Əli qandallanmış kişi polis bölməsində, arxiv şəkli

Qəzalar, qəsdlər əcəlin oyunu - günün kriminal xronikası

14
Kriminal və bədbəxt hadisələr baş vermək üçün gün seçmir. Azərbaycanda gün ərzində törədilmiş müxtəlif tərkibli cinayət və bədbəxt hadisələrin icmalını təqdim edirik.

BAKI, 27 iyun - Sputnik. Bayram və istirahət günü olmasına rəğmən, iyunun 27-si də kriminal və bədbəxt hadisələrsiz ötüşməyib. Sputnik Azərbaycan gün ərzində baş verən hadisələrin daycestini təqdim edir.

Salyanda qadın qətli

Salyan rayon prokurorluğunun məlumatına görə, iyunun 27-si saat 10 radələrində 1982-ci il təvəllüdlü Nuranə Əliyevanın Salyan rayonu Yenikənd kəndi ərazisində ölməsi barədə rayon prokurorluğuna məlumat daxil olub.

Aparılmış ilkin araşdırmalarla zərərçəkmişin əri, 1972-ci il təvəllüdlü Ənvər İsbəndərovun şəxsi münasibətlər zəminində aralarında yaranmış münaqişə zamanı Nuranə Əliyevaya bıçaq xəsarətləri yetirərək qəsdən öldürməsinə əsaslı şübhələr müəyyən edilib.

Faktla bağlı Salyan rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Ənvər İsbəndərov şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq davam etdirilir.

Altı uşaq anasını bıçaqladı

Daha bir qadın isə əri tərəfindən ağır xəsarət almasına rəğmən sağ qalıb. 

Daşkəsən şəhərində 51 yaşlı qadın yaşadığı binanın önündə əri tərəfindən bıçaqlanıb. Hadisə ailənin yaşadığı Daşkəsən rayon İsmət Qayıbov küçəsində binanın önündə baş verib.

1970-ci il təvəllüdlü, altı uşaq anası olan Zülfiyyə Məhərrəmovanı əri Ramiz Məhərrəmov şəxsi münaqişə zəminində qarın boşluğundan bıçaqlayıb.

Hadisəni törətməkdə şübhəli bilinən R.Məhərromov bıçaqla hadisə yerinə çağırılan tibb işçilərinə qarşı da hədə-qorxu gəlib. Lakin sonra bıçaq ondan alınıb və daha sonra yaralıya ilkin tibbi yardım göstərildikdən sonra təcili tibbi yardım maşını ilə Gəncə şəhər Təcili Tibbi Yardım Xəstəxanasına aparılıb.

Bir bıçaq xəsarəti alan qadının vəziyyəti orta-ağır qiymətləndirilir. Hadisəni törətməkdə şübhəli bilinən şəxs isə polis şöbəsinə aparılıb. Faktla bağlı cinayət işi açılıb, araşdırma aparılır.

Qonşu davası

Daşkəsən rayonunda 2 qonşu qadın isə münasibətlərini davada aydınlaşdırıblar. Hadisə rayonun Çanaqçı kəndində qeydə alınıb. Kənd sakini, 1981-ci il təvəllüdlü Səadət Qasımova ilə qonşusu olan yaşlı qadınla şəxsi münasibətlər zəminində mübahisə yaşanıb.

Bu zaman S.Qasımova daşla qonşusunun evinin pəncərələrini sındırıb.

Onun hadisə yerinə gələn yaşlı qadının oğlu, Tahir Qurbanovla da mübahisəsi yarandığı bildirilir.

S.Qasımova xəsarət alaraq xəstəxanaya müraciət edib. Faktla bağlı araşdırma aparılır.

Mingəçevirdə huşsuz vəziyyətdə tapılan oğlanı xilas etmək mümkün olmayıb

Bu gün səhər saatlarında Mingəçevirdə polis əməkdaşları küçədə huşsuz vəziyyətdə 1990-cı il təvəllüdlü Xəlilov Camal Şahin oğlunu aşkarlayıblar. C.Xəlilov 9 saylı orta məktəbin yaxınlığında aşkarlanıb.

Gənc polis əməkdaşları tərəfindən təcili xəstəxanaya çatdırılıb. Həkimlərin səylərinə baxmayaraq, ağır durumda olan C. Xəlilovun həyatını xilas etmək mümkün olmayıb.

İlkin müayinə və araşdırma zamanı məlum olub ki, şəxsi problemləri səbəbindən C.Xəlilov sirkə turşusu içərək intihar edib.

Qeyd edək ki, Xəlilov Mingəçevirdə məcburi köçkün şəhərciyində yaşayıb.

Enerji içkisi ilə pivənin qarışığı zəhərlənmə verdi

Gəncə şəhərində yerli sakin energetik içkiylə pivəni birgə içdikdən sonra halı pisləşib. 34 yaşlı A.Hacıyev xəstəxanaya aparılıb və zəhərləndiyi məlum olub. Ona tibbi yardım göstərilib, vəziyyəti kafi qiymətləndirilir. Faktla bağlı araşdırma aparılır.

Azərbaycanlı oğlan Moskvada öldü

Şəki rayon sakini Rusiyada suda boğulub. Hadisə Moskva şəhərində qeydə alınıb.Şəki rayonu Qoxmuq kənd sakini, 1993-cü il təvəllüdlü Vüsal Natiq oğlu Abdullazadə bir neçə gün əvvəl Rusiya Federasiyasının paytaxtı Moskva şəhəri ərazisində çayda çimərkən boğularaq ölüb.

V.Abdullazadənin yaxınlarının verdiyi məlumata görə, hazırda onun nəşinin Azərbaycana gətirilməsi istiqamətində işlər aparılır.

Qəzada malları yola töküldü

Bakı-Qazax-Gürcüstan magistral yolunun Hacıqabul rayonu ərazindən keçən hissəsində (əks istiqamətdə) avtomobil qəzası baş verib.

Qarpız daşıyan "QAZel" markalı maşınlar Hacıqabulun Pirsaat kəndi ərazisində toqquşub. Nəticədə avtomobillərə ciddi ziyan dəyib, qarpızlar yola tökülüb. Qəza zamanı ölən və yaralanan olmasa da yolda kiçik tıxac yaranıb.

Maşınlar toqquşdu, bir nəfər öldü

Şəmkirdə ölümlə nəticələnən yol qəzası baş verib. Hadisə Bakı-Qazax magistral yolunun Şəmkir ərazisindən keçən hissəsində qeydə alınıb.

Avtoqəza zamanı "QAZ 31" və "VAZ 2107" markalı iki avtomobil toqquşub. Nəticədə bir qadın sərnişin hadisə yerində dünyasını dəyişib, iki nəfər isə xəsarət alaraq xəstəxanaya yerləşdirilib.

Hadisə yerinə polis əməldaşları cəlb olunub. Faktla bağlı araşdırma aparılır.

* Material hazırlanarkən DİN-in, APA və Report informasiya agentliklərinin məlumatlarından istifadə olunub.

Eləcə də oxuyun:

  • Kriminal qiraət: Damda əməliyyat, səbirsiz toy sahibi və iyunun 25-nin digər hadisələri

  • DİN federasiya rəsmisi olan şəxsin qətlinə aydınlıq gətirdi

  • Qaxdakı partlayışın ürəkparçalayan təfərrüatı: toya hazırlaşırdı...

14
Teqlər:
kriminal, qəza, bıçaqlama, boğulma, özünəqəsd
Türkiyənin Antalya əyalətində meşə yanğınları

Türkiyədə ailə dramı: Ər arvad yanğından uçan evin altında həyata əlvida ediblər

932
(Yenilənib 20:40 01.08.2021)
Türkiyə vətəndaşı Fahri Yiğitokur və Almaniya vətəndaşı olan həyat yoldaşı Andrea Hartmann Yiğitokur yanğından uçan evin altında qalaraq həyatlarını itiriblər.

BAKI, 1 avqust - Sputnik. Türkiyənin Antalya əyalətinin Manavqat rayonunda baş verən meşə yanğını zamanı ziyan çəkən evdə iki nəfərin meyiti aşkarlanıb.

Sputnik Türkiyə xəbər verir ki, yanğın zamanı ölənlər Türkiyə vətəndaşı Fahri Yiğitokur və onun almaniyalı həyat yoldaşı Andrea Hartmann Yiğitokurdır.

Ölkənin səhiyyə naziri Fahrettin Koca öz Twitter hesabında Manavqatda həlak olanlar da daxil olmaqla, meşə yanğınlarında ölənlərin ümumi sayının 7 nəfərə çatdığını bildirib.

O, qeyd edib ki, hadisə zamanı ümumilikdə 507 nəfər zərər çəkib, onlardan 497 nəfərinin müalicəsi başa çatıb. Hazırda 10 nəfərin müalicəsi davam edir.

Qeyd edək ki, Fahri Yiğitokur və Almaniya vətəndaşı olan həyat yoldaşı Andrea Hartmann Yiğitokur yanğından uçan evin altında qalıb. Yaxınları onlardan xəbər almadıqları üçün axtarışlar başlayıb, uçqun altında qalan cütlüyün cəsədləri aşkarlanıb.

 

932

FHN-in yanğın-xilasetmə qüvvələrinin növbəti qrupu Gürcüstandan Türkiyəyə doğru gedir

697
(Yenilənib 20:42 01.08.2021)
Yanğın-xilasetmə qrupuna 1 ədəd helikopter, 53 ədəd yanğınsöndürmə və xüsusi təyinatlı xilasetmə texnikaları, 220 nəfər yanğınsöndürən və xilasedici daxildir.

BAKI, 1 avqust - Sputnik. Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə Fövqəladə Hallar Nazirliyinin (FHN) müvafiq yanğın-xilasetmə qüvvələrinin növbəti qrupu dünən axşam saatlarında qardaş Türkiyə Respublikasına yola düşüb.

Fövqəladə Hallar Nazirliyindən verilən məlumata görə, hazırda qrup qonşu Gürcüstan ərazisində Türkiyəyə doğru hərəkət edir.

31.07.2021

FHN-in yanğın-xilasetmə qüvvələrindən ibarət növbəti qrup Türkiyəyə yola düşür

Azərbaycan Respublikasının Prezidenti cənab İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Respublikası Fövqəladə Hallar Nazirliyinin müvafiq yanğın-xilasetmə qüvvələrinin növbəti qrupu yaxın saatlarda qardaş Türkiyə Respublikasına yola düşəcək.

Yanğın-xilasetmə qrupuna 1 ədəd helikopter, 53 ədəd yanğınsöndürmə və xüsusi təyinatlı xilasetmə texnikaları, 220 nəfər yanğınsöndürən və xilasedici daxildir.

Daha öncə Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarına başlayıb.

Hazırda FHN-in yanğınsöndürmə qüvvələri Türkiyənin Marmaris bölgəsində meşə yanğınları ilə mübarizə aparır.

Qeyd edək ki, son 3 gündə Türkiyədə 85 yerdə meşə yanğını qeydə alınıb. Bu yanğınlardan 75-i artıq nəzarət altına alınıb. Yanğın nəticəində 6 nəfər dünyaını dəyişib. Türkiyəyə yardım məqsədi ilə müxtəlif ölkələr təyyarələr göndəriblər.

Həmçinin oxuyun:

Azərbaycan yanğınsöndürənləri qardaş ölkənin harayına getdilər

Ərdoğan meşə yanğınlarının baş verdiyi bölgələrə gedəcək

Türkiyə alovlar içində: Yanğınlar lokallaşdırılsa da, mübarizə davam edir

FHN-in yanğınsöndürmə qüvvələri Türkiyəyə gedir

697
Koronavirusa qarşı peyvənd vurulmasında dair sertifikat, arxiv şəkli

Azərbaycanda "Əks-göstəriş sertifikat"ı veriləcək

0
(Yenilənib 10:42 02.08.2021)
Vaksinasiya ilə yanaşı, fiziki məsafənin saxlanılması, maskalardan istifadə və əl təmizliyi kimi qaydalara riayət olunmalıdır.

 

BAKI, 2 avqust — Sputnik. "Azərbaycan Respublikasında "COVID-19 xəstəliyi əleyhinə 2021-2022-ci illər üçün Vaksinasiya Strategiyası"na uyğun olaraq ölkə üzrə peyvəndlənmə prosesi davam edir. Avqust ayının 9-dan etibarən ölkədə istifadəsinə icazə verilən vaksinlərə qarşı əks-göstərişləri olan şəxslərə "Əks-göstəriş sertifikat"ının verilməsinə başlanılır.

Sputnik Azərbaycan-ın xəbərinə görə, bu barədə Azərbaycan Respublikasının Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə məlumatında belə deyilir.

Məlumatda qeyd olunur ki, "Əks-göstəriş sertifikat"ı almaq üçün ərazi üzrə poliklinikalara müraciət edilməlidir. Poliklinika həmin şəxslərin məlumatlarını Səhiyyə Nazirliyi tərəfindən yaradılmış xüsusi komissiyaya təqdim edəcək. Komissiyanın rəyi əsasında vətəndaşa "Əks-göstəriş sertifikat"ı veriləcək.

"Əks-göstərişləri olmayan vətəndaşların nəzərinə çatdırmaq istəyirik ki, dünyada və ölkəmizdə aparılan tədqiqatlardan əldə olunmuş nəticələrin təhlili bir daha göstərir ki, virusun yeni və sürətlə yayılan təhlükəli növlərindən qorunmağın ən effektiv yolu vaksinasiyadır.

Vaksinasiya ilə yanaşı, fiziki məsafənin saxlanılması, maskalardan istifadə və əl təmizliyi kimi qaydalara riayət olunmalıdır", - deəy məlumatda qeyd olunur.

Eləcə də oxuyun:

0
Teqlər:
vaksin, vaksinasiya, COVID-19 pasportu, sertifikat
Mövzu:
Azərbaycanda COVID-19 əleyhinə vaksinasiya