Məhkəmə zalı, arxiv şəkli

Bakıda hakim arvadını qətlə yetirdi

48
(Yenilənib 10:07 31.05.2021)
Qətli törədən 1976-cı il təvəllüdlü Fəqan Rövşən oğlu Əhmədov 2016-cı ildən Sabunçu Rayon Məhkəməsinin hakimidir.

BAKI, 31 may - Sputnik. Bakıda qətl törədilib.

Sputnik Azərbaycan APA-ya istinadən xəbər verir ki, hadisə paytaxtın Sabunçu rayonu, Ləhic bağları adlanan ərazidə qeydə alınıb.

Bakı şəhər sakini Fəqan Əhmədov odlu silahla həyat yoldaşı Pərvanə Əhmədovanı qətlə yetirib.

Faktla bağlı Sabunçu rayon Prokurorluğunda araşdırma aparılır.

Qeyd edək ki, qətli törədən 1976-cı il təvəllüdlü Fəqan Rövşən oğlu Əhmədov 2016-cı ildən Sabunçu Rayon Məhkəməsinin hakimidir.

Baş Prokurorluğun Mətbuat xidmətindən verilən məlumata görə, mayın 30-da paytaxt sakini Əhmədova Pərvanə Süleyman qızının qəsdən öldürülməsi faktı ilə bağlı Cinayət Məcəlləsinin 120.1-ci (qəsdən adam öldürmə) maddəsi ilə Sabunçu rayon prokurorluğunda başlanmış cinayət işi üzrə istintaqın aparılması Baş Prokurorluğun rəhbərliyinin göstərişinə əsasən Baş Prokurorluğun İstintaq idarəsinə tapşırılıb.

Eləcə də oxuyun:

48
Teqlər:
arvad, qətl, hakim, Bakı
İki mühərrikli təyyarə, arxiv şəkli

Rusiyada təyyarə sərt eniş edib, ölənlər var

37
(Yenilənib 10:26 19.06.2021)
Kemerovo vilayətində “L-410” tipli təyyarənin sərt eniş etməsi pilotların və daha iki nəfərin ölümü ilə nəticələnib.

BAKI, 19 iyun — Sputnik. Rusiyanın Kemerovo vilayətində “L-410” tipli təyyarə sərt eniş edib.

Hadisə nəticəsində 4 nəfər ölüb, 15 nəfər xəsarət alıb. Ölənlərdən ikisi pilotdur. Yaralılardan 4-nün vəziyyəti ağırdır.

Qəzaya təyyarənin mühərriklərindən birinin sıradan çıxması səbəb olub.

Nəticədə təyyarə eniş edən zaman meşə massivi ilə toqquşub.

Hadisə Promışlennı rayonunun Juravlyovo kəndi ərazisində baş verib.

37
PPX avtomobili, arxiv şəkli

Ağdaşda hər kəs şokdadır: Kənd sakini qardaşını qətlə yetirib, həmkəndlisini isə yaralayıb

159
(Yenilənib 19:22 18.06.2021)
Mərhumun qohumlarının sözlərinə görə, Aləşrəfov qardaşları arasında indiyədək heç vaxt hər hansı bir ədavətin, münaqişənin olduğunu müşahidə etməyiblər.

BAKI, 18 iyun — Sputnik. Ağdaş sakini qardaşını güllələyərək qətlə yetirib, həmkəndilisini isə yaralayıb.

Sputnik Azərbaycan-ın bölgə müxbiri Rəşad Kərəmoğlu xəbər verir ki, hadisə rayonun Abad kəndində, sakinlərin gözü önündə baş verib.

Kənd sakini 63 yaşlı Mustafa Aləşrəfov həmkəndlisi 49 yaşlı Cəmil Quliyevlə mübahisə edib. Yaranan mübahisədən sonra onu öldürmək qərarına gəlib.

Evində olan təklülə ov tüfəngini götürərək Cəmil Quliyevi öldürmək üçün onun olduğu yerə üz tutub. Bu zaman baş verənlərdən xəbər tutan qardaşı, 53 yaşlı Qələndar Aləşrəfov onunla bərabər Quliyevin olduğu yerə getmək qərarına gəlib. Elə hər şey də bundan sonra başlayıb. Mustafa Aləşrəfov onu sakitləşdirməyə çalışan qardaşı ilə mübahisə edib. Elə bu zəmində də onu ov tüfəngi ilə qətlə yetirib.

Mərhumun qohumlarının sözlərinə görə, Aləşrəfov qardaşları arasında indiyədək heç vaxt hər hansı bir ədavətin, münaqişənin olduğunu müşahidə etməyiblər. İstər qohumları, istərsə də kənd sakinləri hələ də hadisənin şokunu yaşayırlar.

Hadisə nəticəsində Cəmil Quliyev müxtəlif dərəcəli bədən xəsarətləri alıb. O, yaxınları tərəfindən dərhal Ağdaş rayon Mərkəzi Xəstəxanasına, oradan da Mingəçevir Şəhər Xəstəxanasına aparılıb.

Faktla bağlı Ağdaş rayon Prokurorluğu tərəfindən araşdırma aparılır.

159

Bu dünyanı dəyişməliyik

0
(Yenilənib 15:07 18.06.2021)
Krasnodarlı rəssam Vladimir Kandr tullantılardan beşmetrlik "Dalğa" adlı qurğu düzəltdi - Ətraflı videomuzda.

 

Rəssam Vladimir Kandr ətraf mühitin çirklənməsi problemindən o qədər narahat olub ki, bu məsələnin həll yolu onun yuxusuna girib. Belə ki, tullantılardan "Dalğa" adlı qurğu düzəltmək ideyası ona yuxuda gəlib.

Vladimir müsahibəsində bildirib ki, üç tondan çox zibil toplayıb, onları yenidən emal edərək yığılıb-sökülən qurğu düzəldib.

"Bu doqquz hissəyə bölünən dalğadır, nəqliyyatla da daşına bilir. Müasir sivilizasiyamızla ətraf mühiti necə məhv etdiyimizi anlamaq üçün qurğunun ortasında bir oyuq da düzəltdim," – deyə rəssam fikirlərini bölüşür.

Kandrın sözlərinə görə, o, dostları ilə həmişə təbiət qoynunda dincəlməyə gedəndə həm də digər turistlərin zibillədiyi əraziləri təmizləməklə məşğul olublar. Belə gəzintilər zamanı metal çəlləklərdən tutmuş konyak şüşələrinə qədər maraqlı və qeyri-adi əşyalara da rast gəlinir.

"Tullantılar yer dəyişdirir, başqa ölkələrdən bizə qədər gəlib çıxır. Hərdən qeyri-adi tapıntılar da olur. Bəzən bir kvadratmetr ərazidə beş alışqan, çox sayda taykeş ayaqqabılara rast gəlmək olar. Onları geyinmək də mümkündür, amma hər tayı fərqli olacaq", – ekoaktivist zarafatla deyir.

Vladimir Kandr onu da bildirib ki, hazırda "Dalğa"dan da böyük yeni layihə üzərində işləyir. Yeni qurğu da eyni tərzdə, ancaq başqa süjet əsasında hazırlanacaq.

0