Goranboyda sel sularının fəsadları

Yağış Goranboyda fəsadlar törətdi, vətəndaşlar çətin durumda - FOTOLAR

194
(Yenilənib 17:02 10.06.2021)
Yay fəsli üçün o qədər də xarakterik olmayan yağışlar daha bir bölgəmizdə vətəndaşlar üçün ciddi problemlər yaradıb.

BAKI, 10 iyun — Sputnik. Gecədən başlayan güclü yağış səhər saatlarında Goranboyda  fəsadlar törədib. Sputnik Azərbaycan xəbər verir ki, Gorançaydan axıb gələn sel suları evlərə, ictimai iaşə obyektlərinə, avtomobil təmiri sexlərinə dolub. Rayonun Goran qəsəbəsi ərazisində Kəlbəcərdən olan məcburi köçkün Sərxan Orucovun yaşadığı evin həyəti sel suları ilə dolduğundan orada yaşayanların hərəkəti çətinləşib:

“Gecədən güclü şimşək,yağış vardı səhər yuxudan oyananda gördüm ki, həyətimiz, evin zirzəmisi su ilə dolub. Bir təhər evdən çıxa bildim. Dağlara yağan güclü yağış Gorançayda suyu artırıb. Oradan axıb gələn sel suları kanaldan daşıb bizim həyətə evə dolub. Aidiyyatı qurumlara məlumat vermişəm. Həyətdə hərəkət etmək mümkün deyil. Suyu texniklarla çəkmək lazımdır. Hazırda çətin vəziyyətdə qalmışıq”.

© Sputnik / Rahim Mammadov
Goranboyda sel sularının fəsadları

Güclü yağış nəticəsində yaranan sel suları Goran qəsəbəsində fəaliyyət göstərən ictimai iaşə obyektinə də ziyan vurub. Obyektin həyəti, otaqları su altında qalıb. Sahibkar İlham Musayev Sputnik Azərbaycan-ın müxbiri Rahim Məmmədov ilə söhbətində səhər saatlarında obyekti açan zaman hər tərəfin su altında qaldığını gördüyünü deyib:

  • Goranboyda sel sularının fəsadları
    © Sputnik / Rahim Mammadov
  • Goranboyda sel sularının fəsadları
    © Sputnik / Rahim Mammadov
  • Goranboyda sel sularının fəsadları
    © Sputnik / Rahim Mammadov
  • Goranboyda sel sularının fəsadları
    © Sputnik / Rahim Mammadov
1 / 4
© Sputnik / Rahim Mammadov
Goranboyda sel sularının fəsadları

“Gecə yağış yağırdı, obyekti bağladıq getdik. Səhər işə gələndə hər tərəfin suya qərq olduğunu gördüm. Hərəkət etmək mümkün deyil, qayıq lazımdır burada gəzmək üçün. Restoranın içərisi suyun içindədir, otaqlar hamsı lil, palçıqla dolub. Bir sözlə, obyekt yararsız vəziyyətə düşüb. Yarım metrdən çoxdur suyun səviyyəsi. Adiyyatı orqanlara müraciyyət edib kömək gözləyirik”.

Artıq təbiət hadisə zamanı yaranan çətinliyi aradan qaldırmaq üçün FHN-nin avtomobilləri, canlı qüvvəsi əraziyə cəlb edilib. Həmçinin Goranboy rayon İcra Hakimiyyətin başçısı Məhərrəm Quliyev fəsadların baş verdiyi ünvana gəlib. İcra başçısı selin vurduğu ziyanın aradan qaldırılması üçün adiyyatı qurumlara göstəriş verib.

Həmçinin oxuyun:

Güclü külək şimal-qərb bölgəsində fəsadlar törədib - FOTO

Paytaxtda göydələnlərin artmasının daha bir fəsadı

Səhər saatlarında əsən güclü külək ciddi fəsadlar törədib

194

Bakıda Gülüstan sarayının yaxınlığında yanğın olub

210
Ölkənin şimal bölgəsindən başlamış yanğın dalğası axşam saatlarında artıq paytaxt Bakıya da çata bilib.

BAKI, 18 iyun - Sputnik. İyunun 17-də, axşam saatlarında Bakıda Gülüstan Sarayının yaxınlığında, Teymur Elçin küçəsində otlaq ərazidə yanğın baş verib.

APA-nın məlumatına görə, Fövqəladə Hallar Nazirliyinin (FHN) 2 yanğınsöndürən texnikası hadisə yerinə cəlb edilib.FHN-in Səbail Rayon Dövlət Yanğından Mühafizə xidmətinin əməkdaşları APA-ya bildirib ki, ilkin məlumata görə, əraziyə siqaret kötüyü atılıb və bu, yanğına səbəb olub.

Yanğın nazirliyin yanğından mühafizə bölmələri tərəfindən tam söndürülüb.

Ətrafda olan heç bir ağac yanğın zamanı zərər görməyib.

210
Cəsarət Hətəmxanovun dəfn mərasimi

Ağdamda minaya düşən şəxsin ailə üzvlərindən tükürpədən açıqlamalar

1573
(Yenilənib 23:02 17.06.2021)
Ağdamda mina partlaması nəticəsində ölən şəxsin meyiti ərazidən götürülərək, ailəsinə təhvil verilib. Sputnik Azərbaycanın bölgə müxbiri hadisənin təfərrüatlarını öyrənib. Məlum olub ki, 10 gün əvvəl minaya düşən şəxsin meyidi yırtıcıların hücumuna da məruz qalıb.

BAKI, 17 iyun — Sputnik. İyunun 7-də Ağdam rayon sakini 1978-ci il təvəllüdlü Cəsarət Hətəmxanovun itkin düşməsi, daha sonra iyunun 16-da Ağdam rayonunun işğaldan azad olunmuş ərazisində meyitinin aşkar edilməsi məlum olub. Mərhumun oğlu Səyyad Hətəmxanov Sputnik Azərbaycanın bölgə müxbiri Emin Əlisahibə bildirib ki, atasının axtarışları düz 10 gün davam edib. O, atası ilə axırıncı dəfə hadisə baş verən gün saat 5 radələrində danışdığını bildirir:

"Ayın 7-də saat 5-ə 10 dəqiqə işləmiş danışdıq atamla. Sağ-salamat idi. Bu, bizim sonuncu danışığımız oldu. Axırıncı dəfə həmin vaxt əlaqə saxladıq. Ondan sonra ona zəng çatmadı. Saat 6-da telefon söndürüldü. Narahat və nigaran qaldım. O, bizə minalanmış ərazilərə getdiyi barədə heç nə deməmişdi".

Mərhumun doğmalarının sözlərinə görə hadisə elə Cəsarət Hətəmxanovun itkin düşdüyü gün, iyun ayının 7-də saat 6-7 arasında baş verib. Mərhumun dayısı Rüstəm Quliyev deyir ki, Cəsarət evdən çıxarkən, bu barədə heç nə deməyib. Dayısının sözlərinə görə, Cəsarət Quzanlı qəsəbəsində məzar daşlarının bərpası sexində işləyib. İşlədiyi sexdən növbəti qəbir daşını düzəltmək üçün gedib və geri qayıtmayıb:

"Heç kimə demədən fəhlələri gətirib qoyub qəbirstanlığa ki, işləsinlər. Bu barədə fəhlələrin xəbəri olub-olmayıb, onu bilmirik. Onlara deyib ki, siz işinizdə olun. Mən 2 saata qayıdıram".

© Sputnik / Emin Alisahib
Cəsarət Hətəmxanovun dayısı Rüstəm Quliyev

Rüstəm Quliyev deyir ki, bir müddət sonra isə Cəsarət yaxınları ilə əlaqə saxlayaraq, Seyidli kəndində olduğunu bildirib. Ondan sonra onunla əlaqə saxlamaq mümkün olmayıb:

"Biz həmin günü bir az gec eşitdik. Saat 9-dan sonra. O qəbirstanlığın qıraq-bucağını, səngərləri axtara-axtara gedib çıxmışıq, düz yuxarıdakı posta kim Axırda əlimizi üzüb, gəldik evə".

Ertəsi gün də mərhumun axtarışları davam etdirilib. Rüstəm Quliyevin dediyinə görə, Cəsarətin meyitinin tapılmasına onun yanındakı telefonu kömək edib: "Hadisədən sonra gecə 12-nin yarısına kimi zəng etmişik. Artıq 12-nin yarısında telefon da söndü".

Amma sonra məlum olub ki, Cəsarət telefonla danışa-danışa minalı əraziyə daxil olub və orda da minaya düşüb. Ərazinin minalarla əhatə olunması mərhumun meyitinin tapılmasını bir qədər də çətinləşdirib. Cəsarət Hətəmxanovun işğaldan azad edilmiş və minalardan təmizlənməmiş ərazilərə keçərək itkin düşdüyü ehtimal olunduğu üçün həmin ərazilərdə xüsusi olaraq axtarış tədbirləri aparılıb. Mərhumun dayısı deyir ki, mina təhlükəsi və çətin coğrafi relyef nəzərə alınaraq, axtarışlarda dronlardan da istifadə olunub:

"İki gün dronla axtarıldı, dünən axşam tapıldı. İşarə verdilər ki, "tapdıq, amma üzü qaranlığa gedir, meyitin çıxarılması qaldı sabaha". Doğrudan da düz deyirdilər. Ərazi minalarla o qədər əhatə olunmuşdu ki, addım atmağa yer yox idi. Bu gün biz onun meyitini 4 saata ərazidən çıxarmışıq".

© Sputnik / Emin Alisahib
Cəsarət Hətəmxanovun oğlu Səyyad Hətəmxanov

Minaya düşərək həlak olmuş Ağdam rayon sakini Cəsarət Hətəmxanovun meyiti Rayon Polis Şöbəsinin və Minatəmizləmə Agentliyinin əməkdaşları tərəfindən minalarla və partlayıcı maddələrlə çirklənmiş ərazidən götürülərək aidiyyəti üzrə təhvil verilib. Dayısı bacısı oğlunun meyitinin tanınmaz hala düşdüyünü deyib:

"O elə bir günə düşmüşdü ki, insan sifəti yox idi. Ayağının birini mina aparmışdı, bir qolunu da yırtıcı qoparıb, aparmışdı. Buradan üzümü hamıya tutub, deyirəm: "O ərazilərə gedən hər kəs bax o günə düşəcək. Minlanmış, icazə verilməyən ərazilərə getməyin. Özünüzə yazığınız gəlsin, valideynlərinizə yazığınız gəlsin. Biz 10 gündür çöllərdəyik. Mən dizin-dizin süründüm, şükür ki, bacım oğlunun meyiti tapıldı. Anası qurban demişdi, oğlunun meyitinin tapılmasına. İcazə verilməyən ərazilərə getməyin".

Qeyd edək ki, Cəsarət Hətəmxanov 1978-ci il fevral ayının 23-də Ağdamın Seyidli kəndində anadan olub. Elə həmin torpaqda da minaya düşərək, həlak olub. Hazırda baş verən faktla bağlı Ağdam rayon prokurorluğu tərəfindən Cinayət Məcəlləsinin 120.2.4 (xüsusi amansızlıqla və ya ümumi təhlükəli üsulla adam öldürmə) və digər maddələri ilə cinayət işi başlanılıb. Hazırda cinayət işi üzrə istintaq-əməliyyat tədbirləri davam etdirilir.

1573
Politoloq Elşən Manafov

Politoloq: “Parlament üzvlərinin görüşü əlaqələrin dərinləşdirilməsinə töhfə verir”

0
(Yenilənib 09:52 18.06.2021)
Politoloq Elşən Manafov deyir ki, görüşlər hər iki tərəf üçün hüquqi dövlət quruculuğu prosesində müsbət mənada təsir edir
Elşən Manafov: “Bu görüşləri təbii bir prosesin hissəsi hesab edirəm”

Moskvada Azərbaycan Respublikası Milli Məclisinin və Rusiya Federasiyası Federal Şurasının ikitərəfli əməkdaşlığı üzrə parlamentlərarası komissiyasının 15-ci iclası keçirilib.

Politoloq Elşən Manafov Sputnik Azərbaycan-a deyir ki, iki ölkənin parlament nümayəndələri arasında mütəmadi olaraq belə görüşlərin keçirilməsi ölkələr arası münasibətlər üçün faydalıdır: “Belə görüşlər iki ölkə arasındakı əlaqələrin dərinləşdirilməsinə töhfə verməklə yanaşı regional təhlükəsizliyin təmin dilməsinə də öz təsirini göstərir. Görüşlər parlament nümayəndələri üçün təcrübə mübadiləsi baxımından da önəmlidir. Görüşlər hər iki tərəf üçün hüquqi dövlət quruculuğu prosesində müsbət mənada töhfəsini verir. Bu görüşləri tamamilə təbii bir prosesin hissəsi hesab edirəm”.

Politoloqun geniş şərhinə audiofaylda qulaq asa bilərsiniz

0