CƏMİYYƏT
Cəmiyyətin həyatında baş verən aktual hadisələr

Paytaxtın mərkəzində yol çöküb

© Photo : Facebook / Nigar EtibarŞeyx Şamil küçəsində çökmüş yol
Şeyx Şamil küçəsində çökmüş yol - Sputnik Azərbaycan, 1920, 02.06.2021
Abunə olmaq
Avtobus dayanacağının qarşısında çökmüş yolun qəzalı olduğuna dair ətrafda heç bir işarə qoyulmayıb.

BAKI, 2 iyun — Sputnik. Metronun "İçərişəhər" stansiyası yaxınlığında yol çöküb. Sputnik Azərbaycan-ın xəbərinə görə, bu barədə jurnalist Nigar Etibar sosial şəbəkədə məlumat paylaşıb.

Məlumatda bildirilib ki, avtobus dayanacağının qarşısında çökən yolun qəzalı olduğuna dair ətrafda heç bir işarə qoyulmayıb: "Dayanacaqda dayandığım 3-4 dəqiqə ərzində 2 maşın yoldakı çöküntü səbəbindən zərər gördü. Aidiyyəti qurumlar düzəldənə kimi xəbəriniz olsun".

Azərbaycan Avtomobil Yolları Dövlət Ağentliyinin (AAYDA) mətbuat katibi Anar Nəcəfli sosial şəbəkə hesabında Səbail rayonu, Şeyx Şamil küçəsində yolun asfalt-beton örtüyündə çökmənin baş verməsi ilə bağlı sosial şəbəkədəki hesabında paylaşım edib. O bildirib ki, AAYDA-nın aidiyyəti şöbəsi artıq məlumatlandırılıb:

"Bildiririk ki, qısa müddət ərzində çökmənin baş vermə səbəbi müəyyən edilərək aradan qaldırılacaq və yolun asfalt-beton örtüyü bərpa ediləcək".

Xatırladaq ki, bu ilin aprel ayında Bakının Nizami rayonunda yol çökmüşdü. Hadisə aprelin 8-i gecə saatlarında Qara Qarayev metrostansiyasının yaxınlığında, Əlif Hacıyev küçəsində baş vermişdi.

Xəbər lenti
0