Автомобильная авария, фото из архива - Sputnik Azərbaycan, 1920
HADİSƏ
Azərbaycanda və dünyada baş verən insident, olay və qəzalar

Məktəbli qızları avtomobil vurdu, birinin həyatını xilas etmək mümkün olmadı

© Sputnik / Rahim MuradovAstarada piyadanın ölümü ilə nəticələnən yol qəzası baş verib
Astarada piyadanın ölümü ilə nəticələnən yol qəzası baş verib - Sputnik Azərbaycan, 1920, 25.04.2021
Abunə olmaq
Yevlaxda qeydə alınan ağır qəzada Zəhra Şahverdiyeva dünyasını dəyişib. Xəsarət alan Nigar Mirzəzadə isə müalicə üçün paytaxtda göndərilib.

Rahim Məmmədov, Sputnik Azərbaycan

BAKI, 25 aprel - Sputnik. Yevlaxda ölümlə nəticələnən yol-nəqliyyat hadisəsi baş verib. Sputnik Azərbaycan xəbər verir ki, şəhər ərazisində iki məktəbli qızı maşın vurub, onlardan biri dünyasını dəyişib. Hadisə şəhərin Nizami prospektində qeydə alınıb.

Yolun digər tərəfinə keçməyə cəhd edən 12 yaşlı Zəhra Şahverdiyeva və onun yaşıdı Nigar Mirzəzadəni “VAZ 21015” markalı minik maşını vurub. Müxtəlif dərəcəli bədən xəsarətləri alan hər iki məktəbli Yevlax şəhər Mərkəzi Xəstəxanasına çatdırılıb. Yaralılara tibb yardıb göstərilib. Həkimlərin səyinə baxmayaraq, Zəhra Şahverdiyevanın həyatını xilas etmək mümkün olmayıb.

Xəstəxanadan Sputnik Azərbaycan-a bildirlib ki, qəza zamanı xəsarət alan digər yaralı, Nigar Mirzəzadə isə paytaxtda yerləşən xəstəxanalardan birinə göndərilib.

Qeyd edək ki, qəzada dünyasını dəyişən Z. Şahverdiyeva Yevlax şəhər 7 saylı orta məktəbin şagirdi olub. Hadisənin baş vermə səbəbləri araşdırılır.

Xəbər lenti
0