Yemək masası

O adamlara olub? Bərdədə yarımçıq qalan nişanın təfərrüatı

43
Bərdədə şənlikdə özlərini pis hiss edib xəstəxanaya yerləşdirilənlərdən xəbər var. Hadisənin təfərrüatını Sputnik Azərbaycan-a məclis sahibi açıqlayıb.

BAKI, 19 iyul — Sputnik. Bazar günü, iyulun 18-də Bərdədə toyda zəhərlənmə ehtimalı ilə xəstəxanaya yerləşdirilən xəstələrin vəziyyəti yaxşıdır. Onların halının pisləşməsinin isə qidadan deyil, günvurma səbəbindən olduğu bildirilir. Hadisə ilə əlaqədar artıq aidiyyəti qurumların məclis olan yerdə apardıqları araşdırma sona çatıb. Qurumların nümayəndələri qida zəhərlənməsi ilə bağlı hansısa bir fakta rast gəlməyiblər.

Məclis sahibləri də hadisənin zəhərlənmədən yox, başqa səbəbdən baş verdiyini iddia edirlər. Alıyev Elgiz İsfəndiyar oğlu Sputnik Azərbaycan-a bildirib ki, toy onun bacısının ünvanında olub və o da həmin məclisdə iştirak edib: “Məclis Bərdədə, bacımgilin həyətində idi. Yüngülvari yığıncaq edirdik. Bacım qızının nişanı idi. Yəni çox adam yox idi - özümüz, qohum-əqraba, bir də oğlan evinin adamları. Təxminən uşaqlı-böyüklü 30 nəfərə yaxın adam toplaşmışdı. Onların qapısında tut ağacı var. Ətrafı isə açıqlıqdır. Məclisi axşam saat 6-ya saldıq ki, gün batana yaxın olsun. Hamımız məsləhətləşdik ki, qoy saat 7-8-də olsun ki, isti olmasın. Sonra oğlan evindən gələnlər dedilər ki, gecdir, bir az tezləşdirək. O səbəbdən də stol açdıq. Stolun üçü günün qabağına düşdü”.

© Sputnik / Emin Alisahib
Elgiz Alıyev

Hadisə də bundan sonra baş verib. Elgiz Alıyev deyir ki, oğlan evindən yeddi, qız evindən isə iki nəfər gün düşən yerdə oturmalı olub. İlk olaraq kişilərdən birinin vəziyyəti pisləşib: “Oğlan evini baş tərəfə saldıq. Düşdülər günün qabağına. Qız evindən də iki nəfər o stola düşdü. Qalanları kölgədə oturdular.

Yeməklərimiz təzə idi. Körpə dana ətindən bozartma, aş, salat, pendir, xiyar-pomidor, çolpa soyutması idi. Yəni orada başqa yemək olmayıb. Masaya nə qoyulubsa, hamısının istehsal tarixi üstündə olub. Hamımız yedik. Düzdür, onların oturduğu masaya gün düşürdü. Hadisə də ancaq o stolda olub.

Bizdən iki nəfər qadın, bir mənim yoldaşım, bir də qardaşımın yoldaşının halı pis olub. Bizim qohum-ərqabadan heç kim zəhərlənməyib. Çünki biz özümüzü kölgəliyə vermişdik. Həm də işləyirdik. Amma qonaqlar, yazıqlar, qaldılar günün qabağında. Cəmisi doqquz nəfər idilər. Yeddisi onlardan, ikisi bizdən. Onlar da günün altında oturanlar olublar”.

Müsahibimizin sözlərinə görə, artıq aidiyyəti orqanlar məclis olan yerə baxış keçirib, araşdırma aparıb.

"Qida Təhlükəsizliyi Agentliyi, Bərdə rayon Polis Şöbəsi, Bərdə rayon Prokurorluğundan gəldilər. Yoxladılar. Gördülər ki, qidada heç nə yoxdur. Birbaşa günün altında qalmaları onları o vəziyyətə saldı. Hamısı da günvurmadan olub. Başqa heç nə yoxdur.

Gələnlər həm xəstələrin vəziyyətini öyrəndilər, həm də gəlib, buranı yoxladılar. Özümüzün ağılsızlığımızdan, günün altında qalmaqdan belə oldu. Qida zəhərlənməsi ilə bağlı hansısa fakta rast gəlinmədi. Qida Təhlükəsizliyi də rəy verdi ki, günvurmadır. Əlbəttə ki, günün altında yeyilən yeməkdən sonra insanın halı çönməlidir”, - E.Alıyev əlavə edib.

Qeyd edək ki, hazırda xəstəxanaya aparılanların vəziyyəti yaxşıdır. Onlardan bəziləri evə buraxılıblar.

Bərdə rayon  Mərkəzi Xəstəxanasının növbətçi həkimi Emin Əliyev də iyulun 18-də Sputnik Azərbaycan-a verdiyi açıqlamasında xəstəxanaya gətirilənlərdə zəhərlənmə əlamətinin olmadığını bildirmişdi.

Eləcə də oxuyun:

43
Teqlər:
toy, Bərdə, nişan, zəhərlənmə, günvurma
Mövzu:
Azərbaycanda toylar (35)
Türkiyənin Antalya əyalətində meşə yanğınları

Türkiyə alovlar içində: Yanğınlar lokallaşdırılsa da, mübarizə davam edir

1033
(Yenilənib 00:29 31.07.2021)
Türkiyənin kənd və meşə təsərrüfatı naziri Bekir Pakdemirli bildirib ki, hazırda 81 yanğın ocağından 70-i lokallaşdırılıb, Adana, Osmaniyə, Antalya, İzmir, Mersin, Muğlada yanğınlarla mübarizə davam edir.

BAKI, 30 iyul - Sputnik. Türkiyənin yanğınsöndürənləri 85 yanğın ocağından 74-nü lokallaşdıra biliblər. Sputnik Azərbaycan xəbər verir ki, bu barədə Türkiyənin kənd və meşə təsərrüfatı naziri Bekir Pakdemirli özünün "Twitter" səhifəsində yazıb.

O qeyd edib ki, hazırda 85 yanğın ocağından 74-ü lokallaşdırılıb, Adana, Osmaniyə, Antalya, İzmir, Mersin, Muğlada yanğınlarla mübarizə davam edir.

Nazirin sözlərinə görə, 11 yerdə yanğın davam edir. Yanğınla mübarizəyə 6 təyyarə, 9 pilotsuz uçuş aparatı (PUA), bir pilotsuz helikopter, 45 yanğınsöndürmə helikopteri, bir yanğınsöndürmə tankeri, 1 080 suçiləyici və 55 inşaat maşını, 4 mindən çox heyət cəlb edilib.

Meşələrin qəhrəmanlarının havadan və yerdən böyük sədaqətlə yanğınlarla mübarizə apardığını ifadə edən nazir dəstək göstərən hər kəsə minnətdarlığını bildirib.

Azərbaycanın yanğınsöndürənləri də Türkiyəyə köməyə gediblər

Azərbaycan Prezidentinin tapşırığına əsasən Fövqəladə Hallar Nazirliyinin yanğınsöndürmə qüvvələrinin əməkdaşları Türkiyəyə yola düşüb. Heyət AZAL-ın təyyarələri ilə Türkiyə Respublikasına yola salınıb.

Fövqəladə hallar nazirinin müavini Etibar Mirzəyev jurnalistlərə açıqlamasında bildirib ki, Azərbaycan Prezidentinin tapşırığına əsasən, nazirliyin 500 nəfərdən ibarət şəxsi heyəti, helikopterlər və digər lazımi avadanlıq və ləvazimatlar qısa zamanda qardaş Türkiyəyə çatdırılacaq.

E.Mirzəyevin sözlərinə görə, hazırda Azərbaycan Fövqəladə Hallar Nazirliyinin Dövlət Yanğından Mühafizə Xidmətinin 100 nəfər əməkdaşı Türkiyəyə yola düşür:

"Bildiyimiz kimi, bu gün Türkiyədə güclü yanğınlar müşahidə olunur. Azərbaycan Respublikasının Birinci vitse-prezidenti Mehriban xanım Əliyeva Türkiyədə baş verən yanğınlarda həlak olan şəxslərin yaxınlarına başsağlığı verib".

"Türkiyənin kədəri Azərbaycanın kədəridir", - deyən nazir müavini əlavə edib ki, Azərbaycandan iki helikopter və 500 nəfərdən artıq canlı qüvvə və 50-dən artıq texnika hazır vəziyyətdədir.

Türkiyədə yanğınlar 

Türkiyədə, Antalyanın Manavgat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın nəticəsində Manavqat rayonun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb.

Ümumilikdə Türkiyənin Antalya əyalətində başlayan meşə yanğınları nəticəsində 3 nəfər həlak olub, 62 nəfər isə xəsarət alıb.

Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Antalyadan başqa Türkiyənin Kayseri, Bodrum, Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində də kütləvi surətdə meşa yanğınları baş verməkdədir. Türkiyə rəsmiləri hadisənini terror aktı olduğunu istisna etmirlər. 

Həmçinin oxuyun:

Azərbaycan yanğınsöndürənləri qardaş ölkənin harayına getdilər

* İlham Əliyev Rəcəb Tayyib Ərdoğana başsağlığı verib

* Mehriban Əliyevadan Türkiyəyə dəstək

* Çavuşoğlu Türkiyədəki yanğınlar barədə: "Saxlanılan şübhəlilər var"

1033
Türkiyənin Antalya əyalətində meşə yanğınları

Azərbaycan yanğınsöndürənləri qardaş ölkənin harayına getdilər

839
(Yenilənib 23:03 30.07.2021)
Azərbaycan Prezidentinin tapşırığına əsasən, nazirliyin 500 nəfərdən ibarət şəxsi heyəti, helikopterlər və digər lazımi avadanlıq və ləvazimatlar qısa zamanda qardaş Türkiyəyə çatdırılacaq.

BAKI, 30 iyul - Sputnik. Azərbaycan Prezidentinin tapşırığına əsasən Fövqəladə Hallar Nazirliyinin yanğınsöndürmə qüvvələrinin əməkdaşları Türkiyəyə yola düşüb.

Sputnik Azərbaycan xəbər verir ki, heyət AZAL-ın təyyarələri ilə Türkiyə Respublikasına yola salınıb.

Fövqəladə hallar nazirinin müavini Etibar Mirzəyev jurnalistlərə açıqlamasında bildirib ki, Azərbaycan Prezidentinin tapşırığına əsasən, nazirliyin 500 nəfərdən ibarət şəxsi heyəti, helikopterlər və digər lazımi avadanlıq və ləvazimatlar qısa zamanda qardaş Türkiyəyə çatdırılacaq.

E.Mirzəyevin sözlərinə görə, hazırda Azərbaycan Fövqəladə Hallar Nazirliyinin Dövlət Yanğından Mühafizə Xidmətinin 100 nəfər əməkdaşı Türkiyəyə yola düşür:

"Bildiyimiz kimi, bu gün Türkiyədə güclü yanğınlar müşahidə olunur. Azərbaycan Respublikasının Birinci vitse-prezidenti Mehriban xanım Əliyeva Türkiyədə baş verən yanğınlarda həlak olan şəxslərin yaxınlarına başsağlığı verib".

"Türkiyənin kədəri Azərbaycanın kədəridir", - deyən nazir müavini əlavə edib ki, Azərbaycandan iki helikopter və 500 nəfərdən artıq canlı qüvvə və 50-dən artıq texnika hazır vəziyyətdədir.

Türkiyədə yanğınlar 

Türkiyədə, Antalyanın Manavgat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın nəticəsində Manavqat rayonun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb.

Ümumilikdə Türkiyənin Antalya əyalətində başlayan meşə yanğınları nəticəsində 3 nəfər həlak olub, 62 nəfər isə xəsarət alıb.

Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Antalyadan başqa Türkiyənin Kayseri, Bodrum, Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində də kütləvi surətdə meşə yanğınları baş verməkdədir. Türkiyə rəsmiləri hadisənin terror aktı olduğunu istisna etmirlər. 

Həmçinin oxuyun:

* İlham Əliyev Rəcəb Tayyib Ərdoğana başsağlığı verib

* Mehriban Əliyevadan Türkiyəyə dəstək

* Çavuşoğlu Türkiyədəki yanğınlar barədə: "Saxlanılan şübhəlilər var"

    

839
Пульт дистанционного управления телевизором

CBC teleradio şirkətində kadr dəyişiklikləri baş verib