FHN yanğınsöndürən

Bakıdakı onaltımərtəbəli yaşayış binasında yanğın baş verib, sakinlər təxliyə edilib

31
(Yenilənib 17:13 20.07.2021)
Nərimanov rayonunda hündürmərtəbəli yaşayış binasında baş verən yanğın nəticəsində 5 nəfər tüstüdən zəhərlənib, 40-dan çox vətəndaş təxliyə olunub.

BAKI, 20 iyul - Sputnik. Bakının Nərimanov rayonunda hündürmərtəbəli yaşayış binasında yanğın baş verib. Yanğın nəticəsində 5 nəfər tüstüdən zəhərlənib, 40-dan çox vətəndaş təxliyə olunub.

Sputnik Azərbaycan-ın xəbərinə görə, Dövlət Yanğından Mühafizə Xidmətinin rəis müavini Əkbər Novruzov jurnalistlərlə söhbətində deyib ki, yanğınla bağlı məlumat saat 14:28-də Dövlət Yanğından Mühafizə Xidmətinin yanğınsöndürmə qüvvələrinin idarəetmə mərkəzinə daxil olub. Dərhal hadisə yerinə ərazi üzrə Nərimanov rayon Dövlət Yanğından Mühafizə hissəsinin yanğın bölmələri cəlb olunub.

"Yanının baş verdiyi bina 15 mərtəbəli, çoxfunksiyalı binadır. Onun birinci mərtəbəsində müxtəlif obyektlər var. Orada şaxtadan keçən elektrik kabellərində qısaqapanma baş verib. Nəticədə təxminən 50 metrə yaxın elektrik kabeli və vətəndaşlara məxsus elektrik sayğacları yanıb", - deyə o, bildirib. 

Polislərin fədakarlığı

Bakının Nərimanov rayonunda yerləşən 16 mərtəbəli yaşayış binasında baş verən yanğın zamanı polis əməkdaşları fədakarlıq nümayiş etdirib.

Ərazidə xidmət aparan polis əməkdaşları yanğın baş verən binada xilasetmə əməliyyatlarında fəal iştirak ediblər.

Hadisə nəticəsində 5 nəfər tüstüdən boğulma diaqnozu ilə xəstəxanaya yerləşdirilib ki, onlardan da ikisi binada qalan sakinləri xilas edən polis əməkdaşlarıdır.

Onaltımərtəbəli yaşayış binasında baş vermiş yanğın artıq söndürülüb. Xoşbəxtlikdən ölüm halı qeydə alınmayıb. 

31

FHN Bayıl yanğını zamanı dəyən zərəri açıqladı

446
Məlumat qəbul ediləndən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.

BAKI, 25 iyul — Sputnik. İyulun 25-də gecə saatlarında Fövqəladə Hallar Nazirliyinin (FHN) "112” qaynar telefon xəttinə Bakı şəhəri, Səbail rayonu, Badamdar qəsəbəsində dağlıq ərazidə yanğın baş verməsi barədə məlumat daxil olub və dərhal FHN-in Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.

FHN-dən Sputnik Azərbaycan-a verilən məlumata görə, hadisə barədə 00:10-da daxil olmuş məlumat əsasında 00:20-də ilk yanğından mühafizə bölmələri hadisə yerinə çatıb. Əməliyyat şəraitinin operativ və düzgün qiymətləndirilməsi, yanğına çevik müdaxilə, cəlb edilən qüvvələrin əlaqəli və effektiv idarə edilməsi sayəsində havanın küləkli olmasına baxmayaraq, yanğın geniş əraziyə yayılmasının, yamacın yuxarı və aşağı hissələrində yerləşən yaşayış evlərinə tərəf genişlənməsinin qarşısı alınaraq saat 01:10-da söndürülüb.

Yanğın nəticəsində, təqribən, 10 hektar sahədə quru ot və kol-kos, bir neçə yeni əkilmiş ağac, suvarma sistemləri üçün nəzərdə tutulmuş plastik su boruları 100 p.m. yanıb.

Qeyd edək ki, sürüşmə zonası olan ərazinin relyefinin mürəkkəbliyi səbəbindən yanğınla mübarizə tədbirlərində yanğın texnikalarının tətbiq edilməsi mümkün olmadığından yanğınsöndürmə işlərində əl əməyindən istifadə olunub.

Hadisə ilə əlaqədar fövqəladə hallar nazirinin müavini general-leytenant Etibar Mirzəyev ərazidə olub.

Bayıl yamacındakı yanğın

Paytaxtdakı yanğın söndürülüb. Sputnik Azərbaycan-a bu barədə Fövqəladə Hallar Nazirliyindən bildirilib.

Xatırladaq ki, dünən gecədən Bakıda Bayıl yamacında güclü yanğın başlayıb. Bunu əks etdirən görüntülər sosial şəbəkələrdə paylaşılıb. Fövqəladə Hallar Nazirliyi baş verən yanğınla bağlı məlumat yayıb. FHN-dən Sputnik Azərbaycan-a bildirilib ki, nazirliyinin "112" qaynar telefon xəttinə Bakı şəhəri, Səbail rayonu, Badamdar qəsəbəsində dağlıq ərazidə yanğın olması barədə məlumat daxil olub.

Məlumat qəbul ediləndən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub. 

Dağlıq ərazidə quru ot və kol-kos yanıb. Əməliyyat şəraitinin operativ və düzgün qiymətləndirilməsi, yanğına çevik müdaxilə, cəlb edilən qüvvələrin əlaqəli və effektiv idarə edilməsi sayəsində yanğının geniş əraziyə və yaşayış evlərinə tərəf yayılmasının qarşısı alınıb. Bildirilir ki, ərazinin relyefinin mürəkkəbliyi səbəbindən yanğınsöndürmə işlərinə yanğın texnikalarının cəlb olunması mümkün olmayıb. Yanğınsöndürmə işlərində əl əməyindən istifadə olunub.

Onu da əlavə edək ki, Fövqəladə hallar nazirinin müavini, general-leytenant Etibar Mirzəyev də hadisə yerinə getmişdi.

Qeyd edək ki, Bayıl yamacında ötən il də yanğın hadisəsi baş vermişdi.

446
Приморский парк в Баку

Yeni həftəsinin ilk günü hava necə olacaq?

565
(Yenilənib 12:56 25.07.2021)
Sabah Azərbaycanın rayonlarında havanın əsasən yağmursuz keçəcək, lakin gündüz bəzi dağlıq ərazilərdə şimşək çaxacağı, qısamüddətli yağış yağacağı ehtimalı var.

BAKI, 25 iyul — Sputnik. Sabaha gözlənilən hava proqnozu açıqlanıb. Milli Hidrometeorologiya Xidmətindən Sputnik Azərbaycan-a verilən məlumata görə, sabah Bakıda və Abşeron yarımadasında hava şəraitinin yağmursuz keçəcəyi gözlənilir. Mülayim şimal-qərb küləyi arabir güclənəcək. Havanın temperaturu gecə 23-26° isti, gündüz 29-32° isti, Bakıda gecə 23-25° isti, gündüz 29-31° isti olacaq. Atmosfer təzyiqi normadan aşağı 752 mm civə sütunu təşkil edəcək. Nisbi rütubət gecə 60-70 %, gündüz 40-45 % olacaq. Abşeron çimərliklərində mülayim şimal-qərb küləyi arabir güclənəcək.

Dəniz suyunun temperaturu şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) 24-25° isti, cənub çimərliklərində (Türkan, Hövsan, Sahil, Şıx) 25-26° isti olacaq.

İyulun 26-da Abşeron yarımadasında xəzri küləyinin arabir güclənəcəyi gözlənilir ki, bu da meteohəssas insanlar üçün müsbət amildir.

Sabah Azərbaycanın rayonlarında havanın əsasən yağmursuz keçəcək, lakin gündüz bəzi dağlıq ərazilərdə şimşək çaxacağı, qısamüddətli yağış yağacağı ehtimalı var. Səhər saatlarında duman. Qərb küləyi ayrı-ayrı yerlərdə arabir güclənəcək. Havanın temperaturu gecə 21-26° isti, gündüz 34-39° isti, dağlarda gecə 13-16° isti, gündüz 18-23° isti olacaq.

 

 

565

Bir il gecikən açılış, prezidentin qətli, milyarderin göyə uçusu