Yağışlı hava, arxiv şəkli

Sabah yağış yağacaq, şimşək çaxacaq

24
Həftənin ikinci günü üçün respublika ərazisində proqnozlaşdırılan hava şəraiti barədə məlumat verilib.

BAKI, 7 iyun — Sputnik. İyunun 8-də gözlənilən hava şəraiti açıqlanıb.

Milli Hidrometeorologiya Xidmətindən verilən məlumata əsasən, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin səhər bəzi yerlərdə qısamüddətli az yağış yağacağı gözlənilir.

Mülayim şimal-qərb küləyi əsəcək, gündüz şimal-şərq küləyi ilə əvəz olunacaq. Havanın hərarəti Abşeron yarımadasında gecə 15-20, gündüz 24-28, Bakıda gecə 18-20, gündüz 25-27 dərəcə isti olacaq.

Atmosfer təzyiqi norma daxilində 760 mm civə sütunu, nisbi rütubət gecə 60-70, gündüz 40-45 faiz təşkil edəcək.

Azərbaycanın rayonlarında havanın əsasən yağmursuz keçəcəyi, lakin bəzi şimal və qərb rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Şərq küləyi əsəcək, şimşək çaxanda arabir güclənəcək.

Havanın temperaturu gecə 16-21, gündüz 29-34, dağlarda gecə 7-12, gündüz 16-21 dərəcə isti olacaq.

Tibbi-meteoroloji proqnoza gəlincə, Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əlverişlidir.

24

Bakıda Gülüstan sarayının yaxınlığında yanğın olub

102
Ölkənin şimal bölgəsindən başlamış yanğın dalğası axşam saatlarında artıq paytaxt Bakıya da çata bilib.

BAKI, 18 iyun - Sputnik. İyunun 17-də, axşam saatlarında Bakıda Gülüstan Sarayının yaxınlığında, Teymur Elçin küçəsində otlaq ərazidə yanğın baş verib.

APA-nın məlumatına görə, Fövqəladə Hallar Nazirliyinin (FHN) 2 yanğınsöndürən texnikası hadisə yerinə cəlb edilib.FHN-in Səbail Rayon Dövlət Yanğından Mühafizə xidmətinin əməkdaşları APA-ya bildirib ki, ilkin məlumata görə, əraziyə siqaret kötüyü atılıb və bu, yanğına səbəb olub.

Yanğın nazirliyin yanğından mühafizə bölmələri tərəfindən tam söndürülüb.

Ətrafda olan heç bir ağac yanğın zamanı zərər görməyib.

102
Cəsarət Hətəmxanovun dəfn mərasimi

Ağdamda minaya düşən şəxsin ailə üzvlərindən tükürpədən açıqlamalar

1423
(Yenilənib 23:02 17.06.2021)
Ağdamda mina partlaması nəticəsində ölən şəxsin meyiti ərazidən götürülərək, ailəsinə təhvil verilib. Sputnik Azərbaycanın bölgə müxbiri hadisənin təfərrüatlarını öyrənib. Məlum olub ki, 10 gün əvvəl minaya düşən şəxsin meyidi yırtıcıların hücumuna da məruz qalıb.

BAKI, 17 iyun — Sputnik. İyunun 7-də Ağdam rayon sakini 1978-ci il təvəllüdlü Cəsarət Hətəmxanovun itkin düşməsi, daha sonra iyunun 16-da Ağdam rayonunun işğaldan azad olunmuş ərazisində meyitinin aşkar edilməsi məlum olub. Mərhumun oğlu Səyyad Hətəmxanov Sputnik Azərbaycanın bölgə müxbiri Emin Əlisahibə bildirib ki, atasının axtarışları düz 10 gün davam edib. O, atası ilə axırıncı dəfə hadisə baş verən gün saat 5 radələrində danışdığını bildirir:

"Ayın 7-də saat 5-ə 10 dəqiqə işləmiş danışdıq atamla. Sağ-salamat idi. Bu, bizim sonuncu danışığımız oldu. Axırıncı dəfə həmin vaxt əlaqə saxladıq. Ondan sonra ona zəng çatmadı. Saat 6-da telefon söndürüldü. Narahat və nigaran qaldım. O, bizə minalanmış ərazilərə getdiyi barədə heç nə deməmişdi".

Mərhumun doğmalarının sözlərinə görə hadisə elə Cəsarət Hətəmxanovun itkin düşdüyü gün, iyun ayının 7-də saat 6-7 arasında baş verib. Mərhumun dayısı Rüstəm Quliyev deyir ki, Cəsarət evdən çıxarkən, bu barədə heç nə deməyib. Dayısının sözlərinə görə, Cəsarət Quzanlı qəsəbəsində məzar daşlarının bərpası sexində işləyib. İşlədiyi sexdən növbəti qəbir daşını düzəltmək üçün gedib və geri qayıtmayıb:

"Heç kimə demədən fəhlələri gətirib qoyub qəbirstanlığa ki, işləsinlər. Bu barədə fəhlələrin xəbəri olub-olmayıb, onu bilmirik. Onlara deyib ki, siz işinizdə olun. Mən 2 saata qayıdıram".

© Sputnik / Emin Alisahib
Cəsarət Hətəmxanovun dayısı Rüstəm Quliyev

Rüstəm Quliyev deyir ki, bir müddət sonra isə Cəsarət yaxınları ilə əlaqə saxlayaraq, Seyidli kəndində olduğunu bildirib. Ondan sonra onunla əlaqə saxlamaq mümkün olmayıb:

"Biz həmin günü bir az gec eşitdik. Saat 9-dan sonra. O qəbirstanlığın qıraq-bucağını, səngərləri axtara-axtara gedib çıxmışıq, düz yuxarıdakı posta kim Axırda əlimizi üzüb, gəldik evə".

Ertəsi gün də mərhumun axtarışları davam etdirilib. Rüstəm Quliyevin dediyinə görə, Cəsarətin meyitinin tapılmasına onun yanındakı telefonu kömək edib: "Hadisədən sonra gecə 12-nin yarısına kimi zəng etmişik. Artıq 12-nin yarısında telefon da söndü".

Amma sonra məlum olub ki, Cəsarət telefonla danışa-danışa minalı əraziyə daxil olub və orda da minaya düşüb. Ərazinin minalarla əhatə olunması mərhumun meyitinin tapılmasını bir qədər də çətinləşdirib. Cəsarət Hətəmxanovun işğaldan azad edilmiş və minalardan təmizlənməmiş ərazilərə keçərək itkin düşdüyü ehtimal olunduğu üçün həmin ərazilərdə xüsusi olaraq axtarış tədbirləri aparılıb. Mərhumun dayısı deyir ki, mina təhlükəsi və çətin coğrafi relyef nəzərə alınaraq, axtarışlarda dronlardan da istifadə olunub:

"İki gün dronla axtarıldı, dünən axşam tapıldı. İşarə verdilər ki, "tapdıq, amma üzü qaranlığa gedir, meyitin çıxarılması qaldı sabaha". Doğrudan da düz deyirdilər. Ərazi minalarla o qədər əhatə olunmuşdu ki, addım atmağa yer yox idi. Bu gün biz onun meyitini 4 saata ərazidən çıxarmışıq".

© Sputnik / Emin Alisahib
Cəsarət Hətəmxanovun oğlu Səyyad Hətəmxanov

Minaya düşərək həlak olmuş Ağdam rayon sakini Cəsarət Hətəmxanovun meyiti Rayon Polis Şöbəsinin və Minatəmizləmə Agentliyinin əməkdaşları tərəfindən minalarla və partlayıcı maddələrlə çirklənmiş ərazidən götürülərək aidiyyəti üzrə təhvil verilib. Dayısı bacısı oğlunun meyitinin tanınmaz hala düşdüyünü deyib:

"O elə bir günə düşmüşdü ki, insan sifəti yox idi. Ayağının birini mina aparmışdı, bir qolunu da yırtıcı qoparıb, aparmışdı. Buradan üzümü hamıya tutub, deyirəm: "O ərazilərə gedən hər kəs bax o günə düşəcək. Minlanmış, icazə verilməyən ərazilərə getməyin. Özünüzə yazığınız gəlsin, valideynlərinizə yazığınız gəlsin. Biz 10 gündür çöllərdəyik. Mən dizin-dizin süründüm, şükür ki, bacım oğlunun meyiti tapıldı. Anası qurban demişdi, oğlunun meyitinin tapılmasına. İcazə verilməyən ərazilərə getməyin".

Qeyd edək ki, Cəsarət Hətəmxanov 1978-ci il fevral ayının 23-də Ağdamın Seyidli kəndində anadan olub. Elə həmin torpaqda da minaya düşərək, həlak olub. Hazırda baş verən faktla bağlı Ağdam rayon prokurorluğu tərəfindən Cinayət Məcəlləsinin 120.2.4 (xüsusi amansızlıqla və ya ümumi təhlükəli üsulla adam öldürmə) və digər maddələri ilə cinayət işi başlanılıb. Hazırda cinayət işi üzrə istintaq-əməliyyat tədbirləri davam etdirilir.

1423
İstanbul şşəhərinə mənzərə, arxiv şəkli

Azərbaycanlıların xaricdə mənzil sevdası

3
(Yenilənib 08:58 18.06.2021)
May ayında Türkiyənin əmlak bazarı azərbaycanlılar üçün xüsusilə cəzbedici olub. Ekspert bunun əsas səbəblərini xırdalayıb.

BAKI, 18 iyun — Sputnik. Yerli əmlak bazarında son bir ildə yaşanan durğunluq qismən aradan qalxmağa başlayıb. Son günlərdə mənzil bazarında müəyyən qədər canlanma nəzərə çarpır. Maraqlıdır ki, Azərbaycan vətəndaşları Türkiyədə mənzil almağa üstünlük verməyə başlayıb.

Statistika nə deyir

Bu ilin may ayı ərzində Azərbaycan vətəndaşları Türkiyədə 47 daşınmaz əmlaka sahib olublar. Türkiyə Statistika İdarəsinin məlumatına görə, azərbaycanlılar sayca Türkiyədə ev alan xaricilərin sırasında 9-cu yerdə qərarlaşıb.

Ötən ilin müvafiq dövründə azərbaycanlılar Türkiyədən 42 mənzil alıblar.

Maraqlıdır, azərbaycanlıların Türkiyə bazarına axın etməsinin əsas səbəbi nədir və qardaş ölkədə mənzil sahibi olanlar əsasən əhalinin hansı təbəqəsini təşkil edir?

Məsələyə ekspert yanaşması

Daşınmaz əmlak üzrə ekspert Elnur Fərzəliyev Sputnik Azərbaycan-a açıqlamasında deyib ki, pandemiyadan öncə də azərbaycanlılar xarici ölkələr içində ən çox Türkiyədə ev alırdılar. Lakin pandemiya dövründə sərhədlər bağlı qaldığı üçün vətəndaşlarımız nəinki ölkədən, heç şəhərdən də çıxa bilmədilər. Belə olan halda xarici ölkələrdə mülkü, əmlakı olan şəxslər arasında ajiotaj yarandı. Prosesin nə zamanadək davam edəcəyi bilinmirdi. Əmlak da vətəndaşlarımız üçün əlçatan deyildi. Odur ki, xaricdə əmlak almaqla bağlı adamlarda qorxu yarandı.

"Çoxları özləri ora gedə bilməsələr də, həmin dövrdə oradakı əmlaklarını satdırmağa çalışdılar. Lakin göründüyü kimi artıq xarici bazara - Türkiyənin mənzil bazarına axın var. Bu mənzillərin əksəriyyətini də Türkiyədə yaşayan, işləyən vətəndaşlarımız alıb. Bundan başqa, övladı orada təhsil alanlar, burada evi, hər şeyi olub orada işləyənlər də Türkiyənin mənzil bazarına axın edir. Övladları Türkiyədə oxuyan imkanlı adamlar düşünürlər ki, orada kirayədə qalmaqdansa, ev alsalar daha yaxşı olar. Bakıda da belədir. Rayonlarda yaşayan imkanlı şəxslər övladı Bakıda oxuduğu üçün ona buradan ev alırlar. Beləcə, gənclər kirayə pulundan azad olurlar, sonra da mənzil onlara qalır. Lazım olanda isə onu istədikləri bazar qiymətinə sata, qoyduqları pulu artıqlaması ilə götürə bilirlər".

Ekspertin sözlərinə görə, Türkiyə xarici vətəndaşların daha asan şəkildə orada ev sahibi ola bilməsi üçün bir sıra qanunları dəyişib: "Əvvəllər xarici ölkə vətəndaşının Türkiyədə əmlak alması qaydaları çox çətin idi. Torpaq sahəsini isə ancaq Türkiyə vətəndaşı ala bilərdi. Lakin qanunlara dəyişiklikdən sonra Tükiyənin daşınmaz əmlak bazarına milyardlarla axın gəldi ki, bu axının böyük qisminin də biz daha çox ərəb ölkələrindən olduğunu görə bilərik. Türkiyə bir dövlət kimi bu vəziyyətdən çox bəhrələndi".

Fərzəliyev Türkiyənin Statistika Komitəsinin xarici ölkə vətəndaşlarınını əldə etdiyi mənzillərlə bağlı statistikanı şəffaf saxladığını qeyd edib. Lakin Rusiya ilə bağlı bunu deməyin çətin olduğunu bildirib.

"Çünki Rusiyada belə statistika yoxdur. Rusiyada 2 milyondan çox azərbaycanlı yaşayır və onların böyük hissəsinin orada evləri var. 2015-2016-cı illərdə devalvasiya baş verdiyi dövrdə Rusiyada maraqlı hadisə baş verdi. Dollar qalxsa da, evlərin qiyməti qalxmadı, elə əvvəlki həddə qaldı", - deyə o, əlavə edib.

Ekspert bildirir ki, 2016-cı ildə Rusiyada yaşayan azərbaycanlıların əksəriyyəti Azərbaycandakı evlərini sataraq dollara çevirib ora aparıblar. Sonra da Rusiyada həmin dollarlara yaxşı evlər alıbar.

Prosesin Azərbaycandakı daşınmaz əmlak bazarına təsiri

Pandemiya dövründə Azərbaycanda mənzillərin qiymətində enmə olmayıb. Ekspertin fikrincə, əksinə qiymət artımı müşahidə olunub ki, bu da tikinti materialları bazarındakı qiymət artımı ilə əlaqədardır.

"Son 1-1,5 il ərzində tikinti materiallarının qiymətində təqribən 30-40 faiz artım olub. Taxtanın qiymətində isə kifayət qədər yüksək artım baş verib. Tikintinin maya dəyərinin artması satışa təsirsiz ötüşməyə bilməz", - deyə Fərzəliyevin sözlərinə görə, pandemiya dövründə bina evlərinə tələbat azalıb. Satılan evlərin əksəriyyəti isə ipoteka ilə satılıb. Ötən ilin may ayında əksəriyyət karantin vəziyyəti ilə əlaqədar olaraq həyət evi alıb. Nəticədə həyətyanı sahələrin, bağ evlərinin qiyməti və kirayə haqqı artıb. Lakin artıq rayonlara gediş-gəliş açıldığı üçün Bakıda həyət evlərinə deyil, rayonlarda mənzil bazarına axının çoxaldığı görünür. Baxmayaraq ki, ötən il bölgələrdə mənzil bazarında 70 faizədək çökmə baş verib.

Əmlak bazarına nəzər saldıqda, paytaxtda mərkəz ətrafında 1 otaqlı evlərin qiyməti 36-105 min manat, 2 otaqlıların qiyməti 63-136 min manat, 3 otaqlıların qiyməti isə yerindən asılı olaraq 235 min manatadək dəyişir.

Qonşu ölkə Türkiyədə vəziyyət necədir?

Pandemiya ilində daşınmaz əmlak bazarında ən çox qiymət artımı olan ölkə Türkiyə olub. Türkiyədə son bir ildə mənzillərin qiymətində 30 faizədək artım olub. Mənzil qiymətlərinin artımına görə, Türkiyədən sonrakı yerdə Yeni Zelandiya və Lüksemburq dayanıb. Bundan başqa, Türkiyədə əcnəbilərə daşınmaz əmlak satışının kəmiyyətində də artım olub - son 4 ayda 19 faizədək.

Türkiyədə 100 kvadratmetrlik 3 otaqlı evlərin qiyməti təxminən 130-145 min Türk Lirəsi arasında dəyişir.

3