Mingəçevirdə qardan sonra vəziyyət

Aranın qışı sona düşdü, Mingəçevirdə yağan qar fəsadlar törətdi - FOTOLAR

50
(Yenilənib 16:05 12.03.2021)
“Şəhərin bir neçə ünvanında iri gövdəli ağaclar aşıb, elektrik enerji verilişində fasilələr yaranıb.”

Rahim Məmmədov, Sputnik Azərbaycan

BAKI, 12 mart — Sputnik. Mingəçeviri əhatə edən Bozdağ silsiləsi, şəhərin özü ağ örpəyə bürünüb. Gecədən yağan qar, külək ölkənin 4-cü böyük şəhərində fəsadlar da törədib. İri gövdəli ağaclar aşıb, bir neçə ünvanda elektrik enerjisi verlişində fasilələr yaranıb. Qışı mülayim keçən şəhərdə mart ayında qar yağması yerli sakinlərin də təccübünə səbəb olub. Şəhər sakini Xavər Sadıqova Sputnik Azərbaycan-a bildirib ki, gecə güclü külək, ardından qar yağmağa başlayıb:

“Səhər durub eyvana çıxdım ki, hər yer qardır. Düzdür, qarı da istəyirik, amma işıqlar sönüb, bir neçə yerdə ağaclar qırılıb. Gecə güclü külək var idi, soradan qar yağmağa başladı. Mart ayında Mingəçevirə qar yağması təəccüblüdür. Yaz fəslinə az qalıb, belə vaxtlarda daha çox yağış yağır bura. Qonşum dedi ki, ağac aşıb elektrik xətlərinin üzərinə, məndə bazara gələndə bir neçə yerdə gördüm iri gövdəli ağaclar kökündən qopmuşdu”.

  • Mingəçevirdə qardan sonra vəziyyət
    © Sputnik / Rahim Mammadov
  • Mingəçevirdə qardan sonra vəziyyət
    © Sputnik / Rahim Mammadov
  • Mingəçevirdə qardan sonra vəziyyət
    © Sputnik / Rahim Mammadov
  • Mingəçevirdə qardan sonra vəziyyət
    © Sputnik / Rahim Mammadov
1 / 4
© Sputnik / Rahim Mammadov
Mingəçevirdə qardan sonra vəziyyət

Səhər saatlarından Mingəçevirdə hava mülayimləşdiyindən qar əriməyə başlayıb. Bu səbəbdən yollarda avtomobillərin gediş-gəlişində hər hansı çətinlik yaranmayıb. Bəzi şəhər sakinləri isə Mingəçevirə yağan mart qarının dadını da çıxarmağa çalışıblar. Böyükdən kiçiyə hər kəs qartopu oynayıb, qar adamı düzəldiblər.

 

50

Yasamal rayonunda avtomobilə atəş açılıb

665
İdarəetməni itirən sürücü nəqliyyat vasitəsini dərədən aşağı aşırıb. Hadisə yerinə Yasamal Rayon Polis İdarəsi və 29-cu Polis Şöbəsinin əməkdaşları cəlb edilib.

BAKI, 12 aprel - Sputnik. Bakının Yasamal rayonunda silahlı insident baş verib.

APA xəbər verir ki, hadisə Yeni Yaşamal yaşayış massivində qeydə alınıb.

Əsəd Əhmədov küçəsində 99-VH-886 dövlət nişanlı "Chevrolet" markalı avtomobilə atəş açılıb. İdarəetməni itirən sürücü nəqliyyat vasitəsini dərədən aşağı aşırıb. Hadisə yerinə Yasamal Rayon Polis İdarəsi və 29-cu Polis Şöbəsinin əməkdaşları cəlb edilib.

665
Нож в руке мужчины, фото из архива

Qazax sakini həmkəndlisi tərəfindən bıçaqlandı

20
(Yenilənib 00:00 12.04.2021)
37 yaşlı kişini mübahisə zəminində həmkəndlisi bıçaqlayıb. Hadisə yerinə hüquq-mühafizə orqanlarının əməkdaşları cəlb olunub.

BAKI, 11 aprel - Sputnik. Qazaxda bıçaqlanma hadisəsi baş verib.

APA bildirir ki, hadisə rayonun Şıxlı kəndində qeydə alınıb.

Kənd sakini, 1984-cü il təvəllüdlü Məmmədov Zaur Seyfəddin oğlu bıçaq xəsarəti ilə xəstəxanaya yerləşdirilib. Xəstə dərhal əməliyyat olunub, vəziyyətin kafi olduğu bildirilib.

Məlumata əsasən, 37 yaşlı kişini mübahisə zəminində həmkəndlisi bıçaqlayıb. Hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır.

20
 Azərbaycan Prezidenti İlham Əliyev bu gün ADA Universitetində keçirilən Cənubi Qafqaza yeni baxış: Münaqişədən sonra inkişaf və əməkdaşlıq adlı konfransda

İlham Əliyev: "Ermənistan Azərbaycanın addımlarını qiymətləndirmir"

13
(Yenilənib 10:48 13.04.2021)
"Biz indi də Rusiya sülhməramlıları ilə birgə bu axtarış əməliyyatlarında iştirak edirik. Mən sizə deyə bilərəm ki, birinci Qarabağ müharibəsində bizim dörd minə yaxın Azərbaycan hərbçisi itkin düşüb. Onlardan heç biri geri qaytarılmayıb. Onlardan heç biri".

Eldar Tanrıverdiyev, Sputnik Azərbaycan

BAKI, 13 aprel — Sputnik. Ermənistan Azərbaycanın addımlarını qiymətləndirmir. Bu, hadisələrin çox uğursuz inkişafının göstəricisidir. Əgər biz postmünaqişə dövründən danışırıqsa, biz gələcək barışığa gətirəcək elementlərə diqqət ayırmalıyıq. Sputnik Azərbaycan xəbər verir ki, bunu Azərbaycan Prezidenti İlham Əliyev bu gün ADA Universitetində keçirilən "Cənubi Qafqaza yeni baxış: Münaqişədən sonra inkişaf və əməkdaşlıq" adlı konfransda çıxışında deyib.

"Biz 1500-dən çox Ermənistan əsgərinin cəsədini qaytarmışıq. Biz indi də Rusiya sülhməramlıları ilə birgə bu axtarış əməliyyatlarında iştirak edirik. Mən sizə deyə bilərəm ki, Birinci Qarabağ müharibəsində bizim dörd minə yaxın Azərbaycan hərbçisi itkin düşüb. Onlardan heç biri geri qaytarılmayıb. Onlardan heç biri. Bax, fərq bundadır.

Biz Rusiya sülhməramlılarına öz dəmiryolu vasitələrimizlə logistik dəstək veririk. Onlar öz vasitələrini dəmiryolu vasitəsilə Bərdəyə gətirirlər ki, bu da Yerevana uçub, oradan da 5-6 saat Laçın dəhlizi ilə getməkdən daha asan və ucuzdur. Mən digər elementləri də nümunə gətirə bilərəm. Biz Rusiyanın "Qazprom" şirkətinə maye qazı Azərbaycan ərazisindən Ermənistana nəql etməyə icazə verdik. Çünki Rusiya ərazisində təmir işləri aparılırdı. Biz yox deyə bilərdik. Lakin biz hə dedik.

Bu başqa bir göstərici, başqa bir jestdir. Biz Ermənistana bizim Zəngilan, Qubadlı rayonlarımızdan keçən 21 kilometrlik yolu istifadə etməyə imkan verdik. Biz buna icazə verdik, blok etmədik. Onlar bizə müharibə zamanı işğal etdikləri ərazilərə bir metr yaxınlaşamağa imkan verdilər? Yox. Bütün bunlar birtərəfli addımlardır. Bu, sadəcə jest deyil, bu müharibə səhifəsini çevirmək üçün düşünülmüş siyasətdir. Açılış nitqimdə dediyim kimi, biz heç nəyi unutmayacağıq, lakin eyni zamanda biz gələcəyə də baxmalıyıq", - deyə İlham Əliyev bildirib.

13
Teqlər:
Qarabağ, sülhməramlı, Rusiya, Ermənistan, Azərbaycan, İlham Əliyev