Lənkəranda qəza olub, ölən var - FOTO

19
(Yenilənib 17:24 28.05.2021)
Lənkəranda "Subaru-Outback" markalı minik avtomobili yol kənarında dayanan "Mercedes" markalı minik avtomobilinə çırpılıb.

BAKI, 28 may — Sputnik, Rahim Muradov. Lənkəranda günorta saatlarında ölümlə nəticələnən avtomobil qəzası baş verib.

Sputnik Azərbaycan-ın bölgə müxbirinin verdiyi xəbərə əsasən, qəza Ələt-Astara magistral yolunun Lənkəran rayonu, Şirinsu kəndi ərazisindən keçən hissəsində baş verib.

  • Lənkəranda yol-nəqliyyat hadisəsi
    © Sputnik / Rahim Murad
  • Lənkəranda yol-nəqliyyat hadisəsi
    © Sputnik / Rahim Murad
1 / 2
© Sputnik / Rahim Murad
Lənkəranda yol-nəqliyyat hadisəsi

Hadisə nəticəsində 1964-cü il təvəllüdlü Surəddin Həmzəyevin idarə etdiyi  99-MC-209 dövlət qeydiyyat nömrə nişanlı "Subaru-Outback" markalı minik avtomobili yol kənarında dayanan "Mercedes" markalı minik avtomobilinə çırpılıb.

Daha sonra "Subaru" yol kənarındakı hasara çırpılaraq aşıb. Nəticədə "Subaru-Outback"in sürücüsü S.Həmzəyev yerindəcə dünyasıni dəyişib. Mərhumun meyiti aidiyyatı üzrə təhvil verilib.

Bildirək ki, "Mercedes"in sürücüsü hadisə zamanı avtomobilində olmayib. Qəza hadisəsi ilə bağlı araşdırmalar davam etdirilir.

Eləcə də oxuyun:

19
Teqlər:
ölüm, Lənkəran, qəza
 Təcili yardım avtomobili, arxiv şəkli

İki azyaşlını elektrik cərəyanı vurdu - Ölən var

40
(Yenilənib 16:55 14.06.2021)
On iki yaşlı Polad Fərhad oğlu Poladov və on üç yaşlı Uğur Xəyyam oğlu Bayramov kəndin kənarında yerləşən yüksək gərginlikli xəttin üzərindəki açarın qutusuna əlləri ilə toxunublar.

BAKI, 14 iyun — Sputnik. İyunun 13-də Quba rayonunda 2 azyaşlını elektrik cərəyanı vurması nəticəsində birinin ölməsi, digərinin isə xəsarət alması ilə bağlı rayon prokurorluğuna məlumat daxil olub. 

Quba rayon prokurorluğundan Sputnik Azərbaycan-a verilən məlumata görə, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər zəruri prosessual hərəkətlər yerinə yetirilib.

İlkin araşdırmalarla müəyyən edilib ki, elektrik xəttinin naqilinə toxunmaları nəticəsində 2008-ci il təvəllüdlü Polad Fərhadov aldığı xəsarətlərdən ölüb, həmyaşıdı Uğur Bayramov isə müxtəlif dərəcəli bədən xəsarətləri alıb.

Faktla bağlı Quba rayon prokurorluğunda Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb.

Hazırda iş üzrə təqsirli şəxsin (şəxslərin) müəyyən edilərək məsuliyyətə cəlb edilməsi istiqamətində zəruri istintaq tədbirləri davam etdirilir.

Xatırladaq ki, qəsəbə sakinləri, 12 yaşlı Polad Fərhad oğlu Poladov və 13 yaşlı Uğur Xəyyam oğlu Bayramov kəndin kənarında yerləşən yüksək gərginlikli xəttin üzərindəki açarın qutusuna əlləri ilə toxunublar. Polad Fərhadov dünyasını dəyişib, digərinin isə vəziyyətinin stabil olduğu deyilir.

Qeyd edək ki, daha öncəki illərdə də bənzər hadisələr baş verib. 2019-cu ildə Tərtər rayonunda 2 yaşlı uşağı elektrik cərəyanı vurmuşdu. Həkimlərin səyinə baxmayaraq, onun həyatını xilas etmək mümkün olmamışdı.

40

Paytaxtda sərxoş sürücü 4 nəfərin ölümünə səbəb olub

1634
Sərxoş vəziyyətdə avtomobilini idarə edən Elşad Kərbalayev qəza törətdikdən sonra hadisə yerindən qaçmaq istəyib.

BAKI, 14 iyun - Sputnik. Novxanı-Sumqayıt yolunda “Range-Rover” qəza törədib.

APA xəbər verir ki, “Spring” otelin qarşısında Kərbalayev Elşad Məhərrəm oğlu idarə etdiyi 10-CO-002 dövlət nömrə nişanlı “Range-Rover” markalı nəqliyyat vasitəsilə piyadanı vuraraq öldürüb. Hadisə yerindən qaçmağa çalışan sürücü daha sonra “Damas” markalı nəqliyyat vasitəsinə çırpılıb. Zərbənin gücündən “Damas”da olan 3 nəfər ölüb.

Sürücü Binəqədi Rayon Polis İdarəsinin əməkdaşları tərəfindən saxlanılıb. Məlum olub ki, sərxoşdur.

Qeyd edək ki, E.Kərbalayev “Qurtuluş-93” MMC-nin rəhbəri Məhərrəm Novruzovun kürəkənidir.

1634
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

0
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

0