Aktyorun xanımı: "Mədəniyyət Nazirliyi bir dəfə də olsun maraqlanmadı ki, nə baş verir?"
(Yenilənib 13:11 11.03.2021)
"Bütün şəkillər ortalıqdadır. Sadəcə onun əşyalarını qorumaq üçün şərait yaratmışam. Ev muzeyi dövlət tərəfindən qanuni şəkildə yaradılmalıdır" - Rəhimə NuriyevaŞahpəri Abbasova, Sputnik Azərbaycan
BAKI, 11 mart — Sputnik. Xəbər verdiyimiz kimi, bir neçə gün öncə mərhum Xalq artisti Yaşar Nurinin şəxsi əşyaları oğurlanıb. Hadisə mərhumun Novxanıda yerləşən bağ evində qeydə alınıb. Bu barədə Sputnik Azərbaycan-a danışan aktyorun həyat yoldaşı Rəhimə Nuriyeva bildirir ki, hazırda istintaq davam edir: "Hazırda hansı əşyaların itməyi ilə bağlı məlumat verə bilmərəm. Məlumat versəm, istintaqın gedişinə mane ola bilərəm. Əslində oranı muzey adlandırmaq olmaz. Yarımtikili bağ evidir. Heç döşəməsi də yoxdur. Taxtaları drellə yapışdırıb, divarda dəlik yaradıb şəkilləri asmışam. Bütün şəkillər ortalıqdadır. Sadəcə, onun əşyalarını qorumaq üçün şərait yaratmışam. Ev muzeyi dövlət tərəfindən qanuni şəkildə yaradılmalıdır".
"Hansısa insafsız gəlib oğurlayıb. Hazırda araşdırma gedir. O əşyaları nə edəcəklərini bilmirəm. Yaşar Nuri ömrünü mədəniyyətə həsr edən adam olub. Mədəniyyət Nazirliyi bir dəfə də olsun maraqlanmadı ki, nə baş verir? 2012-ci ildən bu günə kimi mənim evimə zəng gəlməyib. Nə bayram günü, nə ölən günü... Məndə sual yaranır ki, 40 il həyatını mədəniyyətə qurban verən insanın ailəsi ilə Mədəniyyət Nazirliyi niyə maraqlanmır. İş təkcə qərar qəbul etməkdən ibarət deyil axı. Mənəvi dəstək tamamilə başqa şeydir" , - Nuriyeva fikrini tamamlayıb.
Qeyd edək ki, Mədəniyyət naziri Anar Kərimov Yaşar Nurinin həyat yoldaşı Rəhimə Nuriyevanın şikayətinə reaksiya verib. Nazir açıqlamasında məsələ ilə maraqlanacağını bildirib.
Teqlər:
Tovuzda 20 yaşlı tələbə intihar edib
(Yenilənib 10:06 20.04.2021)
İntihar edən Tovuz rayon Aşağı Öysüzlü kənd sakini, 2001-ci il təvəllüdlü Paşa Mehdiyev Azərbaycan Dövlət Bədən Tərbiyəsi və İdman Akademiyasının tələbəsi olub.BAKI, 19 aprel - Sputnik. Tovuz rayonunda 20 yaşlı gənc intihar edib. Sputnik Azərbaycan Report-a istinadla xəbər verir ki, intihar edən Tovuz rayon Aşağı Öysüzlü kənd sakini, 2001-ci il təvəllüdlü Paşa Mehdiyev Azərbaycan Dövlət Bədən Tərbiyəsi və İdman Akademiyasının tələbəsi olub.
P.Mehdiyev özünü asaraq intihar edib. Hadisənin səbəbi hələlik məlum deyil.
Faktla bağlı cinayət işi açılıb, araşdırma aparılır.
Boyük Şorda dəhşətli qəza: Ana və azyaşlı oğlu öldü, yaralılar var
BAKI, 19 aprel - Sputnik. Bakının Sabunçu rayonunda ölümlə nəticələnən yol qəzası baş verib. Sputnik Azərbaycan APA-ya istinadla xəbər verir ki, hadisə Sabunçu dairəsi yaxınlığında qeydə alınıb.
Ana və iki övladı yolu keçərkən onları avtomobil vurub, ana və azyaşlı oğlu ölüb, digər qız uşağı isə xəsarət alıb. Hadisə nəticəsində Böyük Şor qəsəbəsindən hava limanına doğru şosedə tıxac yaranıb.
Hadisəni törədən "Ravon" markalı avtomobilin sürücüsü Tağıyev Taleh Əhliman oğlu Sabunçu Rayon Polis İdarəsinin əməkdaşları tərəfindən saxlanılıb.
Ağdam rayonunun İsmayılbəyli kəndindən görüntülər - VİDEO
(Yenilənib 10:50 20.04.2021)
Kənd 1993-cü il iyulun 4-də Ermənistan Silahlı Qüvvələri tərəfindən işğal olunub. 2020-ci il noyabrın 20-də üçtərəfli bəyanatın şərtlərinə uyğun olaraq, işğaldan azad edilib.Müdafiə Nazirliyi Ağdam rayonunun İsmayılbəyli kəndindən videogörüntülər paylaşıb. Sputnik Azərbaycan Müdafiə Nazirliyinə istinadən həmin görünütləri paylaşır.
İsmayılbəyli Azərbaycan Respublikasının Ağdam rayonunun Bağbanlar kənd inzibati ərazi dairəsində kənddir, dağ ətəyindədir. Keçmiş adı Mərzili İsmayılbəy olub. Yaşayış məntəqəsi Cavanşir qəzasında yaşamış mərzili tayfasına mənsub ailələrin başçısı İsmayıl bəyin adı ilə adlandırılıb.
Kənd 1993-cü il iyulun 4-də Ermənistan Silahlı Qüvvələri tərəfindən işğal olunub. 2020-ci il noyabrın 20-də üçtərəfli bəyanatın şərtlərinə uyğun olaraq, işğaldan azad edilib.