294 nəfər dünyasını dəyişib, 870 nəfər yaralanıb.

Bu il ərzində 571 qəza sürücülərin sürət həddinin aşılması nəticəsində baş verib. Həmin qəzalarda 267 nəfər ölüb, 465 nəfər isə yaralanıb.

Dəmiryolu keçidlərinin keçilməsi ilə bağlı baş verən 3 qəzada bir nəfər ölüb, 5 nəfər xəsarət alıb.

Ölkə yollarında sərxoş vəziyyətdə avtomobilin idarə edilməsi nəticəsində 48 qəza baş verib. Nəticədə 24 nəfər həlak olub, 61 nəfər yaralanıb.

Qeyd olunan dövr ərzində 75 qəza avtobus sürücüləri tərəfindən törədilib. Nəticədə 28 nəfər ölüb, 87 nəfər xəsarət alıb.

Yük avtomobilləri tərəfindən baş verən 122 qəzada 68 ölüm, 110 yaralanma faktı qeydə alınıb.

Uşaqların iştirakı ilə baş verən qəzalarda 64 azyaşlı ölüb, 195 uşaq xəsarət alıb.

Xatırladaq ki, ötən ilin müvafiq dövrü ilə qəzaların sayı 396 fakt, ölənlərin sayı 207 nəfər, xəsarət alanların sayı isə 383 fakt azalıb.

1344
Teqlər:
xəsarət alanlar, yol-nəqliyyat hadisələri, avtobus, ölənlər və yaralılar, avtomobil, Baş Dövlət Yol Polisi İdarəsi, Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev, Azərbaycan

Cəbiş müəllim təqdim edir: Əfsanəvi "Armed Mişel” yüz yaşında

1605
(Yenilənib 22:06 27.09.2020)
Cəbrayılovlar ailəsinin iki üzvü müharibənin od-alovundan sağ çıxıb qayıtsa da, ikisi qəhrəmanlıqla həlak olub. Sağ qalanlardan biri isə adını tarixə yazdırmağı bacarıb.

Şəkinin Oxud kəndində yaşayan Cəbrayılovlar ailəsindən İkinci Dünya müharibəsinə könüllü olaraq 4 nəfər yollanıb. Onlardan ikisi müharibənin od-alovundan sağ çıxıb qayıtsa da, ikisi qəhrəmanlıqla həlak olub. Sağ qalanlardan biri isə - Əhmədiyyə Cəbrayılov adını tarixə yazdırmağı bacarıb.

Cəbiş müəllim bu dəfə yüz yaşına çatmış əfsanəvi partizan Əhmədiyyə Cəbrayılov haqqında danışır.

1605

Bakı sakinləri taksidən necə istifadə edirlər

44
(Yenilənib 11:40 22.09.2020)
Bakının nəqliyyat işçiləri yeni bazar konsepsiyası hazırlayırlar. Onlar qeyri-müəyyən tariflər, haqsız rəqabət, aşağı xidmət keyfiyyəti kimi problemləri həll etmək niyyətindədirlər.
İnfoqrafika: Taksidən istifadə
© Sputnik / Elnur Salayev

Bakı sakinləri taksi xidmətlərindən aktiv istifadə edirlər. Ancaq bu bazarda bir sıra problemlər var ki, onların da Bakı Nəqliyyat Agentliyinin (BNA) yeni ictimai nəqliyyatın inkişafı konsepsiyası ilə həlli planlaşdırılır.

Müstəqil Media Təhlil Mərkəzi paytaxtımızda 600-dən çox insanın iştirakı ilə sorğu keçirib. Bakı sakinlərinə taksi xidmətlərindən tez-tezmi istifadə etdikləri, necə sifariş verdikləri, ödənişi necə gerçəkləşdirdikləri və bu xidmətlərə həftədə nə qədər pul xərclədikləri barədə suallar verilib. Sorğu məlumatlarına görə, rəyi soruşulanların 60%-i gündəlik və ya həftədə bir neçə dəfə taksidən istifadə edir. Elə bu qədər insan da ödənişi nağd pulla edir. 

BNA tariflərin qeyri-müəyyənliyi, haqsız rəqabət, xidmət keyfiyyətinin yarıtmazlığı, taksi sürücüləri üçün rentabelliyin aşağı olması, bu sahədəki fiziki və hüquqi şəxslərin, çağrı mərkəzlərinin hüquqi statusunun qeyri-müəyyənliyi  kimi problemləri qabardıb. Ancaq sorğunun nəticələrinə görə, rəyi soruşulanların 64%-i taksiləri mobil tətbiqlərin köməyilə sifariş verib.

Bakılıların taksidən necə istifadə etdikləri barədə daha ətraflı məlumatı Sputnik Azərbaycan-ın infoqrafikasından əldə edə bilərsiniz.

44
Teqlər:
Bakı Nəqliyyat Agentliyi, BNA, taksi, Bakı
Xarici İşlər naziri Ceyhun Bayramov, arxiv şəkli

Rəsmi Azərbaycan: Türkiyə Qarabağ münaqişəsinə heç bir halda müdaxilə etmir

14
(Yenilənib 19:09 28.09.2020)
Ceyhun Bayramov: "Əgər Azərbaycan Silahlı Qüvvələrinin bu gün istifadə etdiyi silahlar nəzərdən keçirilsə, onda onun əksəriyyətinin Rusiya istehsalı olduğu görünər".

BAKI, 28 sentyabr — Sputnik. Türkiyənin Ermənistanla olan münaqişəyə müdaxiləsindən söhbət belə gedə bilməz. Sputnik Azərbaycan RİA Novosti-yə istinadən xəbər verir ki, bunu Azərbaycanın Xarici İşlər naziri Ceyhun Bayramov bildirib.

"Türkiyənin heç bir müdaxiləsi yoxdur. Əgər biz Türkiyə və Azərbaycan arasında hərbi-texniki əməkdaşlıqdan danışırıqsa, onda Azərbaycan bir sıra ölkələrlə hərbi-texniki sahədə əməkdaşlıq edir və hətta bu sahədə Rusiya ilə daha çox əməkdaşlıq edir", - deyə Ceyhun Bayramov qeyd edib.

O, vurğulayıb ki, əgər Azərbaycan Silahlı Qüvvələrinin bu gün istifadə etdiyi silahlar nəzərdən keçirilsə, onda onun əksəriyyətinin Rusiya istehsalı olduğu görünər.

Ceyhun Bayramov qeyd edib ki, Türkiyə ilə müntəzəm birgə təlimlər planlı xarakter daşıyır və hər hansı bir konkret ölkəyə qarşı yönəlməyib: "Türkiyə ilə hərbi təlimlərə gəldikdə, onlar tamamilə planlı xarakter daşıyır. Ötən il Azərbaycanda ondan çox belə təlim keçirilib. Onların əsas məqsədi döyüş hazırlığını qaldırmaqdır".

14