Yol Patrul Xidmətinin maşını gecə reydi zamanı

Gecə adrenalini: Sumqayıtda əmrə tabe olmayan avtobus olay yaratdı - YENİLƏNİB - VİDEO

5714
(Yenilənib 01:42 05.02.2021)
Sosial şəbəkə istifadəçiləri avtobusun Bakı-Sumqayıt marşrutu üzrə işlədiyini, içində sürücü və pulyığandan başqa heç kim olmadığını, hətta onların sərxoş olduqlarından polisdən qaçdıqlarını yazırlar

BAKI, 5 fevral - Sputnik. Bakı Nəqliyyat Agentliyi Sumqayıtdakı avtobusla xuliqanlıq olayına aydınlıq gətirib. 

Sputnik Azərbaycan bildirir ki, BNA-nın mətbuat katibi Mais Ağayev bununla bağlı məlumat yayıb: "Məlum olduğu kimi, 04.02.2021 tarixində axşam saatlarında Sumqayıt şəhərində sərnişin avtobusunun sürücüsünün avtoxuliqanlıq etməsinə dair fakt qeydə alınıb.
Bəzi xəbər saytlarında və sosial şəbəkə hesablarında avtobusun Bakı Nəqliyyat Agentliyinə məxsus olması barədə həqiqətə uyğun olmayan informasiyalar yayılıb.
Məlumat üçün bildiririk ki, avtoxuliqanlıq halı qeydə alınan nəqliyyat vasitəsi “Xaliq Faiqoğlu” MMC-yə aiddir. 10 TG 816 Dövlət Qeydiyyat Nişanlı avtobus 114 nömrəli müntəzəm xətt üzrə istismardadır.
Hazırda fakt üzrə hərtərəfli araşdırma aparılır. Xətt üzrə daşıyıcı “Xaliq Faiqoğlu” MMC-nin məsul şəxsləri Agentliyə çağırılıblar. Məsələ ilə bağlı ictimaiyyətə ətraflı məlumat veriləcək".

----------

00:18

Sosial şəbəkələrin Azərbaycan seqmenti hazırda "Sumqayıtda avtobusun qaçırılması" xəbərini müzakirə edir. 

Sputnik Azərbaycan bildirir ki, şəhərə aid bağlı qruplarda paylaşılan videolarda uzun, ağ rəngli sərnişin avtobusunun polislərin "dur!" əmrinə tabe olmayaraq sürətlə şütüdüyü, onadək polis avtomobilinin onu təqib etdiyi görünür. 

Hələlik rəsmi məlumat olmasa da, sosial şəbəkə istifadəçiləri avtobusun Bakı-Sumqayıt marşrutu üzrə işlədiyini, içində sürücü və pulyığandan başqa heç kim olmadığını, hətta onların sərxoş olduqlarından polisdən qaçdıqlarını yazırlar. İlkin məlumatlar isə daha vahiməli idi: guya avtobusda məhkum varmış və bu səbəbdən qaçırılıbmış.

Bildirilir ki, polislər avtobusu dayandıraraq sürücünü yaxalaya biliblər.

5714
Teqlər:
polis, video, avtobus, Sumqayıt
Şəki-Qax yolunda yanğın

Ekoloji fəlakətin bir addımlığında: Şəki-Qax yolunda güclü yanğın baş verib - FOTOLAR

442
(Yenilənib 01:02 08.03.2021)
Magistral yolun kənarında olan kolluq ərazidə baş vermiş yanğın avtomobillərin gediş-gəlişində çətinliklər yaradıb. Bununla yanaşı, elektrik və rabitə xətləri də yanıb.

İbrahim Həşimov, Sputnik Azərbaycan.

BAKI, 7 mart – Sputnik. Şəki-Qax yolunda güclü yanğın başlayıb. Sputnik Azərbaycan-ın bölgə müxbiri xəbər verir ki, hadisə Şəki-Qax avtomobil yolunun ətrafında, Qaxın Qaşqaçay və Şəkinin Biləcik kəndlərinin sərhəd hissəsində baş verib.

Magistral yolun kənarında olan kolluq ərazidə baş vermiş yanğın avtomobillərin gediş-gəlişində çətinliklər yaradıb. Bununla yanaşı, elektrik və rabitə xətləri də yanıb.

  • Şəki-Qax yolunda yanğın
    © Sputnik / Ibrahim Hashimov
  • Şəki-Qax yolunda yanğın
    © Sputnik / Ibrahim Hashimov
  • Şəki-Qax yolunda yanğın
    © Sputnik / Ibrahim Hashimov
1 / 3
© Sputnik / Ibrahim Hashimov
Şəki-Qax yolunda yanğın

Yanğın baş verən əraziyə Fövqəladə Hallar Nazirliyinin Şəki Yanğından Mühafizə Hissəsinin 3 yanğınsöndürən texnikası və 25 nəfər şəxsi heyəti cəlb edilib. Havanın küləkli olması alovun əhatə dairəsini artırıb. Alov təxminən 10 hektar ərazini əhatə edir.

Hal hazırda yanğın bir qədər lokallaşdırılıb və alovun söndürülməsi istiqamətində işlər aparılır. İlkin ehtimala görə, yanğın vətəndaşların ehtiyatsızlığı səbəbindən baş verib. Əraziyə söndürülməmiş siqaret atıldığı və ya ocaq qalandığı ehtimal edilir.

Qeyd edək ki, sözügedən ərazi zəngin flora və faunaya malikdir. Yanğının davam etməsi, onun dağ-meşə massivinə doğru hərəkət etməsinə səbəb ola bilər.

 

442
Dönərxana, arxiv şəkli

On yeddi yaşlı gənc dönərxanada zəhərlənərək ölüb

32
(Yenilənib 19:14 07.03.2021)
Hadisə nəticəsində rayonun Əhmədoba kənd sakini, 2004-cü il təvəllüdlü Səbuhi İsmayıl oğlu Kərimov ölüb.

Leyla Abdullayeva,  Sputnik Azərbaycan 

BAKI, 7 mart - Sputnik. Xaçmaz rayonunda dönərxanada dəm qazından zəhərlənmə hadisəsi baş verib.

Sputnik Azərbaycan-ın bölgə müxbiri xəbər verir ki, hadisə rayon mərkəzindəki "Köhnə avtovağzal" adlanan ərazidə yerləşən dönərxanada qeydə alınıb.

Hadisə nəticəsində Xaçmaz rayon Əhmədoba kənd sakini, 2004-cü il təvəllüdlü Səbuhi İsmayıl oğlu Kərimov ölüb, Müzəffəroba kənd sakini, 1995-ci il təvəllüdlü Mayıl Eyyub oğlu Məmmədov isə Xaçmaz Rayon Mərkəzi Xəstəxanasına yerləşdirilib.

Dünyasını dəyişən Səbuhi İsayev obyektin işçisi olub. 
Hadisə ilə bağlı Xaçmaz rayon prokurorluğunda cinayət işi başlanıb. 

32
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0