Şəkidə hadisə yerində

Ölkənin qərbini leysan yuyur: İki ay əvvəl evlənən gənc selin qurbanı oldu - VİDEO - FOTO

57
(Yenilənib 19:08 07.06.2021)
Şəkidə yağan leysan yağış bir insanın həyatına son qoyub. Rayonda 13 yaşayış məntəqəsində 100-ə yaxın fərdi təsərrüfatları, həyətləri və kommersiya obyektlərini lil basıb. Hadisə yerindən Sputnik Azərbaycan-ın müxbiri İbrahim Həşimov xəbər verir.

BAKI, 7 iyun — Sputnik. Şəkidə ötən gün axşam saatlarında yağan leysan və dolu çaylarda qısamüddətli sel yaradıb. Sputnik Azərbaycan-ın məlumatına görə, güclü sel bir nəfərin ölümü ilə nəticələnib. Kiş kənd sakini, 25 yaşlı Əhmədov Şamil Azər oğlu yaylaqdan qayıdarkən Qurcana çayında atla selə düşüb. Yaxınları bir neçə saat sonra onun meyitini tapıblar. Mərhumun qohumu Cumay Babayev Sputnik Azərbaycan-a bildirib ki, mərhum onun nəvəsi ilə evlənibmiş. Toy da 2 ay əvvəl olub.

© Sputnik / Ibrahim Hashimov
Vəfat edən şəxs
“Şamil atı otlamaq üçün yaylağa buraxıb. Axşam saatlarında isə atı gətirməyə gedib. Yanında yoldaşı da olub. Çaydan keçəndə sel gəlib. Xilas olmaq üçün atdan tullanıb. Amma sel suları onu aparıb, xilas edə bilməyiblər. Su Şamili 500 metrə yaxın aparıb. Yanındakı yoldaş gəlib bizə xəbər verdi. Biz də kənd camaatı ilə getdik, Şamilin meyitini tapdıq”, – deyə C. Babayev əlavə edib.

Qeyd edək ki, yağıntı Kiş, Şabalıd, Göynük, Şin, Laysqı və Cumakənd ərazilərinə daha çox ziyan vurub. Ümumilikdə 13 yaşayış məntəqəsində 100-ə yaxın fərdi təsərrüfatları, həyətləri və kommersiya obyektlərini lil basıb.

Rayonun Baş memarı Taleh Alxasov Sputnik Azərbaycan-a bildirib ki, 16 yaşayış məntəqəsinin ümumi uzunluğu 37,2 km olan yolları dağılıb, bəzi yollarda 3 metrə yaxın yarğanlar yaranıb, 5 keçid körpüsü yararsız vəziyyətə düşüb.

“Çaylardakı keçidləri tutub. Ona görə də su kəndlərə düşüb. Son illərdə bu cür leysan olmayıb, belə dolu yağmayıb. 13 yaşayış məntəqəsində qaz, işıq, su yoxdur. Hazırda iş gedir. Düşünürəm ki, axşama kimi bərpa ediləcək. Bir neçə kənddə barama qurdu tələf olub, tütünçülük təsərrüfatları suyun altında qalaraq məhv olub. Vəziyyətlə bağlı Nazirlər Kabinetinə də teleqram vurmuşuq”, – T. Alxasov qeyd edib.

Ən acınacaqlı vəziyyət Baş Göynük-Baş Şabalıd yolunda və Kiş kəndi ərazisində müşahidə olunub. Kiş kənd İcra nümayəndəsinin müavini Maqsud Həbibullayevin sözlərinə görə, kəndin əsas yolu tam dağılıb və hərəkət mümkünsüz olub.

© Sputnik / Ibrahim Hashimov
Şəkidə hadisə yerində

“Saat 18 radələrində dolu düşüb. Ardınca da güclü yağış yağıb. Su dağlarda olan ağac qırıntılarını da özü ilə gətirib. Bu ərazidəki əsas yolun 2 kilometrdən artıq hissəsi dağılıb. Hazırda fəsadların aradan qaldırılması və yolda hərəkətin bərpası üçün işlər görülür”.

  • Şəkidə hadisə yerində
    © Sputnik / Ibrahim Hashimov
  • Şəkidə hadisə yerində
    © Sputnik / Ibrahim Hashimov
  • Şəkidə hadisə yerində
    © Sputnik / Ibrahim Hashimov
1 / 3
© Sputnik / Ibrahim Hashimov
Şəkidə hadisə yerində

Hazırda aidiyyəti qurumlar fəsadların aradan qaldırılması istiqamətində işlər aparır.

Eləcə də oxuyun:

57
Teqlər:
video, sel, leysan, Şəki
Əli qandallanmış kişi polis bölməsində, arxiv şəkli

Yetkinlik yaşına çatmayan şəxsə qarşı quldurluq edənlər saxlanılıb

12
(Yenilənib 22:58 19.06.2021)
Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

BAKI, 19 iyun - Sputnik. Paytaxtın Xətai rayonu ərazisində yetkinlik yaşına çatmayan bir nəfərə qarşı quldurluq edilib.

Daxili İşlər Nazirliyindən verilən məlumata görə, zərərçəkən şəxs Xətai Rayon Polis İdarəsinə müraciət edərək bildirib ki, M.Hadi küçəsində yerləşən restoranlardan birinin qarşısında iki nəfər tanımadığı şəxs ona yaxınlaşıb.

Daha sonra həmin şəxslər onu əllərində olan bıçaqla həyat və sağlamlığı üçün təhlükəli zorakılıq tətbiq edəcəyi ilə hədələyib mobil telefonunu tələb ediblər. Zərərçəkən telefonu onlara verəndən sonra həmin şəxslər hadisə yerindən qaçıblar.

Məlumat daxil olan kimi Xətai Rayon Polis İdarəsinin Cinayət Axtarışı Şöbəsinin və 36-cı Polis Bölməsinin əməkdaşları tərəfindən hadisə yerinə baxış keçirilib, həmin ünvanda zəruri əməliyyat-istintaq hərəkətləri icra edilib. Həyata keçirilən təxirəsalınmaz axtarış tədbirləri nəticəsində qeyd edilən hadisəni törətməkdə şübhəli bilinən əvvəllər məhkum olunmuş Vasif Əliyev və İlham Həsənov saxlanılaraq istintaqa təqdim ediliblər. Hər iki şəxs ifadələrində törətdikləri cinayəti etiraf ediblər.

Qeyd edək ki, zərərçəkənə məxsus mobil telefon saxlanılan şəxslərin üzərindən aşkar olunaraq maddi sübut kimi götürülüb.

Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

12
Krımda sel suları

Məşhur kurort şəhəri selə təslim oldu, evlər, maşınlar su altında

15
(Yenilənib 14:58 19.06.2021)
Turistlərin sevimli məkanlarından olan Yalta şəhərinin sakinləri təbiətin qəzəbini öz üzərlərinə hiss ediblər.

BAKI, 19 iyun — Sputnik. Rusiyanın Yalta şəhərini sel basıb. Yüzdən artıq ev suyun altında qalıb. Şəhərdə su təchizatı dayandırılıb. Bu barədə şəhər administrasiyasının başçısı Yanina Pavlenko məlumat verib.

Bundan əlavə, onun sözlərinə görə, 7 211 abonentin elektrik təchizatı dayandırılıb.

608 nəfər təxliyə olunub, onlardan 50-si həddi-buluğa çatnmayanlardı. 235 abonentin qaz təchizatı dayandırılıb.

Pavlenko bildirib ki, artıq problemlər həll olunur, bir çox yerlərdə elektrik bərpa olunur, suyun verilməsinin bərpası isə axşama planlaşdırılıb.

Şəhərdə sel suyunun kənara və xüsusi yerlərə vurulması prosesi təşkil edilib. Bundan əlavəı, maşınlarla içməli suyun təchizatı təşkil olunub.

Krımda yağan yağışlar iyunun 17-də güclü daşqınlara səbəb olub, nəticədə yarımadanın şərqində 300-dən artıq ev suyun altında qalıb, bir gecəyə buraya iki aylıq normada yağıntı düşüb. Cümə günü kəskin hava şəraiti Yaltaya doğru irəliləyib, nəticədə çaylar məcralarından çısıb, küçə evlər suyun altında qalıb.

15
 S7 Airlines aviaşirkətinin sərnişin təyyarəsi, arxiv şəkli

Mahaçqaladan Bakıya birbaşa aviareys olacaq

74
S7 Airlines aviaşirkəti Dağıstan Respublikasından Azərbaycana ilk uçuşunu iyulun 4-də həyata keçirəcək.

 

BAKI, 19 iyun — Sputnik. İyulun 4-dən etibarən Mahaçqala ilə Bakını birbaşa aviareys bağlayacaq. Mahaçqala hava limanının mətbuat xidmətindən bildirildiyinə görə, biletlər artıq satışdadır.

Mahaçqaladan Bakıya ilk uçuş iyulun 4-ü Bakı vaxtı ilə 02:05-ə S7 Airlines aviaşirkətinin təyyarəsi ilə həyata keçirilməlidir.

Boeing 737-800 176 sərnişin tutur. Azərbaycan paytaxtına reyslər hər həftə şənbədən bazara keçən gecə həyata keçiriləcək.

Azərbaycana gələn bütün 1 yaşdan 18 yaşadək olan sərnişinlərin uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

Yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID Pasport) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

S7 aviaşirkəti iyunun 15-dən Samaradan Bakıya aviareyslər həyata keçirir.

Həmçinin aviaşirkət iyunun 23-dən Krasnoyarsk-Bakı-Krasnoyarsk marşrutu üzrə uçuşlar həyata keçirəcəklər.

Azərbaycanda fvqustun 1-dək xüsusi karantin rejimi qüvvədədir. Quru yolla beynəlxalq sərnişin daşımaları praktiki olaraq kəsilib, avianəqliyyat isə yalnız xüsusi uçuşlar həyata keçirir.

74