Xaçmaz yolunda avtomobil at arabasını vurdu, yaralılar var
(Yenilənib 17:28 09.03.2021)
Xaçmaz - Niyazoba yolunda 56 yaşlı Şahmar Hacıyev idarə etdiyi avtomobillə at arabasını vurub. Qəzada üç nəfər xəsarət alıbLeyla Abdullayeva, Sputnik Azərbaycan
BAKI, 9 mart - Sputnik. Avtomobil at arabasını vurdu, üç nəfər xəstəxanalıq oldu. Hadisə Xaçmaz - Niyazoba yolunda baş verib. Sputnik Azərbaycan-ın verdiyi məlumata görə, 56 yaşlı Şahmar Hacıyev idarə etdiyi avtomobillə at arabasını vurub. Nəticədə sürücü Şahmar Hacıyev, at arabasını sürən 28 yaşlı Təbrik Məmmədov və 27 yaşlı Nurlan Zülfüqarov müxtəlif dərəcəli xəsarətlər alıblar. Onlar Xaçmaz rayon Mərkəzi Xəstəxanasına çatdırılıblar. Faktla bağlı araşdırma aparılır.
Teqlər:
Bakıda minik maşını avtobusa çırpılıb, yaralı var
(Yenilənib 23:24 14.04.2021)
Nərimanov rayonunda dayanacaqda saxlamış "Bakubus" MMC-yə məxsus avtobusa yüksək sürətlə hərəkət edən minik maşını çırpılıb. BAKI, 14 aprel - Sputnik. Bakının Nərimanov rayonunda yol-nəqliyyat hadisəsi baş verib.
Sputnik Azərbaycan APA-ya istinadən xəbər verir ki, hadisə Koroğlu Rəhimov küçəsində qeydə alınıb.
“Bakubus” MMC-yə məxsus 13 nömrəli marşut avtobusu dayanacaqda duran zaman yüksək sürətlə hərəkətdə olan “Hyundai” markalı avtomobil ona çırpılıb. Qəza nəticəsində minik avtomobilinin sürücüsü ağır bədən xəsarəti alıb.
Hadisə yerinə Nərimanov Rayon Polis İdarəsinin əməkdaşları cəlb ediliblər.
Teqlər:
Ucarda iki nəfər bıçaqlanıb, qadın ölüb
(Yenilənib 21:20 14.04.2021)
Həkimlərin müdaxiləsinə baxmayaraq, Validə Kərimova xəstəxanada ölüb. Faktla bağlı Ucar rayon Prokurorluğunda araşdırma aparılır.Rəşad Kərəmoğlu, Sputnik Azərbaycan
BAKI, 14 aprel — Sputnik. Ucarda 33 yaşlı qadını bıçaqla öldürüblər.
Sputnik Azərbaycan-ın məlumatına görə, bu gün günorta saatlarında Ucar Mərkəzi Rayon Xəstəxanasına bıçaq xəsarətləri ilə rayon sakinləri - 1985-ci il təvəllüdlü Kərimova Validə Məzahir qızı və 1988-ci il təvəllüdlü Məmmədov Qasım Fazil oğlu gətiriliblər.
Həkimlərin müdaxiləsinə baxmayaraq, Validə Kərimova xəstəxanada ölüb. Hadisənin hələlik hansı şəraitdə baş verməsi dəqiq məlum deyil.
Faktla bağlı Ucar rayon Prokurorluğunda araşdırma aparılır.
Teqlər:
Baydenlə Putinin görüşü yaxın həftələrdə baş tuta bilər
BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.
Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.
RUSSIA: Jen Psaki jokes with a reporter about a possible meeting between President Biden and Vladimir Putin pic.twitter.com/6HpEEiaPCA
— Forbes (@Forbes) April 13, 2021
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.
Teqlər: