Bərdəlilər Hiçkoka rəhmət oxudurlar: qız bakılı sevgilisini niyə odladı? - FOTO

140
(Yenilənib 19:35 09.03.2021)
Bərdə rayonunda dəhşətli hadisə yaşanıb. Qızı ilə oğlanın sevgisindən xəbər tutan ata gənci Bakıdan Bərdəyə çağırıb. Elə olanlar da bundan sonra baş verib. Qız öz sevgilisinin üzərinə spirt tökərək, ona od vurub.

Emin Əlisahib, Sputnik Azərbaycan

BAKI, 9 mart — Sputnik. Bərdə rayonunda 1996-cı il təvəllüdlü Əliəhəd Eyvazovun üzərinə spirt tökülərək yandırılıb. İddiaya görə, bu hərəkət Əliəhəd Eyvazova qarşı sevdiyi qız və onun ailəsi tərəfindən edilib. Oğlanın sevgilisinin ailəsi əvvəlcə onu Bakıdan Bərdəyə çağırtdırıb.

Əliəhəd Eyvazovun anası Sevil Eyvazova Sputnik Azərbaycan-a açıqlamasında bildirib ki, martın 7-də Bərdə rayon sakini, həkim Natiq Məmmədov Əliəhədə zəng edərək onu Bərdəyə çağırıb. Onunla söhbət edəndən sonra bu hadisə baş verib: "Eşitdim, dedim, oğul, getmə. Dedi, mama, deyib, kişi kimi gəl, söhbət edək. Sözümə baxmadı. Getdi. Natiq onu restorana aparıb, spirtli içki içirdib, sonra da evinə aparıb”.

© Sputnik / Emin Alisahib
Əliəhəd Eyvazovun anası Sevil Eyvazova

Sevil Eyvazovun iddiasına görə, hadisə zamanı qıza yaxın qohumları da köməklik ediblər. Qızın atası Natiq Məmmədov və qardaşı oğlu Orxan Əliəhədin qollarını tutublar, qız isə onu yandırıb: “İçəri girən kimi Natiq qardaşı oğlu Orxanla girib oğlumun qoluna. Qızı Sevinc də gətirib başından aşağı bir butulka maddə töküb. Sonra Sevinc kibriti çəkib, atıb oğlumun üzərinə. Sevinc anası Mərziyyə ilə giriblər oğlumun qoluna, qoymayıblar özünü söndürsün” .

Bunun ardınca qız balta gətirərək Əliəhədin başını kəsmək istəyib, bunun izləri də qalıb: “Sevinc qolundan çıxıb, Orxan girib qoluna, Sevinc gedib balta götürüb ki, oğlumun başını kəssin. Var yeri, əlinin içi də bütün kəsilib”.

Sevil Eyvazovanın sözlərinə görə, ailə izi azdırmaq üçün oğlunun  üzərində olan əşyalarını da götürüb ki, hadisə oğurluq kimi qiymətləndirilsin və faktı onların törətdiyi bilinməsin: “Cibindən 1500 manatını və telefonunu da götürüblər ki, oğurluq kimi qiymətləndirilsin”.

© Sputnik / Emin Alisahib
Zərərçəkmiş Əliəhəd Eyvazov

Hadisənin səbəbinə gəlincə, oğlan anasının sözlərinə görə, oğlunun münasibətdə olduğu qızı almaması qız tərəfinin narazılığına səbəb olub: 

“Deyirdilər ki, mənim qızımı al. Bir uşağı da var. Mən keçən il Bərdəyə gəldim və anasına dedim ki, mənim oğlumdan əl çəkin. Qızınızı almayacam. Sonra oğlumla qız gizli görüşdülər. Mən oğluma dedim ki, qızla münasibətinə son qoy. Elə hadisə də onun üstündə olub. Qızın atası deyib ki, mənim qızımı almalısan. Almırsansa, gəl, qızın özünə de, sonra get. Bu bəhanə ilə evə aparıb. İçəri girən kimi də yandırıblar”.

Məlumata görə, Əliəhədin 24, Sevincin isə 33 yaşı var.

Baş verən hadisə ilə bağlı qarşı tərəfin də mövqeyini öyrəndik. Qızın atası Natiq Məmmədov Sputnik Azərbaycan-a açıqlamasında bildirdi ki: “Oğlan başqa adamla mənə söz göndərdi ki, sənin qızın mənimlə əxlaqsız hərəkətlər edib. Mən də oğlana zəng vurdum. Dedim ki, ya mən Bakıya gəlim, ya da sən Bərdəyə gəl. Oğlan da özü Bərdəyə gələcəyini dedi və biz görüşdük. Oturduq restoranda, çörək yedik. Və mən ona dedim ki, mənə dediyin sözləri qızımın üzünə de və mənə sübut et. Bu məsələ də bitsin. Oğlan əvvəlcə qızımla üz-üzə gəlməyə razı olmasa da sonradan razılaşdı. Gəldik bizim evə. Qızımın da iştirakı ilə söhbət etməyə başladıq. Qızım onun ünvanına deyilən sözləri eşitdikdə hamısının şər-böhtan olduğunu dedi. Əvvəlcə bıçaqla oğlanı vurmaq istədi. Qızımın əlindən bıçağı çətinliklə almağa nail oldum. Amma bir anda necə oldusa, bilmədim, qızım əlindəki spirti oğlanın üzərinə atıb, ona od vurdu. Biz onu birtəhər söndürdük”.

© Sputnik / Emin Alisahib
Zərərçəkmiş Əliəhəd Eyvazov

Natiq Məmmədov onu da əlavə etdi ki, oğlanla qız heç də internet vasitəsi ilə tanış olmayıblar:

“Əliəhədlə anası qızımın Bakıdakı mağazasında işçi olaraq çalışıblar. Oğlanın anası qızımın mağazasından 2000 manat pul oğurladığından qızım onu işdən qovub. Biz şikayətçi olmadıq və qızım onlardan uzaqlaşmağı üstün tutdu. Amma ana ilə oğul bizdən əl çəkmədilər. Davamlı olaraq bizi şantaj etməklə pul əldə etməyə çalışdılar. Nəticə də bax belə oldu”.

Əliəhədin səhhətinə gəlincə, bu barədə Bərdə rayon Mərkəzi Xəstəxanasının həkim-travmatoloqu Xalid Məmmədov bildirdi ki, xəstə daxil olarkən onun huşu özündə olub.

© Sputnik / Emin Alisahib
Bərdə rayon Mərkəzi Xəstəxanasının həkim-travmatoloqu  Xalid Məmmədov

“Ayın 8-də Eyvazov Əliəhəd sifətin, hər iki qulağın, boyunun ön və arxa səthinin, döş qəfəsindən yuxarı ön səthinin, hər iki əlin I, II, III A dərəcəli  texniki alov yanığı ilə daxil olub. Daxil olanda xəstənin vəziyyəti orta ağır halda olub. Huşu özündə olub. Xəstəyə ilk lazımi yardımlar göstərilib. Reanimasion tədbirlər aparılıb. Hal-hazırda xəstənin durumu qənaətbəxşdir”. 

Qeyd edək ki, xəstənin müalicəsini davam etdirmək üçün Respublika Yanıq Mərkəzinə göndərilib. Hazırda faktla bağlı Bərdə rayon Prokrorluğunda araşdırma aparılır.

140
Teqlər:
xəsarət, balta, həkim, yanıq, oğlan, qız, Bakı, kriminal, Bərdə
Aşmış ağac

Yevlaxda qovaq ağacı aşdı, obyektler ziyan gördü - FOTO

2
(Yenilənib 11:34 13.04.2021)
Yevlax sakini: “Uşaqlar nəhəng ağac aşmazdan bir neçə dəqiqə əvvəl evə girmişdilər, çox şükür ki, salamat qurtulduq”.

Rahim Məmmədov, Sputnik Azərbaycan

BAKI, 13 aprel — Sputnik. Yağış yağmadı, tufan olmadı, nəhəng ağac nərilti ilə iki hissəyə ayrılıb böyük ərazini əhatə edən yerə aşdı. Sputnik Azərbaycan xəbər verir ki, hadisə Yevlaxın Yuxarı Salamabad kəndində baş verib. Təxminən 60-70 il öncə əkilən qovaq ağacı qəfildən aşaraq 4 kənd sakini - Rza Rüstəmov, Yazgül Baxışova, Elşən İlyasov, Məhəmməd Məmmədovun obyektlərini yararsız hala salıb. Ağacın iri budaqları dam örtüklərini, satışda olan malları sıradan çıxarıb.

Yuxarı Salamabad kənd sakini Ağca Məmmədova Sputnik Azərbaycan-a bildirib ki, həyətində olan ağac aşan zaman qorxub, həyəcan keçirib: “Bir anlıq düşündüm ki, evin üzərinə aşacaq. Həm də orada uşaqlar oynayırdılar, qorxdum ki, onlara xəsarət yetirər. Əvvəlcə bərk səs gəldi, bir tərəfi aşdı, qışqırdım, qonşuları çağırdım. Sonra gördüm ki, ağac iki hissəyə bölünərək aşıb. Çox şükür ki, evimizin üzərinə aşmadı, bəlkə də külək olsaydı, istiqamətini dəyişərdi. Həyətdə olan su kranını, su mühərrikini zədələyib. Tövlənin üstünə düşüb, dam örtüyünü sındırıb. Sevinirəm ki, xəsarət alan olmadı, evimizi dağıltmadı”.

  • Aşmış ağac
    © Sputnik / Rahim Mammadov
  • Aşmış ağac
    © Sputnik / Rahim Mammadov
  • Aşmış ağac
    © Sputnik / Rahim Mammadov
  • Hadisə yerində
    © Sputnik / Rahim Mammadov
  • Aşmış ağac
    © Sputnik / Rahim Mammadov
1 / 5
© Sputnik / Rahim Mammadov
Aşmış ağac

Sakinlər iddia edirlər ki, aşan qovaq ağacının 60-70 il yaşı olar. Ağac içərisindən çürüdüyündən qəfildən iki yerə ayrılıb və sakinlərə zərər vurub.

Kənd sakini Seymur Cəfərov bildirib ki, ağac aşan zaman xəsarət alan olmasa da, sahibkarlara xeyli ziyan dəyib: “Günortadan keçmişdi, bərk səs eşidildi. Bir də gördük ki, nəhəng qovaq ağacı aşdı. Yaxınlıqda olan 4 sahibkara ciddi ziyan dəyib. Əsasən dam örtükləridir, bir obyektin də divarını zədəliyib. Çox şükür ki, xəsarət alan olmadı. Ağacın budaqları çox qalın və ağırdır, ona görə düşdüyü yeri dağıdıb. Onu da qeyd edim ki, bir il öncə Ekologiya və Təbii Sərvətlər Nazirliyi tərəfindən ağacın budaqlarının kəsilməsi barədə sərəncam verilib".

Qovaq digər ağaclara nisbətən o qədər də möhkəmliyi ilə seçilmir. Ağac böyüdükcə müəyyən hissələrində çürümə gedir və onun məhvinə səbəb olur.

2

Yasamal rayonunda avtomobilə atəş açılıb

665
İdarəetməni itirən sürücü nəqliyyat vasitəsini dərədən aşağı aşırıb. Hadisə yerinə Yasamal Rayon Polis İdarəsi və 29-cu Polis Şöbəsinin əməkdaşları cəlb edilib.

BAKI, 12 aprel - Sputnik. Bakının Yasamal rayonunda silahlı insident baş verib.

APA xəbər verir ki, hadisə Yeni Yaşamal yaşayış massivində qeydə alınıb.

Əsəd Əhmədov küçəsində 99-VH-886 dövlət nişanlı "Chevrolet" markalı avtomobilə atəş açılıb. İdarəetməni itirən sürücü nəqliyyat vasitəsini dərədən aşağı aşırıb. Hadisə yerinə Yasamal Rayon Polis İdarəsi və 29-cu Polis Şöbəsinin əməkdaşları cəlb edilib.

665
Prezident İlham Əliyev, arxiv şəkli

"Ermənistan Azərbaycanla aqressiv davranmağa cəhd etmək durumunda deyil" - İlham Əliyev

0
"Bəli, mən prezidentəm və öz öhdəliklərimi yerinə yetirməliyəm. Lakin biz hamımız insanıq, hisslərimiz var. Biz onları gizlədə, onları idarə edə bilərik. Bəzən bu çox çətindir".

Eldar Tanrıverdiyev, Sputnik Azərbaycan

BAKI, 13 aprel — Sputnik. Təbii ki, azərbaycanlıların və ermənilərin gələcəkdə necə qarşılıqlı əlaqədə olacağını təxmin etmək çətindir. Düşünürəm ki, bu, böyük ölçüdə siyasətçilərin iradəsindən və siyasi müdrikliyindən asılı olacaq. Düşünürəm ki, burada, həm də Yerevanda körpülər qurmaq üçün daha aktiv olmalıyıq. Təbii ki, əgər bunu Ermənistan istəyirsə. Biz onların niyyətlərini bilmirik. Onlar bunu heç vaxt açıqlamayıblar. Sputnik Azərbaycan xəbər verir ki, bunu Azərbaycan Prezidenti İlham Əliyev bu gün ADA Universitetində keçirilən "Cənubi Qafqaza yeni baxış: Münaqişədən sonra inkişaf və əməkdaşlıq" adlı konfransda çıxışında deyib.

"Mən artıq bir neçə dəfə demişəm ki, biz müharibə səhifəsinin bağlandığını düşünürük. Mən artıq bir neçə dəfə demişəm ki, biz artıq Ermənistanla mümkün sülh razılaşması ilə bağlı da danışa bilərik. Bu bizim planlarımızdır. Lakin biz Ermənistan tərəfindən belə bir mesajlar görmürük.

Ermənistan Baş naziri susub. Ermənistan xarici işlər naziri isə aqressivdir. Ermənistan Azərbaycanla aqressiv davranmağa cəhd etmək durumunda deyil. Müharibə zamanı baş verənləri xatırlamalıdırlar. Erməni müxalifəti əslində isteriyadadır. Hazırda Azərbaycanafobiya və türkofobiya yeganə amilə çevrilib. Bu onlarda həmişə ən önəmli faktorlardan biri olub. Onların seçki kampaniyalarını Azərbaycanafobiya və türkofobiya, revanşizm hissi üzərində quracaqlarına əminəm.

Buna görə bu qarşılıqlı əlaqəni birtərəfli qura bilmərik. Mövqeyimiz aydındır. Biz buna hazırıq. Bu asan olmayacaq. Ağdama və digər işğaldan azad olunan ərazilərə qayıdacaq sabiq məcburi köçkünlər ermənilərin onların torpaqlarına, onların yaxınların məzarlarına, dini abidələrə nə etdiklərini görəcəklər. Onlar nə hiss edəcəklər? Mən bunu təxmin edə bilərəm. Bilirsiniz, mən müharibə zamanı təmas xəttini keçəndə və ya Ağdama binokl vasitəsi ilə baxanda və işğaldan azad olunan ərazilərə səfər edəndə eyni şeyi hiss etdim. Bəli, mən prezidentəm və öz öhdəliklərimi yerinə yetirməliyəm. Lakin biz hamımız insanıq, hisslərimiz var. Biz onları gizlədə, onları idarə edə bilərik. Lakin bəzən bu çox çətindir. Mən Azərbaycanlı qaçqınların hansı hissləri keçirəcəyini proqnozlaşdıra bilmərəm. Lakin gələcəyə baxan bir insan kimi, əgər Ermənistan tərəfi müsbət siqnallar verərsə, biz bu əlaqələri qurmaq üçün hər şeyi edəcəyik", -  Azərbaycan Prezidenti əlavə edib.

0