Gəncədə küləyin fəsadları

Gəncədə külək fəsad törətdi, Xan bağında irigövdəli çinar aşdı

21
(Yenilənib 15:27 30.06.2021)
Külək həmçinin Gəncənin Bayraq meydanı, Gəncə Qala qapıları, Heydər Əliyev prospekti, Fikrət Əmirov parkı, Gülüstan yolu və Şah İsmayıl Xətai prospektində bir neçə ağacı sındırıb.

BAKI, 30 iyun — Sputnik. İyunun son günləri qərb bölgəsində anomal isti hava şəraiti müşahidə edilir. Ötən gün isə bölgədə qəfildən hava şəraiti dəyişib.

Sputnik Azərbaycan xəbər verir ki, gecədən başlayaraq Gəncədə güclü külək əsib. Nəticədə bir neçə ünvanda iri gövdəli ağaclar aşıb, elektrik enerjisinin verilişində fasilələr yaranıb.

  • Gəncədə küləyin fəsadları
    © Photo: Housing maintenance offices
  • Gəncədə küləyin fəsadları
    © Photo: Housing maintenance offices
  • Gəncədə aşmış işıq dirəyi
    © Photo: Housing maintenance offices
1 / 3
© Photo: Housing maintenance offices
Gəncədə küləyin fəsadları

Təbiət hadisəsi zamanı Gəncənin məşhur Xan bağında irigövdəli nəhəng çinar ağacı parkın ərazisinə aşıb. Xoşbəxtlikdən, hadisə zamanı xəsarət alan olmayıb. Güclənən külək həmçinin Bayraq meydanı, Gəncə Qala qapıları, Heydər Əliyev prospekti, Fikrət Əmirov parkı, Gülüstan yolu və Şah İsmayıl Xətai prospektində bir neçə ağacı sındırıb.

Gecədən başlayaraq güclü küləyin fəsadları Gəncə Şəhər İcra Hakimiyyəti MKTİB-nin yaşıllaşdırma şöbəsinin əməkdaşları tərəfindən aradan qaldırılıb. Elektrik enerji verilişi bərpa edilib. Hazırda Gəncədə isti hava müşahidə edilməkdədir.

Qeyri-sabit hava şəraiti

Azərbaycan ərazisində bir neçə gündür qeyri-sabit hava şəraiti hökm sürür. Bakı və Abşeron yarımadasında, aran rayonlarında günlərdir havanın temperaturu 40-43 dərəcə Selsi arasında dəyişir, ölkənin qərb, şimal-qərb rayonlarında, dağlıq ərazilərdə isə külək və yağış müşahidə olunur. 

Samux rayonunda iyunun 27-də Qarayeri, Sərkar, Ziyadlı, Qovlarsarı, Kolayır və bir neçə digər kəndində güclü külək elektrik enerjisinin verilişində fasilə yaratmışdı. Bundan başqa, ağaclar gövdəsindən qırılaraq yolun hərəkət hissəsinə və ətrafa düşmüşdü.

Milli Hidrometeorologiya Xidmətinin iyunun 30-na olan məlumatına görə, bu gündən Bakıda və Abşeron yarımadasında şimal-qərb küləyi əsəcək, arabir güclənəcək. Havanın temperaturu Abşeron yarımadasında gecə 21-25, gündüz 29-34, Bakıda gecə 22-24, gündüz 30-32 dərəcə isti olacaq. 

İyulun 1-də isə Bakı və Abşeronda qısamüddətli yağış, bəzi rayonlara dolu, şimal-qərb küləyinin güclənəcəyi gözlənilir. 

Eləcə də oxuyun:

21
Teqlər:
ağac, Gəncə, güclü külək
Şəkidə yağış fəsad törətd

Yağış yüz yaşı olan ziyarətgahı dağıtdı

1183
(Yenilənib 21:25 28.07.2021)
Şəkidə sakinlərin ziyarətgah kimi qəbul etdiyi irigövdəli ağac yağış səbəbindən aşaraq xeyli ziyan vurub.

 

BAKI, 28 iyul — Sputnik. Aramsız yağışlar Şəkidə fəsadlara yol açıb. Sputnik Azərbaycan-ın bölgə müxbiri xəbər verir ki, şəhərin “Dağ Dibi” məhəlləsində, Koroğlu 24 ünvanında, Rəşad Cəfərova məxsus fərdi yaşayış evinin həyətində olan irigövdəli ağac aşıb. Yarımçıq tikilinin üzərinə aşan ağac onu uçurub. Həmçinin, həyətlərarası və yol kənarındakı divarlar dağılıb.

Sakinlərin sözlərinə görə, gövdəsinin diametri bir, çətirinin diametri isə 10 metrdən böyük olan bu ağacın yüzdən artıq yaşı var. Yerli əhali bu ağacı ziyarətgah kimi qəbul edərək ona dualarının qəbul olması niyyəti ilə müxtəlif parçalar da bağlayırmış.

  • Şəkidə yağış fəsad törətd
    © Sputnik / Ibrahim Hashimov
  • Şəkidə yağış fəsad törətd
    © Sputnik / Ibrahim Hashimov
  • Şəkidə yağış fəsad törətd
    © Sputnik / Ibrahim Hashimov
1 / 3
© Sputnik / Ibrahim Hashimov
Şəkidə yağış fəsad törətd

Sakinlər bildiriblər ki, hər gün bu ağacın kölgəsində bir neçə avtomobil olurdu. Bu gün hava yağışlı olduğundan heç kəs ağacın altında maşın saxlamayıb. Xoşbəxtlikdən, hadisə zamanı xəsarət alan da olmayıb.

Eləcə də oxuyun:

1183
Teqlər:
tikili, yol, ziyarətgah, ağac, fəsad, Şəki, yağış

Fasadlarda "sürprizlər", uçan dam şüşəsiz qalan restoran: küləkli Bakıdan görüntülər

796
(Yenilənib 19:56 28.07.2021)
Bakıda güclü külək bir sıra fəsadlara yol açıb: bir evin damı uçaraq adamı əzib, evlərin fasadlarından üzlüklər, kondisiner və dəmir lövhə sallanıb.

BAKI, 28 iyul - Sputnik. İyulun 28-i gecədən başlayaraq Bakı şəhərində güclü küləyin əsməsi bir sıra fəsadlara yol açıb. Sputnik Azərbaycan bildirir ki, bununla əlaqədar paytaxtda insan həyatı və sağlamlığı üçün yaranmış təhlükəli hallarla bağlı Fövqəladə Hallar Nazirliyinin "112" qaynar telefon xəttinə daxil olmuş məlumatlar əsasında Nazirliyin müvafiq qəza-xilasetmə qüvvələri tərəfindən zəruri təhlükəsizlik tədbirləri görülüb.

Bakı şəhəri, Xəzər rayonu, Buzovna qəsəbəsi, Nadir Quliyev küçəsində fərdi yaşayış evinin dam örtüyünün uçması nəticəsində dağıntılar altında 1 nəfərin köməksiz vəziyyətdə qalması barədə daxil olmuş məlumat əsasında FHN-in Xüsusi Riskli Xilasetmə Xidmətinin (XRXX) xilasedici qrupu dərhal hadisə yerinə cəlb olunub və zərərçəkmişi xilas edərək aidiyyəti üzrə təhvil veriblər.

Paytaxtın Binəqədi rayonu, Xutor qəsəbəsində yerləşən şadlıq sarayının fasad şüşələrinin bir hissəsinin sınması, Nərimanov rayonu, Ziya Bünyadov prospektində yerləşən doqquzmərtəbəli binanın daş üzlüklərinin asılı vəziyyətdə qalması nəticəsində vətəndaşlar üçün yaranmış təhlükəli vəziyyətlərlə əlaqədar həmin ünvanlara cəlb olunmuş FHN XRXX-nın xilasediciləri tərəfindən müvafiq təhlükəsizlik tədbirləri görülüb.

Bundan başqa, Yasamal rayonu, Əlibəy Hüseynzadə küçəsində yerləşən iyirmimərtəbəli yaşayış binasının 8-ci mərtəbəsinin fasad hissəsində kondisionerin asılı vəziyyətdə qalaraq vətəndaşlar üçün təhlükəli vəziyyət yaratması barədə daxil olmuş məlumat əsasında XRXX-nın müvafiq xilasetmə qüvvələri hadisə yerinə cəlb olunub, xüsusi alət və avadanlıqlar vasitəsilə kondisioner götürülərək sakinlərin təhlükəsizliyi təmin edilib.

Həmçinin, Bakı şəhəri, Nərimanov rayonu, Əliyar Əliyev küçəsində yerləşən beşmərtəbəli binada dəmir lövhənin asılı vəziyyətdə qalaraq vətəndaşlar üçün yaratdığı təhlükəli vəziyyətlə əlaqədar hadisə yerinə cəlb olunmuş XRXX-nın xilasetmə qüvvələri müvafiq tədbirlər görərək, təhlükəni aradan qaldırıblar.

Eləcə də oxuyun:

796
Teqlər:
xilasetmə, fəsad, külək, video, FHN
CoronaVac

TƏBİB-dən vaksinlə bağlı daha bir məlumat

0
(Yenilənib 17:50 29.07.2021)
TƏBİB bildirir ki, bu tibb müəssisəsində peyvənd məntəqəsi həftə içi 5 gün, səhər saat 9:00-dan axşam 16:00-a kimi fəaliyyət göstərir.

BAKI, 29 iyul — Sputnik. Tibbi Ərazi Bölmələrini İdarəetmə Birliyi (TƏBİB) COVID-19 əleyhinə canlı növbə əsasında vaksinasiyanın davam etdiyini bildirib. TƏBİB-dən Sputnik Azərbaycan-a daxil olan məlumatda bildirilir ki, COVID-19 əleyhinə vaksinlərə əlçatanlığı təmin etmək məqsədilə "Yeni Klinika" Tibb müəssisəsində peyvəndləmə prosesi davam edir.  Tibb müəssisəsində “CoronaVac” və “Biontech/Pfizer” peyvəndləri vurulur. Vaksinlərin tətbiqi canlı növbə əsasında həyata keçirilir. Peyvənd məntəqəsi həftə içi 5 gün, səhər saat 9:00-dan axşam 16:00-a kimi fəaliyyət göstərir.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Ümumdünya Səhiyyə Təşkilatı (ÜST) 2020-ci ilin fevralında 11-də infeksiyanın törətdiyi xəstəliyin adını COVID-19 qoyub, 2020-ci ilin martın 11-də isə koronavirusu pandemiya elan edib.

Ölkəmizdə hazırda koronavirus infeksiyasına qarşı 4 peyvənd tətbiq olunur. Bunlar "CoronaVac", "Vaxzevria", "Sputnik V", "Pfizer" vaksinləridir. Vətəndaşlar peyvənd olunmaq üçün ilk növbədə randevu.its.gov.az saytından qeydiyyatdan keçərək növbə götürməlidirlər.

Həmçinin oxuyun:

Ailə qurmazdan öncə vaksin olunun! - TƏBİB

Nazirlər Kabinetindən sərt qərar - Vaksin olunmayanlar bu yerlərə buraxılmayacaqlar!

QMİ dindarları vaksin olunmağa çağırıb

0