Автомобильная авария, фото из архива - Sputnik Azərbaycan, 1920
HADİSƏ
Azərbaycanda və dünyada baş verən insident, olay və qəzalar

Sarayda ev partladı: yaralılardan ikisi körpədir

© Sputnik / Murad OrujovFHN yanğınsöndürən
FHN yanğınsöndürən - Sputnik Azərbaycan, 1920, 05.03.2021
Abunə olmaq
Saray qəsəbəsində, ilkin ehtimala görə, qaz sızmasından fərdi evdə partlayış olub. Ağır xəsarət alanlardan ikisi uşaqdır.

BAKI, 5 mart - Sputnik. Abşeron rayonunun Saray qəsəbəsində fərdi evdə partlayış olub. Sputnik Azərbaycan-ın məlumatına görə, hadisə nəticəsində 4 nəfər xəsarət alıb. 

Hadisə bu gün səhər saatlarında olub. 49 yaşlı Mətanət Mehdiyeva, 23 yaşlı Ayşə Mahmudova, 3 yaşlı Məhəmməd Mahmudov və 4 yaşlı Nilay Mahmudova ağır vəziyyətdə xəstəxanaya çatdırılıblar. İlkin versiyaya görə, faciəyə səbəb məişət qazının sızması olub. 

Oxşar hadisə yanvarın 25-də Xırdalan şəhərində baş vermişdi. Şəhərin 27-ci məhəlləsində yerləşən fərdi ikimərtəbəli binada partlayış olmuş, 8 nəfər dağıntılar arasından çıxarılmışdı. Onlardan 33 yaşlı Aytən Musayeva artıq keçinmişdi. Bir gün sonra isə onun qızı Fatimə Musayevanın cansız bədəni tapılmışdı. 

Yaxınlıqda olan binaların dörd sakini də həmin partlayış zamanı xəsarət almışdı.

Xəbər lenti
0