CƏMİYYƏT
Cəmiyyətin həyatında baş verən aktual hadisələr

Ucarda dəhşətli qəza: Maşın kanala uçdu, 3 ölü, 2 yaralı var

© Sputnik / Irade JELILUcar rayonunun girişi
Ucar rayonunun girişi - Sputnik Azərbaycan, 1920, 20.02.2021
Abunə olmaq
Hadisə saat 21:00 radələrində Bakı-Qazax əsas magistral yolunun Ucar rayonunun Küçəkənd kəndindən keçən hissəsində qeydə alınıb.

BAKI, 20 fevral - Sputnik. Bu gün axşam saatlarında Ucarda 3 nəfərin ölümü ilə nəticələnən dəhşətli yol qəzası baş verib.

Sputnik Azərbaycan APA-ya istinadla xəbər verir ki, hadisə saat 21:00 radələrində Bakı-Qazax əsas magistral yolunun Ucar rayonunun Küçəkənd kəndindən keçən hissəsində qeydə alınıb.

"Mercedes" markalı minik maşını idarəetmədən çıxaraq aşıb. Nəticədə 3 nəfər dünyasını dəyişib, 2 nəfər isə xəsarət alıb.

Yol qəzasında Bakı şəhər sakinləri, 1994-cü il təvəllüdlü Qaraxan Mənsur oğlu Qüdrətov və Oruc Mahir oğlu Tağızadə xəsarət alıb. Vəfat edənlərdən biri "Mercedes" markalı avtomaşının sürücüsü, Gəncə şəhər sakini Tural İlham oğlu Həmzəyevdir.

Qəzada ölən digər 2 nəfərin şəxsiyyəti dəqiqləşdirilir.

Qeyd edək ki, yol qəzası ilə bağlı Fövqəladə Hallar Nazirliyi də məlumat yayıb. Hadisə ilə bağlı FHN-in "112" qaynar telefon xəttinə Ucar rayonunun Qaracallı kəndi ərazisində “Mercedes” markalı minik avtomobilinin su kanalına aşması barədə məlumat daxil olub. Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri sıxılı vəziyyətdə qalan 3 nəfərin (şəxsiyyətləri dəqiqləşdirilir ) meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

Xəbər lenti
0