Hadisənin baş verdiyi bina

"Kristal Abşeron"un binasında dəhşət: 20 yaşlarında fəhlə sanki şişlənib - FOTO

163
20 yaşlarında gənc yerdə dikinə vəziyyətdə olan armatura keçib və aldığı xəsarətdən yerindəcə həyatını itirib, yükqaldırıcıdakı ikinci fəhlə isə ağır yaralanıb.

Zülfiyyə Quluyeva, Sputnik Azərbaycan

BAKI, 26 aprel — Sputnik. Xəbər verdiyimiz kimi, bu gün axşam saatlarında Bakının Səbail rayonu Neftçi Qurban küçəsində çoxmərtəbəli binanın tikintisi zamanı qəza baş verib. Yuxarı mərtəbəyə yük qaldıran qurğunun qırılması nəticədə tikintidə işləyən fəhlələrdən biri ölüb, bir nəfər isə yaralanıb.

Sputnik Azərbaycan-ın hadisə yerində olan müxbirinin verdiyi məlumata görə, qəza təxminən  saat 15:07-də Neftçi Qurban küçəsi 29 ünvanında yerləşən "Kristal Abşeron"un tikintisi davam edən yaşayış binasında baş verib.

© Sputnik / Zulfiyya Guluyeva
Bakıda ölümlə nəticələnən faciənin baş verdiyi bina

Müxbirimiz hadisə yerində olarkən əraziyə heç kim buraxılmırdı. Hüquq-mühafizə orqanlarının əməkdaşları hadisə yerinə cəlb olunmuşdular. Ancaq nə polislər, nə də şirkətin əməkdaşları baş verənləri şərh etmək istəməyiblər.

Hadisənin şahidi Ceyhun Rəhimoğlunun sözlərinə görə, yükqaldırıcının üzərində binanın üzlüyünü vuran fəhlələr trosun qırılması nəticəsində yıxılıblar. Bir nəfər 20 yaşlarında gənc yerdə dikinə vəziyyətdə olan armatura keçib və aldığı xəsarətdən yerindəcə həyatını itirib. Yükqaldırıcıdakı ikinci fəhlə isə ağır yaralanıb: "Tros qırıldı, düşdülər, yük səbətinin altında qaldılar. Təcili yardım maşını gəldi. Bir nəfərin qolu-ayağı sınmışdı, ağır vəziyyətdə apardılar".

© Sputnik / Zulfiyya Guluyeva
Ceyhun Rəhimoğlu

Hazırda jurnalistlər hadisə ilə bağlı açıqlama almaq üçün əraziyə səlahiyyətli şəxslərin gəlməsini gözləyirlər.

* Qeyd: Həlak olan fəhlənin fotosunu etik səbəblərdən yayımlamırıq.

163
Teqlər:
kran, ölüm, fəhlə, faciə, tikinti
Hamilə qadın, arxiv şəkli

Ana olmaq ümidilə Bakıya gəlib əkizlərini itirdi

21
Babanın sözlərinə görə, körpələr səhər saatlarında ana bətnində sağ olublar. Həkimlər tərəfindən qeysəriyyə əməliyyatı gecikdirdiyindən körpələr ana bətnində boğularaq ölüblər.

BAKI, 5 may - Sputnik. Bakıda doğuş zamanı əkizlər boğularaq ölüb.

Sputnik Azərbaycan bildirir ki, bu barədə “Report”a körpələrin babası, Salyan rayonunun Ərəbqardaşbəyli kənd sakini İmanov Əlisahib Balaş oğlu məlumat verib.

Ə.Balaşoğlunun sözlərinə görə, o, gəlini, 2000-ci il təvəllüdlü Nəcəfova Pərvanə Məhəmməd qızını doğuş vaxtına az müddət qaldığından Mirəsədulla Mirqasımov adına Respublika Klinik Xəstəxanasına aparıb. Bir neçə gün həkim nəzarətində qalan P.Nəcəfova bu gün səhər saat 09 radələrində qeysəriyyə əməliyyatına hazırlanıb. Lakin qeysəriyyə əməliyyatı saat 14:30 radələrində aparılıb. Cinsi oğlan olan əkizlər ana bətnində boğularaq ölüblər.

Ə.İmanovun sözlərinə görə, körpələr səhər saatlarında ana bətnində sağ olublar. Həkimlər tərəfindən qeysəriyyə əməliyyatı gecikdirdiyindən körpələr ana bətnində boğularaq ölüblər. O, körpələrin ölümündə həkimləri günahlandırıb.

Faktla bağlı araşdırma aparılır.

21
Teqlər:
ölüm, əkiz, doğuş, hamilə

Şabranda ağır qəza - yaralıları daşımağa başlayıblar

61
(Yenilənib 01:17 06.05.2021)
DİN-in Baş İstintaq və Təhqiqat İdarəsinin əməkdaşları və yol polisləri hadisə yerindədirlər. Yaralıların Quba və Şabran xəstəxanalarına çatdırılmasına başlanılıb.

Leyla Abdullayeva,  Sputnik Azərbaycan 

BAKI, 5 may - Sputnik. Şabranda ağır yol qəzası baş verib. Hadisə gecə  saatlarında olub. Sputnik Azərbaycan-ın verdiyi məlumata görə, yol nəqliyyat hadisəsi Bakı-Quba yolunun Şabranın Gəndab kəndindən keçən hissəsində qeydə alınıb.

Yerli sakinlərin sözlərinə görə, yüksək sürətlə gələn, Emin Sədrəddin oğlu İsmayılovun idarə etdiyi BMW markalı avtomobil "Pajero"ya çırpılıb. "Pajero"nun sürücüsü həlak olub, beş nəfərin xəsarət aldığı bildirilir. DİN-in Baş İstintaq və Təhqiqat İdarəsinin əməkdaşları və yol polisləri hadisə yerindədirlər. Yaralıların Quba və Şabran xəstəxanalarına çatdırılmasına başlanılıb.

61
Teqlər:
yaralılar, Şabran, qəza
Şəhid dəfni, arxiv şəkli

"Vətən Müharibəsi Qəhrəmanı"nın tabutu hərbi ehtiram zamanı Dövlət bayrağı ilə örtüləcək

0
(Yenilənib 16:20 06.05.2021)
Azərbaycan Respublikası Silahlı Qüvvələrinin qarnizon və qarovul xidmətləri Nizamnaməsinə dəyişiklik təklif edilir. Tabutu hərbi ehtiram göstərilməsi zamanı Azərbaycan Respublikasının Dövlət bayrağı ilə örtülən şəxslərin əhatə dairəsi genişləndirilir.

BAKI, 6 may — Sputnik. "Vətən Müharibəsi Qəhrəmanı"nın tabutu hərbi ehtiram göstərilməsi zamanı Dövlət bayrağı ilə örtüləcək.

Sputnik Azərbaycan-ın məlumatına görə, bununla əlaqədar Azərbaycan Respublikası Silahlı Qüvvələrinin qarnizon və qarovul xidmətləri Nizamnaməsinə dəyişiklik təklif edilir.

Təklif edilən dəyişikliyə əsasən, tabutu hərbi ehtiram göstərilməsi zamanı Azərbaycan Respublikasının Dövlət bayrağı ilə örtülən şəxslərin əhatə dairəsi genişləndirilir. Layihəyə əsasən, "Vətən Müharibəsi Qəhrəmanı" adı verilmiş, "Zəfər" və "Qarabağ" ordeni ilə təltif edilmiş şəxslər bu sıraya daxil edilir.

Bundan başqa, dəfn mərasiminin təşkili və keçirilməsi zamanı hərbi ehtiram göstərilən şəxslərin əhatə dairəsi genişləndirilir. Bununla əlaqədar Azərbaycan Respublikası Silahlı Qüvvələrinin qarnizon və qarovul xidmətləri Nizamnaməsinə dəyişiklik təklif edilir.

Layihəyə əsasən, "Vətən Müharibəsi Qəhrəmanı" adı verilmiş, Zəfər və Qarabağ ordeni ilə təltif edilmiş həqiqi hərbi xidmətdən ehtiyata və ya istefaya buraxılmış şəxslərin dəfn mərasiminin təşkili və keçirilməsi zamanı hərbi ehtiram göstəriləcək.

0