Yanğın, arxiv şəkli

Qazaxda sərhəd zolağında baş verən yanğınla bağlı yeni xəbər

855
(Yenilənib 14:21 07.07.2021)
Azərbaycan Fövqəladə Hallar Nazirliyi ölkənin Ermənistan Respublikası ilə sərhədində baş vermiş yanğınla bağlı rəsmi məlumat yayıb.

Fövqəladə Hallar Nazirliyinin (FHN) "112" qaynar telefon xəttinə iyulun 6-da axşam saatlarında Qazax rayonu ərazisində Azərbaycan Respublikasının Ermənistanla sərhəd zolağında yanğın olması barədə məlumat daxil olub.

FHN-dən Sputnik Azərbaycan-a verilən xəbərə görə, məlumatla əlaqədar FHN-nin Dövlət Yanğından Mühafizə Xidmətinin müvafiq yanğından mühafizə bölmələri yanğınsöndürmə işlərinə cəlb olunub. Əməliyyat şəraiti qiymətləndirilərkən müəyyən olunub ki, yanğın Ermənistan Respublikası ərazisində başlayıb və Azərbaycan Respublikasının ərazisinə keçib. Yanğından mühafizə bölmələrinin çevik müdaxiləsi nəticəsində Qazax rayonunun Aslanbəyli və Qaymaqlı kəndləri ərazisinə (quru ot və kol-kos olan açıq ərazilər) keçən yanğınların geniş əraziyə yayılmasının qarşısı alınıb, yanğın səhər saatlarında söndürülüb. Təqribən, 180 ha sahədə quru ot və kol-kos yanıb.

Azərbaycan- Ermənistan sərhədində yanğın

Azərbaycan- Ermənistan sərhədində yanğın başlayıb.

Sputnik Azərbaycan Report-a istinadla xəbər verir ki, Ermənistanla Qazax rayon sərhədində düşmən quru ot sahələrinə alov vurub.

Qazaxın Qaymaqlı kəndi ilə sərhəd olan ərazidə baş verən yanğının kənd ərazisinə keçməməsi üçün 3 yanğınsöndürən maşın cəlb olunub.

Qeyd edək ki, Azərbaycan tərəfdəki əraziyə yaxın yaşayış evləri yoxdur.

Hadrutda meşə zolağı yandırıldı

İyulin 5-də Fövqəladə Hallar Nazirliyinə Füzuli rayonunun Qarazalı kəndində (Xocavənd rayonunun Hadrut qəsəbəsi istiqamətində) düşmən tərəfindən minalanmış mürəkkəb relyefli dağlıq ərazidəki açıq sahədə və qismən meşə zolağında yanğın baş verməsi barədə məlumat daxil olub.

FHN-dən bildirilib ki, məlumat əsasında dərhal nazirliyin Aviasiya dəstəsinin bir ədəd helikopteri cəlb olunmaqla yanğınla mübarizə tədbirlərinə başlanılıb. Yanğının söndürülməsi istiqamətində təxirəsalınmaz tədbirlər görülüb.

Füzulidə minalanmış ərazidə yanğın

İyunun 30-da Füzuli rayonunda geniş açıq sahədə və qismən meşə zolağında yanğın hadisəsi baş verib. FHN-in Böhran Vəziyyətlərində İdarəetmə Mərkəzinə rayonun Qacar kəndi yaxınlığında geniş açıq sahədə və qismən meşə zolağında (minalanmış ərazi, ərazinin bir hissəsi mürəkkəb quruluşlu dağlıq relyefə malikdir) yanğın olması barədə məlumat daxil olub.

Nazirliyin Dövlət Yanğından Mühafizə Xidmətinin yanğından mühafizə bölmələri və Aviasiya dəstəsinin helikopteri yanğınsöndürmə işlərinə cəlb edilib.

Həmçinin oxuyun:

* Füzulidəki yanğın vəzifəli şəxsləri toplanmağa vadar etdi

 

855
Yeni sərnişin avtobusları

Bakıda patı çəkən marşrut avtobusu sürücüsünə görün cəza verdilər

23
Bakıda xətt avtobusunun sürücüsü narkotikdən istifadə edərkən tutulub və Abşeron rayon Məhkəməsinəö çıxarılıb.

BAKI, 24 iyul - Sputnik. Bakıda 142 saylı xətt avtobusunu idarə edərkən narkotik vasitədən istifadə edən Allahverdi Bədəlov həbs edilib.

Sputnik Azərbaycan APA-ya istinadən bildirir ki, bu barədə Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Namidan Piriyev məlumat verib.

DYP rəsmisi bildirib ki, Abşeron rayon Məhkəməsinin qərarı ilə A. Bədəlov 10 sutka müddəti inzibati həbs edilib, həmçinin 1 illik sürücülük hüququndan məhrum edilib.

Eləcə də oxuyun:

  • Günün cinayət xronikası: "Patı" əməliyyatı, qətllər, pandemiya qaydalarını pozan toylar

  • Azərbaycanda narkotik biznesi: Həbs edilən narkotacirlər arasında xeyli qadın var

  • Narkotiklərin tüğyanı: Lənkəranda "patı" əməliyyatı keçirildi, saxlanılanlar var

  • Narkotiklərə maraq yaratmaq üçün bu metoddan istifadə edilir - Leyla Yolçuyeva danışır

  • "Patı" dəhşəti: Azərbaycanda qadınlar arıqlamaq üçün "ağ ölüm"ün girbadına düşür

23
Teqlər:
sürücü, marşrut, avtobus, narkotik
Toy süfrəsi, arxiv şəkli

Qaydalara məhəl qoymayan şadlıq evinin sahibinə cinayət işi açıldı

11
(Yenilənib 15:42 24.07.2021)
Şənlik mərasimlərinin müəyyən edilmiş qayda və tələblərə uyğun təşkilinə nəzarət məqsədilə aidiyyəti qurumlar tərəfindən gündəlik monitorinqlər davam etdirilir.

 

BAKI, 24 iyul — Sputnik. Beyləqan Rayon Polis Şöbəsinin və aidiyyəti qurumların əməkdaşlarının karantin rejimi qaydalarına riayət olunması məqsədilə birgə keçirdikləri tədbirlər nəticəsində pandemiya tələblərinin pozulduğu toylar müəyyənləşdirilib.

Daxili İşlər Nazirliyinin mətbuat xidmətinin Bərdə regional qrupundan Sputnik Azərbaycan-a bildiriblər ki, yoxlamalar zamanı Baharabad qəsəbəsində, Bünyadlı və Yuxarı Kəbirli kəndlərində üç fərdi evdə keçirilən toy məclislərində qonaqların sayının normadan artıq olduğu aşkarlanıb.

Qayda pozuntularına yol vermiş şəxslərlə profilaktiki söhbətlər aparılıb. Üç nəfər barəsində İnzibati Xətalar Məcəlləsinin müvafiq maddəsi ilə protokollar tərtib edilib.

Ağcabədi rayonunda isə şadlıq sarayında keçirilən toyda pandemiya tələblərinin pozulduğu müəyyən edilib. Avşar kəndi ərazisində yerləşən “Kral” şadlıq sarayında keçirilən toy mərasimində qonaqların sayının normadan artıq olduğu aşkarlanıb.

Restorana cavabdeh şəxs olan M.Cəfərov bir neçə dəfə bu cür qayda pozuntusuna yol verdiyindən onun barəsində Ağcabədi RPŞ-nin İstintaq Bölməsində cinayət işi başlanılaraq araşdırma aparılır.

Şənlik mərasimlərini qaydalara uyğun keçirmək vacibdir

Qeyd edək ki, şənlik mərasimlərinin müəyyən edilmiş qayda və tələblərə uyğun təşkilinə nəzarət məqsədilə aidiyyəti qurumların nümayəndələri tərəfindən gündəlik monitorinqlər davam etdirilir. Monitorinqlər zamanı şənlik mərasimlərinin keçirildiyi bəzi məkanlarda sıxlığın normadan artıq olması, tədbirə qatılanların COVID-19 pasportunun olmaması, icaze.gov.az portalına məlumatların düzgün daxil edilməməsi, işçi heyətin fərdi qoruyucu vasitələrlə təmin olunmaması kimi pozuntular qeydə alınıb.

İyulun 22-dək aparılan monitorinqlər zamanı bəzi obyektlərdə keçirilən şənlik mərasimlərində 112 minə yaxın qonağın müvafiq sənədləri araşdırılıb, onların bir hissəsində nöqsanlar aşkar edilib. Nəzarət tədbirlərində toy və məkan sahibləri ilə profilaktik söhbətlər aparıb və Operativ Qərargahın müəyyən etdiyi qayda və tələblərə ciddi riayət olunmasının vacibliyi izah edilib. Nöqsanların aşkar olunduğu məkanlarda pozuntular aradan qaldırılıb, toy mərasiminin qaydalara uyğun keçirilməsi təmin olunub və yeni ailə quranlara hədiyyələr təqdim olunub. Qeyd edək ki, indiyədək 900-dən çox obyektdə şənlik mərasimlərinə nəzarət həyata keçirilib.

Şənlik mərasimləri təşkil edən obyekt sahiblərinin və vətəndaşların nəzərinə bir daha çatdırılır ki, obyekt daxilində fəaliyyət göstərən tədbir zalları, onların tutumu və çalışan işçi heyət (müvəqqəti işə cəlb edilmiş işçilər daxil olmaqla) barədə məlumat müvafiq portala (icaze.e-gov.az) düzgün daxil edilməldir. Şənlik və məkan sahibləri müəyyən edilmiş qaydalara və şərtlərə tam əməl etməli, işçi heyətin vaksinləşməsinə və zəruri vasitələrlə (tibbi maska, əlcək və digər fərdi qoruyucu vasitələr) təmin edilməsinə xüsusi diqqət yetirməlidirlər. 

Eləcə də oxuyun:

11
Teqlər:
Ağcabədi, Beyləqan, qayda pozuntusu, karantin, toy
Mövzu:
Azərbaycanda toylar
İvan Tixonov

On nəfərə bir qələbə: Azərbaycanlı idmançıların Tokioda ilk günü