Daşqın, arxiv şəkli

Azərbaycanın cənubunda sel evləri, təsərrüfatları basıb: kəndlər arasında əlaqə kəsilib

361
(Yenilənib 21:09 19.07.2021)
Onlarla iri və xırdabuynuzlu mal-qaranı, ev quşlarını sel aparıb. Kənddaxili yollarda böyük yarğanlar yaranıb, kəndlər arasında əlaqə kəsilib, qaz, işıq və rabitə xətlərinə ziyan dəyib.

BAKI, 19 iyul - Sputnik. Ötən gün Lerikdə başlayan və 2 saat davam edən leysan yağışları nəticəsində 15 kənddə 30-a yaxın sakinin həyətyanı sahəsini sel suları basıb, vətəndaşların təsərrüfatlarına ciddi ziyan dəyib.

Sputnik Azərbaycan APA-ya istinadən bildirir ki, 180 hektar kartof, 65 hektar meyvə bağı, 45 hektar tərəvəz sahəsi sıradan çıxıb. 350-dən çox arı ailəsini, onlarla iri və xırdabuynuzlu mal-qaranı, ev quşlarını sel aparıb. Rayonun Kələxan kənd sakininə məxsus evin bir divarı uçub. Sel nəticəsində kənddaxili yollarda böyük yarğanlar yaranıb, kəndlər arasında əlaqə kəsilib, qaz, işıq və rabitə xətlərinə ziyan dəyib.

Hazırda Lerik Rayon İcra Hakimiyyətinin Fövqəladə Hallar Komissiyası tərəfindən təbii fəlakətin fəsadlarının aradan qaldırılması üçün zəruri tədbirlər görülür. Ərazidə elektrik enerjisinin, təbii qazın verilişi, rabitənin bərpası və kəndlərarası yolların açılması işlərinə başlanılıb. Fövqəladə Hallar Nazirliyinin Cənub Regional Mərkəzinin əməkdaşları hazırda əraziyə dəymiş ziyanı müəyyənləşdirirlər.

Eləcə də oxuyun:

361
Teqlər:
dağıntı, kənd təsərrüfatı, fəsad, sel, leysan, Lerik
Şəkidə yağış fəsad törətd

Yağış yüz yaşı olan ziyarətgahı dağıtdı

1187
(Yenilənib 21:25 28.07.2021)
Şəkidə sakinlərin ziyarətgah kimi qəbul etdiyi irigövdəli ağac yağış səbəbindən aşaraq xeyli ziyan vurub.

 

BAKI, 28 iyul — Sputnik. Aramsız yağışlar Şəkidə fəsadlara yol açıb. Sputnik Azərbaycan-ın bölgə müxbiri xəbər verir ki, şəhərin “Dağ Dibi” məhəlləsində, Koroğlu 24 ünvanında, Rəşad Cəfərova məxsus fərdi yaşayış evinin həyətində olan irigövdəli ağac aşıb. Yarımçıq tikilinin üzərinə aşan ağac onu uçurub. Həmçinin, həyətlərarası və yol kənarındakı divarlar dağılıb.

Sakinlərin sözlərinə görə, gövdəsinin diametri bir, çətirinin diametri isə 10 metrdən böyük olan bu ağacın yüzdən artıq yaşı var. Yerli əhali bu ağacı ziyarətgah kimi qəbul edərək ona dualarının qəbul olması niyyəti ilə müxtəlif parçalar da bağlayırmış.

  • Şəkidə yağış fəsad törətd
    © Sputnik / Ibrahim Hashimov
  • Şəkidə yağış fəsad törətd
    © Sputnik / Ibrahim Hashimov
  • Şəkidə yağış fəsad törətd
    © Sputnik / Ibrahim Hashimov
1 / 3
© Sputnik / Ibrahim Hashimov
Şəkidə yağış fəsad törətd

Sakinlər bildiriblər ki, hər gün bu ağacın kölgəsində bir neçə avtomobil olurdu. Bu gün hava yağışlı olduğundan heç kəs ağacın altında maşın saxlamayıb. Xoşbəxtlikdən, hadisə zamanı xəsarət alan da olmayıb.

Eləcə də oxuyun:

1187
Teqlər:
tikili, yol, ziyarətgah, ağac, fəsad, Şəki, yağış

Fasadlarda "sürprizlər", uçan dam şüşəsiz qalan restoran: küləkli Bakıdan görüntülər

797
(Yenilənib 19:56 28.07.2021)
Bakıda güclü külək bir sıra fəsadlara yol açıb: bir evin damı uçaraq adamı əzib, evlərin fasadlarından üzlüklər, kondisiner və dəmir lövhə sallanıb.

BAKI, 28 iyul - Sputnik. İyulun 28-i gecədən başlayaraq Bakı şəhərində güclü küləyin əsməsi bir sıra fəsadlara yol açıb. Sputnik Azərbaycan bildirir ki, bununla əlaqədar paytaxtda insan həyatı və sağlamlığı üçün yaranmış təhlükəli hallarla bağlı Fövqəladə Hallar Nazirliyinin "112" qaynar telefon xəttinə daxil olmuş məlumatlar əsasında Nazirliyin müvafiq qəza-xilasetmə qüvvələri tərəfindən zəruri təhlükəsizlik tədbirləri görülüb.

Bakı şəhəri, Xəzər rayonu, Buzovna qəsəbəsi, Nadir Quliyev küçəsində fərdi yaşayış evinin dam örtüyünün uçması nəticəsində dağıntılar altında 1 nəfərin köməksiz vəziyyətdə qalması barədə daxil olmuş məlumat əsasında FHN-in Xüsusi Riskli Xilasetmə Xidmətinin (XRXX) xilasedici qrupu dərhal hadisə yerinə cəlb olunub və zərərçəkmişi xilas edərək aidiyyəti üzrə təhvil veriblər.

Paytaxtın Binəqədi rayonu, Xutor qəsəbəsində yerləşən şadlıq sarayının fasad şüşələrinin bir hissəsinin sınması, Nərimanov rayonu, Ziya Bünyadov prospektində yerləşən doqquzmərtəbəli binanın daş üzlüklərinin asılı vəziyyətdə qalması nəticəsində vətəndaşlar üçün yaranmış təhlükəli vəziyyətlərlə əlaqədar həmin ünvanlara cəlb olunmuş FHN XRXX-nın xilasediciləri tərəfindən müvafiq təhlükəsizlik tədbirləri görülüb.

Bundan başqa, Yasamal rayonu, Əlibəy Hüseynzadə küçəsində yerləşən iyirmimərtəbəli yaşayış binasının 8-ci mərtəbəsinin fasad hissəsində kondisionerin asılı vəziyyətdə qalaraq vətəndaşlar üçün təhlükəli vəziyyət yaratması barədə daxil olmuş məlumat əsasında XRXX-nın müvafiq xilasetmə qüvvələri hadisə yerinə cəlb olunub, xüsusi alət və avadanlıqlar vasitəsilə kondisioner götürülərək sakinlərin təhlükəsizliyi təmin edilib.

Həmçinin, Bakı şəhəri, Nərimanov rayonu, Əliyar Əliyev küçəsində yerləşən beşmərtəbəli binada dəmir lövhənin asılı vəziyyətdə qalaraq vətəndaşlar üçün yaratdığı təhlükəli vəziyyətlə əlaqədar hadisə yerinə cəlb olunmuş XRXX-nın xilasetmə qüvvələri müvafiq tədbirlər görərək, təhlükəni aradan qaldırıblar.

Eləcə də oxuyun:

797
Teqlər:
xilasetmə, fəsad, külək, video, FHN
Bakıda vəziyyət, arxiv şəkli

Avtomobillərin arxa şüşəsinə şüarların vurulması qanunsuzdur

0
(Yenilənib 20:03 29.07.2021)
Avtomobillər arxa şüşələrinə şüarların yazılması, fotoların vurulması digər sürücülərin diqqətini yayındıra bilər

BAKI, 29 iyul — Sputnik. Baş Dövlət Yol Polisi İdarəsi (BDYPİ) nəqliyyat vasitələrinin arxa şüşələrinə müxtəlif məzmunlu şüarların yazılması ilə bağlı məlumat yayıb. Sputnik Azərbaycan-a bu barədə BDYPİ-dən məlumat daxil olub.

Məlumatda qeyd edilir ki, son vaxtlar avtomobil yollarında bəzi sürücülərin digər yol hərəkəti iştirakçılarının diqqətini cəlb etmək və ya nəyisə reklam etmək məqsədilə nəqliyyat vasitələrinin arxa şüşələrinə müxtəlif məzmunlu şüarlar yazmaları yaxud fotolar vurma halları müşahidə olunur. Bu isə bəzən etik normalara zidd olmaqla bərabər yol-nəqliyyat hadisələrinin baş verməsinə də səbəb olan amillərdəndir: "Belə ki, nəqliyyat vasitələrinin arxa şüşələrində əks etdirilən bu cür faktlar avtomobillərin estetik görünüşünə xələl gətirmək, insanlar arasında pis fikirlər formalaşdırmaqla yanaşı, hərəkətdə olan avtomobil sürücülərinin istər-istəməz marağını kəsb edir, fotolara baxmağa, yazılanları oxumağa çalışırlar ki, bu səbəbdən diqqətləri yoldan yayınır və nəticədə qarşıdakı nəqliyyat vasitəsinə, piyadaya və ya hər hansı maneəyə toxunaraq qəza törədirlər".

Baş Dövlət Yol Polisi İdarəsi bu kimi halların qarşısının alınması məqsədilə avtomobil sahiblərinə və sürücülərə müraciət edərək nəqliyyat vasitələrində əgər bu cür yazılar, fotolar varsa, onların çıxarılmasını xahiş edir və bildirilir ki, belə nəqliyyat vasitələri dayandırılaraq müvafiq tədbirlər görüləcəkdir.

Qeyd edək ki, bir neçə gün öncə də, avtomobilin arxa şüşəsinə yazı yazan daha bir sürücü saxlanılıb. “Facebook” sosial şəbəkəsində yayılan görüntülərdən sonra Baş Dövlət Yol Polisi İdarəsi tərəfindən həmin sürücünün saxlanılması barədə Ekoloji nəzarət bölüyünə tapşırıq verilib. Avtomobil saxlanılan zaman məlum olub ki, sürücü konstruksiyaya ciddi dəyişiklik edib.

İdarənin şöbə rəisi polis polkovnik-leytenantı Namidan Piriyev Avtosfer.az-a açıqlamasında bildirib ki, 90-PY-043 qeydiyyat nişanlı “Khazar” markalı  avtomobilin sürücüsü  Əlizadə İlahi Qəhrəman oğlu saxlanılan zaman avtomobilə baxış keçirilib. Məlum olub ki, sürücü avtomobilin asqı sisteminə ciddi dəyişiklik edərək arxasını aşağı salıb, eyni zamanda sürücünün görünüş dairəsinə düşən şüşələrə plyonka çəkib. Polis əməkdaşlarının qanuni tələbinə qəsdən tabe olmadığına görə sürücü barəsində İnzibati Xətalar Məcəlləsinin 342.2.3, 342.2.4 və 535-ci maddələri ilə protokol tərtib edilərək barəsində toplanmış materiallar Binəqədi rayon Məhkəməsinə göndərilib.

Şəxs Binəqədi rayon Məhkəməsinin qərarı ilə Əlizadə İlahi Qəhrəman oğlu 15 gün müddətinə inzibati qaydada həbs olunub.

0