* AZƏRBAYCAN *
Bərdədə Güloğlular kəndində bazarda yanğın

"Heç çıxara bilmədim, 45-50 minlik malım batdı" - Bərdə bazarındakı yanğının detalları

1311
(Yenilənib 12:53 26.05.2021)
Alov bazarın 5 min kvadrat metr ərazisindən 2 min kvadrat metrini əhatə edib. Nəticədə 88 mağaza yanıb.

BAKI, 26 may — Sputnik, Emin Əlisahib. Xəbər verildiyi kimi, Bərdə rayonunun Güloğlular kəndindəki bazar ərazisində mağazada yanğın baş verib. Artıq söndürülmüş yanğın paltar mağazalarının birindən başlayıb və qısa müddətdə geniş bir ərazini əhatə edib. Zərərçəkən Elnur Cəfərov hadisənin baş verdiyindən evdə olarkən xəbər tutub: “Evdə idim. Səhərə yaxın eşitdim ki, bazar yanır. Haradasa saat 8 idi. Gəldim ki, malların heç biri yoxdur, yanıb. Heç nə çıxara bilmədim. Yananların əksəriyyəti mənim mallarımdır. Qadın geyimləri idi. Olan mənə oldu. Haradasa 15-20 minə yaxın bizə ziyan dəyib”.  

Alov bazarın 5 min kvadrat metr ərazisindən 2 min kvadrat metrini əhatə edib. Nəticədə 88 mağaza yanıb. Yanğının miqyası böyük olduğundan sözügedən mağazalardan nəsə çıxarmaq mümkün olmayıb. Hadisə şahidi Aynurə Quliyevanın sözlərinə görə, mağazası kül olub: “Qadın ayaqqabısı və çantası satıram. Xahiş edirəm bizə köməklik olunsun. Bizim nəyimiz varsa, yanıb. Mağazada 25 minlik malım vardı. Biri də ələ gəlmədi. Hamısı yanıb, kül oldu. O da öz malım deyidi, Bakıdan borca gətirmişdim. Xahiş edirəm bizə köməklik edilsin”.  

Zərərçəkənlər arasında elələri var ki, onlara daha çox ziyan dəyib. Elşən İsmayılov danışır ki, hadisə zamanı onun 3 mağazası yanıb: “3 dükanım yanıb. Hərəsində haradasa 45-50 minlik mal var idi. Heç bir şey çıxara bilmədim. Biz bura daxil olanda içəridə yanğın başlamışdı. Cəhd etdim ki, nəyisə xilas edim. Alov o qədər geniş əhatəli idi ki, nəsə çıxarmaq mümkün olmadı”.

Görülmüş operativ tədbirlər sayəsində alovun bütün bazarı əhatə etməsinin qarşısı alınaraq, yanğın tam söndürülüb. Qeyd edək ki, yanğının mürəkkəbliyi nəzərə alınaraq, yanğınla mübarizə məqsədilə Bərdə rayon Yanğından Mühafizə Hissəsi ilə yanaşı, Yevlax, Ağdam, Tərtər və Ağcabədi rayonlarının Yanğından Mühafizə hissələrinin də müvafiq qüvvələri cəlb olunub. İlkin ehtimallara görə, yanğına səbəb elektrik naqillərindəki qısa qapanmadır. Hadisənin dəqiq səbəbləri araşdırmalardan sonra bəlli olacaq.

© Sputnik / Emin Alisahib
Bərdədə Güloğlular kəndində bazarda yanğın

Bərdə bazarında bu səhər baş verən yanğınla bağlı hadisə yerində olan Tərtər Yanğından Mühafizə Hissəsinin rəisi, polkovnik Mübariz Əliyev Sputnik Azərbaycan-a açıqlama verib. O bildirib ki, alovun ram edilməsi üçün 9 yanğın avtomobili və 50-dən yuxarı şəxsi heyətdən istifadə olunub. “Bu gün səhər saat 07:14 radələrində Bərdə Yanğından Mühafizə hissəsinin dispetçer məntəqəsindən yanğın baş verməsi ilə bağlı məlumat daxil oldu. Məlumat daxil olan kimi dərhal Bərdə Yanğından Mühafizə hissəsinin iki avtomobili hadisə yerinə çatdırılıb. Hadisə yeri qiymətləndirilib və yanğının əhatəsi böyük olduğundan iki saylı çağırış elan edildi. Bundan sonra Bərdənin 5 yanğın avtomobili, Tərtər, Yevlax, Ağdam və Bərdə rayon Dövlət Yanğından mühafizə hissələrinin hər birindən 1 yanğın avtomobili olmaqla, şəxsi heyəti ilə birlikdə yanğının söndürülməsində iştirak edib. Yanğın həddindən artıq böyük olduğundan 9 yanğın avtomobilindən, 50-dən yuxarı şəxsi heyətdən istifadə olunub. Şəxsi heyətin gücü sayəsində yanğın saat 09:11 radələrində tam söndürülüb. Yanğın yeri təxminən 5 min kvadrat metr ərazi olub. Bu ərazinin 2 min 100 kvadratmetr sahəsi yanıb”.

© Sputnik / Emin Alisahib
Bərdədə Güloğlular kəndində bazarda yanğın

Mübariz Əliyev Bərdə bazarında yanğının gec söndürülməsi ilə bağlı məsələyə də aydınlıq gətirdi: “Yanğın yerində obyektlərin çiy kərpicdən və taxta konstruksiyadan olması və binanın damının örtülü olması səbəbindən çətinliklər yaratdı. Yanğının söndürülməsinə su ehtiyatı üçün rayon ərazisində olan 3 ədəd su maşınından da istifadə edildi. Alov ram edilərkən, istər bazar, istərsə də şəxsi heyətin arasında xəsarət alan olmadı”.  

1311
Teqlər:
bazar, yanğınsöndürən, FHN, Bərdə, Yanğın
Bakıda çimərlikdə uşaq, arxiv şəkli

Havada toz dumanı davam edir

73
(Yenilənib 18:18 23.06.2021)
Toz dumanı yenə də Abşeron yarımadasını əhatəyə alıb. Nazirliyin açıqladığı sabahın hava proqnozunda tozun nə vaxt paytaxtı tərk edəcəyi deyilmir.

BAKI, 23 iyun — Sputnik. Bu gün Bakı və Abşeron yarımadasında toz dumanı davam edir. Bu barədə Milli Hidrometeorologiya Xidmətindən məlumat verilib.

Bildirilib ki, avtomatik stansiyalardan 23 iyun saat 17:00-a daxil olan məlumata əsasən Bakı şəhərində havada dispers toz hissəciklərinin konsentrasiyası sanitar normadan 5.1 dəfə yüksək qeydə alınıb.

Sabahın hava proqnozu

İyunun 24-də Bakıda və Abşeron yarımadasında hava şəraitinin günəşli keçəcəyi gözlənilir. Şimal-şərq küləyi əsəcək, gündüz cənub-şərq küləyi ilə əvəz olunacaq. ETSN-nin Milli Hidrometeorologiya Xidmətindən Sputnik Azərbaycan-a verilən məlumata görə, havanın temperaturu Abşeron yarımadasında gecə 22-26, gündüz 34-39, bəzi yerlərdə 41, Bakıda gecə 23-25, gündüz 38-40 dərəcə isti olacaq. Atmosfer təzyiqi normadan aşağı 758 mm civə sütunu, nisbi rütubət gecə 55-65, gündüz 35-40 faiz təşkil edəcək.

Abşeron çimərliklərində şimal-şərq küləyi əsəcək, gündüz cənub-şərq küləyi ilə əvəz olunacaq. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda 25-26 dərəcə isti olacaq.

İyunun 24-də Azərbaycanın rayonlarında havanın əsasən yağmursuz keçəcəyi, lakin gündüz bəzi dağlıq ərazilərdə lokal qısamüddətli yağış yağacağı gözlənilir. Səhər bəzi dağlıq ərazilərdə duman olacaq, şərq küləyi əsəcək.

Havanın temperaturu gecə 20-25, gündüz 35-40, bəzi yerlərdə 42, dağlarda gecə 15-20, gündüz 27-32 dərəcə isti olacaq.

Tibbi-meteoroloji proqnoza gəlincə, həftə ərzində Bakıda və Abşeron yarımadasında anomal isti, günün bəzi saatlarında durğun hava şəraiti, zəif küləklərin üstünlüyü, gündüz güclü temperatur diskomfortu gözlənilir ki, bu da əksər əhali üçün əlverişsizdir.

73
Çingiz Rəsulzadə, arxiv şəkli

Azərbaycanlı rejissor bağ evində vəfat edib

949
(Yenilənib 14:57 22.06.2021)
İcraçı direktorun sözlərinə görə, mərhum bağ evlərində tək evində yaşayırmış. Onun hansı səbəbdən vəfat etdiyi hələlik məlum deyil. O, Ç.Rəsulzadənin bu gün Şağan qəsəbəsində yerləşən qəbiristanlıqda dəfn ediləcəyini deyib.

BAKI, 22 iyun — Sputnik. Kinorejissor, dramaturq Çingiz Rəsulzadə vəfat edib. Bu barədə Sputnik Azərbaycan-a "ButaFilm"in icraçı direktoru Vidadi Rüstəmov məlumat verib. İcraçı direktorun sözlərinə görə, mərhum bağ evlərində tək evində yaşayırmış. Onun hansı səbəbdən vəfat etdiyi hələlik məlum deyil.

O, Ç.Rəsulzadənin bu gün Şağan qəsəbəsində yerləşən qəbiristanlıqda dəfn ediləcəyini deyib.

Məlumat üçün bildirək ki, Ç.Rəsulzadə Bakıda anadan olub. Ə.Əzimzadə adına Azərbaycan Dövlət Rəssamlıq Texnikumunda (1992), Azərbaycan Dövlət Mədəniyyət və İncəsənət Universitetinin qrafik-rəssam ixtisasında, Ümumrusiya Dövlət Kinematoqrafiya İnstitutunun kinorejissorluq ixtisasında (A.Eşpay, S.Miroşniçenko və V.Fençenkonun kursu) təhsil alıb.

Rusiya istehsalı olan "Həyat haqqında mimlər" (2002) qısametrajlı bədii filminin və "Jestlər.. Barışıq" (2005) sənədli filminin rejissoru və ssenari müəllifi, "İkinci" qısametrajlı bədii filminin ssenari müəllifi, o cümlədən "Kuklalar" (2009) filminin quruluşçu rejissorudur.

949
Milli Məclisin

Milli Məclisin növbəti iclasının gündəliyi açıqlanıb

0
Milli Məclisin növbədənkənar sessiyasının iyunun 25-də keçiriləcək növbəti iclasının gündəliyinə 12 məsələ daxil edilib

BAKI, 23 iyun — Sputnik. Milli Məclisin növbədənkənar sessiyasının iyunun 25-də keçiriləcək növbəti iclasının gündəliyi məlum olub.

Sputnik Azərbaycan-ın xəbərinə görə, toplantının gündəliyinə 12 məsələ daxil edilib.

Bunlar aşağıdakılardır:

1. "Enerji resurslarından səmərəli istifadə və enerji effektivliyi haqqında" Azərbaycan Respublikası qanununun layihəsi (ikinci oxunuş).

2. "Əmək pensiyaları haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (ikinci oxunuş).

3. "Əlilliyi olan şəxslərin hüquqları haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (ikinci oxunuş).

4. "Əmək pensiyaları haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (ikinci oxunuş).

5. "Dövlət qulluğu haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (ikinci oxunuş).

6. Azərbaycan Respublikasının Əmək Məcəlləsində, Azərbaycan Respublikasının Mülki Prosessual Məcəlləsində, Azərbaycan Respublikasının Ailə Məcəlləsində, Azərbaycan Respublikasının Mülki Məcəlləsində, Azərbaycan Respublikasının Vergi Məcəlləsində, Azərbaycan Respublikasının Cinayət-Prosessual Məcəlləsində, Azərbaycan Respublikasının İnzibati Xətalar Məcəlləsində, Azərbaycan Respublikasının İnzibati Prosessual Məcəlləsində, "Sosial sığorta haqqında", "Tibbi sığorta haqqında", "Dövlət rüsumu haqqında", "Məhkəmə-Hüquq Şurası haqqında" və "İnzibati icraat haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (birinci oxunuş).

7. "Mediasiya haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (birinci oxunuş).

8. "Dövlət qulluğu haqqında", "Prokurorluq orqanlarında qulluq keçmə haqqında", "Diplomatik xidmət haqqında", "Ədliyyə orqanlarında qulluq keçmə haqqında", "Fövqəladə hallar orqanlarında xidmətkeçmə haqqında" Azərbaycan Respublikasının qanunlarında və Azərbaycan Respublikasının 1999-cu il 7 dekabr tarixli 768-IQ nömrəli Qanunu ilə təsdiq edilmiş "Gömrük orqanlarında xidmət haqqında Əsasnamə"də, 2001-ci il 12 iyun tarixli 141-IIQ nömrəli Qanunu ilə təsdiq edilmiş "Dövlət vergi orqanlarında xidmət haqqında Əsasnamə"də, 2001-ci il 29 iyun tarixli 168-IIQ nömrəli Qanunu ilə təsdiq edilmiş "Azərbaycan Respublikasının daxili işlər orqanlarında xidmət keçmə haqqında Əsasnamə"də və 2009-cu il 4 dekabr tarixli 930-IIIQ nömrəli Qanunu ilə təsdiq edilmiş "Miqrasiya orqanlarında qulluq keçmə haqqında Əsasnamə"də dəyişiklik edilməsi barədə Azərbaycan Respublikası qanununun layihəsi (birinci oxunuş).

9. Azərbaycan Respublikasının Mülki Prosessual Məcəlləsində dəyişiklik edilməsi haqqında Azərbaycan Respublikası qanununun layihəsi (birinci oxunuş).

10. Azərbaycan Respublikasının İnzibati Prosessual Məcəlləsində dəyişiklik edilməsi haqqında Azərbaycan Respublikası qanununun layihəsi (birinci oxunuş).

11. "Dövlət rüsumu haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (birinci oxunuş).

12. Azərbaycan Respublikasının İnzibati Prosessual Məcəlləsində dəyişiklik edilməsi haqqında Azərbaycan Respublikası qanununun layihəsi (birinci oxunuş).

Qeyd edək ki, iyun ayının 22-də Milli Məclisin növbədənkənar iclası keçirilib və 14 məsələ müzakirə edilib.

Milli Məclisin 2021-ci il yaz sessiyası başa çatıb

Milli Məclisin 2021-ci il yaz sessiyası başa çatıb. Milli Məclisin Daxili Nizamnaməsinə əsasən, yaz sessiyası fevralın 1-də başlayır və mayın 31-dək davam edir. Lakin yaz sessiyasının başa çatmasına baxmayaraq, Milli Məclisin növbədənkənar xüsusi sessiyasının çağrılıb.

Milli Məclisin Daxili Nizamnaməsinə əsasən, parlamentin növbədənkənar sessiyalarını Milli Məclisin sədri Azərbaycan Prezidentinin və ya qanunverici orqanın 42 deputatının tələbi əsasında çağırır. Növbədənkənar sessiyanın gündəliyini müvafiq olaraq onun çağırılmasını tələb edənlər müəyyənləşdirir.

Növbədənkənar sessiya başa çatdıqdan sonra isə deputatlar iyulun 15-dən avqustun 30-dək tətildə olacaqlar.

0