Şəkidə Xan məscidində

Şəkidəki məsciddə xanın qəbri aşkarlandı

12255
(Yenilənib 19:15 08.07.2021)
Publisist Salman Mümtazın qeydlərinə görə, Məhəmmədhüseyn xanın özü məscidin mehrabında dəfn edilib. Qəbirdəki skeletdən nümunələr götürüləcək və genetik analiz aparılacaq.

BAKI, 8 iyul — Sputnik. Şəkidəki tarixi və mədəniyyət nümunələrindən biri də Xan məscididir. Məscid Heydər Əliyev Fondu tərəfindən əsaslı təmir edilir. Ötən əsrdə yaşamış publisist Salman Mümtazın bu məscid haqqında dediyi bəzi faktlar öz təsdiqini tapdığı üçün araşdırmalara da başlanılıb. Bu faktlardan biri də məscidin əsas mehrabının altında xanın qəbrinin olmasıdır. Bununla bağlı olaraq arxeoloqlar tədqiqata başlayıblar.

Sputnik Azərbaycan-ın məlumatına görə, məsciddəki arxeoloji qazıntıları Dövlət Turizm Agentliyinin sifarişi ilə Azərbaycan Milli Elmlər Akademiyasının tədqiqatçı-alimləri həyata keçirirlər. Dövlət Turizm Agentliyi sədrinin müşaviri Elşən Mustafayev Sputnik Azərbaycan-a bildirib ki, 1759-60-cı illərdə tikilmiş məscid 1853-cü ildə Nuxa bazarında əmələ gələn yanğın nəticəsində ətrafdakı evlərlə birlikdə yanıb.

Təmir zamanı məscidin qədim dövrə məxsus kiçik pəncərələri doldurulub və yerində iri pəncərələr qurulub. Salman Mümtazın söylədiyi bu faktlar da öz təsdiqini tapdığı üçün araşdırmaların başlanmasına qərar verilib. Tədqiqatlar zamanı orada Şəki xanı Hüseyn Xan Müştaqın qəbri də aşkarlanıb.

© Sputnik / Ibrahim Hashimov
Şəkidə Xan məscidində

"Ərazidə yanğın baş verib və məscid ciddi zərər görüb. Yerli camaat buranı bərpa edib. Biz yanğın izlərini tapmışıq. Doldurulmuş taxça və pəncərə izləri görünür. Heydər Əliyev Fondunun təşəbbüsü ilə burda təmir-bərpa işləri başlayıb. Salman Mümtazın qeydlərinə əsasən Məmmədhüseyn Xan Müştaqın qəbrini aşkar etmişik. Gələn ilin əvvəlinədək bura ən mühüm turizm mərkəzlərindən birinə çevriləcək", - deyə Elşən Mustafayev bildirib.

Ekspedisiyanın rəhbəri Zaur Həsənovun sözlərinə görə, mehrabdakı ilkin qazıntılar zamanı qəbirüstü örtüklərə məxsus lay daşlar aşkarlanıb. Ön divarın qarşısındakı hissədə aparılan qazıntılar zamanı isə qədim mehrabın dağıdıldığı və onun yeni üslubda tikildiyi məlum olub. Tədqiqatın əsas məqsədi qəbirdən genetik araşdırma aparıla biləcək dəlillərin əldə edilməsidir.

© Sputnik / Ibrahim Hashimov
Şəkidə Xan məscidində

"Çox maraqlı tapıntılar əldə edilib. Onlardan biri də mehrabın altında aşkarlanan daş strukturdur. Ehtimal edirik ki, bu, qəbirdir. Salman Mümtazın yazısına görə, Şəki xanı Məhəmmədhüseyn xanı mehrabın altında basdırıblar. Skelet tapılsa, bu, təsdiqlənəcək. Çünki skeletin genetik analizi aparılacaq. Biz çöldə qədim mehrabın fundamentini də tapmışıq, o da bərpa ediləcək", - Zaur Həsənov bildirib.

Qeyd edək ki, Xan məscidini Hicri tarixi ilə 1183-cü ildə (Miladi tarixi ilə 1769-70-ci illərdə) Şəki xanı Məhəmmədhüseyn xan Müştaq tikdirib. Məscid əvvəlcə "I Cümə məscidi" adlanıb. Məscidin şərq tərəfindəki sahədə Şəki Xan qəbiristanlığı yerləşir. Publisist Salman Mümtazın qeydlərinə görə, Məhəmmədhüseyn xanın özü məscidin mehrabında dəfn edilib.

12255

FHN Bayıl yanğını zamanı dəyən zərəri açıqladı

748
Məlumat qəbul ediləndən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.

BAKI, 25 iyul — Sputnik. İyulun 25-də gecə saatlarında Fövqəladə Hallar Nazirliyinin (FHN) "112” qaynar telefon xəttinə Bakı şəhəri, Səbail rayonu, Badamdar qəsəbəsində dağlıq ərazidə yanğın baş verməsi barədə məlumat daxil olub və dərhal FHN-in Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.

FHN-dən Sputnik Azərbaycan-a verilən məlumata görə, hadisə barədə 00:10-da daxil olmuş məlumat əsasında 00:20-də ilk yanğından mühafizə bölmələri hadisə yerinə çatıb. Əməliyyat şəraitinin operativ və düzgün qiymətləndirilməsi, yanğına çevik müdaxilə, cəlb edilən qüvvələrin əlaqəli və effektiv idarə edilməsi sayəsində havanın küləkli olmasına baxmayaraq, yanğın geniş əraziyə yayılmasının, yamacın yuxarı və aşağı hissələrində yerləşən yaşayış evlərinə tərəf genişlənməsinin qarşısı alınaraq saat 01:10-da söndürülüb.

Yanğın nəticəsində, təqribən, 10 hektar sahədə quru ot və kol-kos, bir neçə yeni əkilmiş ağac, suvarma sistemləri üçün nəzərdə tutulmuş plastik su boruları 100 p.m. yanıb.

Qeyd edək ki, sürüşmə zonası olan ərazinin relyefinin mürəkkəbliyi səbəbindən yanğınla mübarizə tədbirlərində yanğın texnikalarının tətbiq edilməsi mümkün olmadığından yanğınsöndürmə işlərində əl əməyindən istifadə olunub.

Hadisə ilə əlaqədar fövqəladə hallar nazirinin müavini general-leytenant Etibar Mirzəyev ərazidə olub.

Bayıl yamacındakı yanğın

Paytaxtdakı yanğın söndürülüb. Sputnik Azərbaycan-a bu barədə Fövqəladə Hallar Nazirliyindən bildirilib.

Xatırladaq ki, dünən gecədən Bakıda Bayıl yamacında güclü yanğın başlayıb. Bunu əks etdirən görüntülər sosial şəbəkələrdə paylaşılıb. Fövqəladə Hallar Nazirliyi baş verən yanğınla bağlı məlumat yayıb. FHN-dən Sputnik Azərbaycan-a bildirilib ki, nazirliyinin "112" qaynar telefon xəttinə Bakı şəhəri, Səbail rayonu, Badamdar qəsəbəsində dağlıq ərazidə yanğın olması barədə məlumat daxil olub.

Məlumat qəbul ediləndən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub. 

Dağlıq ərazidə quru ot və kol-kos yanıb. Əməliyyat şəraitinin operativ və düzgün qiymətləndirilməsi, yanğına çevik müdaxilə, cəlb edilən qüvvələrin əlaqəli və effektiv idarə edilməsi sayəsində yanğının geniş əraziyə və yaşayış evlərinə tərəf yayılmasının qarşısı alınıb. Bildirilir ki, ərazinin relyefinin mürəkkəbliyi səbəbindən yanğınsöndürmə işlərinə yanğın texnikalarının cəlb olunması mümkün olmayıb. Yanğınsöndürmə işlərində əl əməyindən istifadə olunub.

Onu da əlavə edək ki, Fövqəladə hallar nazirinin müavini, general-leytenant Etibar Mirzəyev də hadisə yerinə getmişdi.

Qeyd edək ki, Bayıl yamacında ötən il də yanğın hadisəsi baş vermişdi.

748
Приморский парк в Баку

Yeni həftəsinin ilk günü hava necə olacaq?

1186
(Yenilənib 12:56 25.07.2021)
Sabah Azərbaycanın rayonlarında havanın əsasən yağmursuz keçəcək, lakin gündüz bəzi dağlıq ərazilərdə şimşək çaxacağı, qısamüddətli yağış yağacağı ehtimalı var.

BAKI, 25 iyul — Sputnik. Sabaha gözlənilən hava proqnozu açıqlanıb. Milli Hidrometeorologiya Xidmətindən Sputnik Azərbaycan-a verilən məlumata görə, sabah Bakıda və Abşeron yarımadasında hava şəraitinin yağmursuz keçəcəyi gözlənilir. Mülayim şimal-qərb küləyi arabir güclənəcək. Havanın temperaturu gecə 23-26° isti, gündüz 29-32° isti, Bakıda gecə 23-25° isti, gündüz 29-31° isti olacaq. Atmosfer təzyiqi normadan aşağı 752 mm civə sütunu təşkil edəcək. Nisbi rütubət gecə 60-70 %, gündüz 40-45 % olacaq. Abşeron çimərliklərində mülayim şimal-qərb küləyi arabir güclənəcək.

Dəniz suyunun temperaturu şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) 24-25° isti, cənub çimərliklərində (Türkan, Hövsan, Sahil, Şıx) 25-26° isti olacaq.

İyulun 26-da Abşeron yarımadasında xəzri küləyinin arabir güclənəcəyi gözlənilir ki, bu da meteohəssas insanlar üçün müsbət amildir.

Sabah Azərbaycanın rayonlarında havanın əsasən yağmursuz keçəcək, lakin gündüz bəzi dağlıq ərazilərdə şimşək çaxacağı, qısamüddətli yağış yağacağı ehtimalı var. Səhər saatlarında duman. Qərb küləyi ayrı-ayrı yerlərdə arabir güclənəcək. Havanın temperaturu gecə 21-26° isti, gündüz 34-39° isti, dağlarda gecə 13-16° isti, gündüz 18-23° isti olacaq.

 

 

1186
Bakı şəhərinə mənzərə, arxiv şəkli

Ümidverici proqnozlar, RF şirkətlərinin nümayəndələri Bakıda - İqtisadi yekunlar