Yas çadırı

Bilmirlər, əzizlərini ağlasınlar, yoxsa cəriməni...

23
(Yenilənib 10:47 01.05.2021)
Şamaxı şəhəri ərazisində iki fərqli ünvanda yas mərasimlərinin təşkil edildiyi müəyyən olunub. Mərasimlər polis tərəfindən dayandırılıb.

BAKI, 1 may — Sputnik. Şamaxı Rayon Polis Şöbəsinin əməkdaşları tərəfindən karantin rejimi ilə əlaqədar nəzarət-profilaktik tədbirlər davam etdirilir. Keçirilən tədbirlər nəticəsində şəhər ərazisində iki fərqli ünvanda yas mərasimlərinin təşkil edildiyi müəyyən olunub.

Daxili İşlər Nazirliyinin Mətbuat Xidmətinin Şəki regional qrupundan Sputnik Azərbaycan-a verilən məlumata görə, Müşfiq SəfərovSamir Məmmədzadəyə məxsus fərdi yaşayış evlərində keçirilən yas mərasimləri RPŞ-nin əməkdaşları tərəfindən dayandırılıb. Həmin şəxslərlə profilaktik söhbətlər aparılıb və barələrində qanunvericiliyə uyğun tədbir görülüb.

23
Teqlər:
karantin, Koronavirus, yas mərasimləri
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (468)
Hamilə qadın, arxiv şəkli

Ana olmaq ümidilə Bakıya gəlib əkizlərini itirdi

21
Babanın sözlərinə görə, körpələr səhər saatlarında ana bətnində sağ olublar. Həkimlər tərəfindən qeysəriyyə əməliyyatı gecikdirdiyindən körpələr ana bətnində boğularaq ölüblər.

BAKI, 5 may - Sputnik. Bakıda doğuş zamanı əkizlər boğularaq ölüb.

Sputnik Azərbaycan bildirir ki, bu barədə “Report”a körpələrin babası, Salyan rayonunun Ərəbqardaşbəyli kənd sakini İmanov Əlisahib Balaş oğlu məlumat verib.

Ə.Balaşoğlunun sözlərinə görə, o, gəlini, 2000-ci il təvəllüdlü Nəcəfova Pərvanə Məhəmməd qızını doğuş vaxtına az müddət qaldığından Mirəsədulla Mirqasımov adına Respublika Klinik Xəstəxanasına aparıb. Bir neçə gün həkim nəzarətində qalan P.Nəcəfova bu gün səhər saat 09 radələrində qeysəriyyə əməliyyatına hazırlanıb. Lakin qeysəriyyə əməliyyatı saat 14:30 radələrində aparılıb. Cinsi oğlan olan əkizlər ana bətnində boğularaq ölüblər.

Ə.İmanovun sözlərinə görə, körpələr səhər saatlarında ana bətnində sağ olublar. Həkimlər tərəfindən qeysəriyyə əməliyyatı gecikdirdiyindən körpələr ana bətnində boğularaq ölüblər. O, körpələrin ölümündə həkimləri günahlandırıb.

Faktla bağlı araşdırma aparılır.

21
Teqlər:
ölüm, əkiz, doğuş, hamilə

Şabranda ağır qəza - yaralıları daşımağa başlayıblar

66
(Yenilənib 01:17 06.05.2021)
DİN-in Baş İstintaq və Təhqiqat İdarəsinin əməkdaşları və yol polisləri hadisə yerindədirlər. Yaralıların Quba və Şabran xəstəxanalarına çatdırılmasına başlanılıb.

Leyla Abdullayeva,  Sputnik Azərbaycan 

BAKI, 5 may - Sputnik. Şabranda ağır yol qəzası baş verib. Hadisə gecə  saatlarında olub. Sputnik Azərbaycan-ın verdiyi məlumata görə, yol nəqliyyat hadisəsi Bakı-Quba yolunun Şabranın Gəndab kəndindən keçən hissəsində qeydə alınıb.

Yerli sakinlərin sözlərinə görə, yüksək sürətlə gələn, Emin Sədrəddin oğlu İsmayılovun idarə etdiyi BMW markalı avtomobil "Pajero"ya çırpılıb. "Pajero"nun sürücüsü həlak olub, beş nəfərin xəsarət aldığı bildirilir. DİN-in Baş İstintaq və Təhqiqat İdarəsinin əməkdaşları və yol polisləri hadisə yerindədirlər. Yaralıların Quba və Şabran xəstəxanalarına çatdırılmasına başlanılıb.

66
Teqlər:
yaralılar, Şabran, qəza

Ey qızıl lalələr, qızıl lalələr video

0
(Yenilənib 13:03 06.05.2021)
Yaz fəsli Azərbaycan təbiətində xüsusi rəngarənglik yaradır. Bakı-Şamaxı-Yevlax avtomobil yolunun kənarında, Göyçayın Qarayazı kəndinin ətrafında bitən qızıl lalələr gözəl mənzərə ortaya çıxarıb.

Rayonun dörd bir yanında yamyaşıl çəmənliklərdə boy verən lalələr paytaxt sakinləri ilə bərabər, yerli qonaqların, yaradıcı insanların da diqqətini cəlb etməyi bacarır.

0