Kürdə axtarış işləri

Kür çayında balıqçı müəmması - Üç uşaq atası hara yoxa çıxıb?

1643
(Yenilənib 22:18 02.02.2021)
Batdığı ehtimal edilən hər iki şəxsin axtarışları Kür çayının Mingəçevir və Yevlax rayonlarından keçən hissəsində davam etdirilir.

Rahim Məmmədov, Sputnik Azərbaycan

BAKI, 2 fevral — Sputnik. Mingəçevirdə dünyaya göz açanlar, üzgüçülük və qayıq idarə etməkdə ölkəmizin digər bölgələrinin sakinlərindən fərqlənirlər. Hətta şəhərin “Köhnə Mingəçevir kəndi” adlanan ərazisində belə deyim də var ki, burada doğulanlar quruda yeriməzdən əvvəl, suda üzməyi bacarırlar. Kür çayında batdığı ehtimal edilən 41 yaşlı Səfxan Yusifov da uzun illərdir Kürdə qayıq idarə edib. Sputnik Azərbaycan-la söhbətində Mingəçevir sakini Səfxan Yusifovun əmisi oğlu Qurbanəli Yusifov illərdir Səfxanın qayıq idarə etdiyini və çox yaxşı üzmək bacarığı olduğunu deyib:

  • Kürdə axtarış işləri
    © Sputnik / Rahim Mammadov
  • Kürdə axtarış işləri
    © Sputnik / Rahim Mammadov
  • Rauf Məmmədov
    © Sputnik / Rahim Mammadov
  • Sefxan Yusifov
    © Sputnik / Rahim Mammadov
  • Kürdə axtarış işləri
    © Sputnik / Rahim Mammadov
1 / 5
© Sputnik / Rahim Mammadov
Kürdə axtarış işləri

“Əmimoğluna zəng çatmayıb. Hər kəsin ağlına bir şey gəlib ki, yəqin yolda mühərrik xarab olub bunlar qalıblar çayın ortasında. Arxalarınca başqa bir qayıq gedib, görüblər qayıq olduğu kimi qamışılıqda dayanıb. Mühərrik özbaşına sönüb. Amma bunların heç birindən xəbər yoxdur. Sanki quş olub havaya uçublar. Dalğıclar gəlib, axtarışlar gedir. Dəqiq bəlli deyil ki, hadisə harada baş verib. Necə olub ki,suya düşüblər? Çünki qayıqda heç bir zədə yoxdur. Bütün bunlar qaranlıq olduğuna görə, təbii ki bu da onların tapılma ehtimalını çətinləşdirir. Hava şəraiti də, əlverişli deyil”.

Kür çayında xüsusi qarmaqlar vasitəsilə kəşfiyyat işləri, sahil zolağında və çayətrafı ərazilərdə vizual baxış tədbirləri həyata keçirilib. Bu gün səhər saatlarından etibarən Kür çayında axtarış zonası daha da genişləndirilərək axtarışlar intensiv şəkildə davam etdirilib. Bunu Sputnik Azərbaycan-a Kiçik Həcmli Gəmilərə Nəzarət və Sularda Xilasetmə Dövlət Xidmətinin Daxili Su hövzələri üzrə şöbəsinin rəisi Rauf Məmmədov bildirib.

“Sadıxbəyli Ramin Qaçay oğlu və Yusifov Səfxan Aydın oğlunun axtarışları davam edir. Şübhəli ərazidən Yevlax rayonunun Varvara kəndi sahili hissəsinə qədər axtarışlarımız davam edir. Müəyyən qurğular və texniklar vasitəsi ilə axtarışları aparırıq”.

Xatırladaq ki, Mingəçevir sakinləri Sadıxbəyli Ramin Qaçay oğlu və Yusifov Səfxan Aydın oğlu fevralın 1-də gecə saatlarında Kür çayında balıq tutmağa gediblər və yoxa çıxıblar.

Qeyd edək ki, Səfxan Yusifov 3 uşaq atası olub.

1643
Asteroid

Yer kürəsi təhlükədə - beş asteroid birdən yaxınlaşır

187
(Yenilənib 00:52 06.03.2021)
Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

BAKI, 5 mart - Sputnik. Bu gecə Yer kürəsinə sərnişin təyyarəsi ölçüsündə asteroid yaxınlaşacaq. Sputnik Azərbaycan Report-a istinadla xəbər verir ki, bu barədə NASA JPL Elmi Tədqiqat Mərkəzi bildirib.

Saytdakı hesablamalara əsasən 2021 CF8 asteroidinin Yerdən ən yaxın məsafəsi 4,4 milyon kilometr təşkil edəcək. Göy cisiminin diametri 52 metrə bərabərdir.

Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

Növbəti 3 gündə Yer kürəsinin yaxınlığından növbəti həmçinin daha üç asteroid keçəcək. Onlardan ən böyüyü 2021 EB-dir. Onun diametri 43 metrə malikdir və planetimizdən 2,7 milyon kilometr məsafədə keçəcək.

187

Gəncədə sərnişinlərin olduğu mikroavtobus qəzaya uğrayıb, yaralılar var

84
(Yenilənib 23:22 05.03.2021)
Hadisə şəhərin Nəriman Nərimanov prospektində qeydə alınıb. Qəza nəticəsində ilkin olaraq 5 nəfərin xəsarət aldığı bildirilir.

BAKI, 5 mart - Sputnik. Gəncə şəhərində 11 nömrəli marşrut xətti üzrə hərəkətdə olan sərnişin mikroavtobusu minik avtomobili ilə toqquşub.

Sputnik Azərbaycan Report-a istinadla xəbər verir ki, hadisə şəhərin Nəriman Nərimanov prospektində qeydə alınıb. Qəza nəticəsində ilkin olaraq 5 nəfərin xəsarət aldığı bildirilir.

Xəsarət alanlar Mövsümov Vasif Hüseyn oğlu (1985-ci il təvəllüdlü), Hüseynov Akif Qabil oğlu, Əliyev Ayxan Elnur oğlu (2014), İsgəndərov Nail Hamlet oğlu (1978) və Zeynalova Fatimə Kamil qızıdır (1987).

Qəzanın baş verdiyi əraziyə Dövlət Yol Polisi əməkdaşları cəlb olunub.

Faktla bağlı araşdırma aparılır.

84
Ziyarətçilər Benksinin əsərlərinə baxırlar, arxiv şəkli

Benksinin əsərini yandırmaq üçün 95 min dollar ödədilər - VİDEO

0
(Yenilənib 00:33 06.03.2021)
"Morons" rəsmində real tarixi an - rəssam Vinsent Van Qoqun "Günəbaxanlar" tablosunun hərracda 50 milyon ABŞ dollarına satıldığı vəziyyət təsvir olunub.

BAKI, 6 mart — Sputnik. "Injective Protocol" blokçeyn şirkəti küçə rəssamı Benksinin "Morons" rəsmini yandırmaq və rəqəmsal aktivə çevirmək üçün Nyu-York qalereyasına 95 min ABŞ dolları ödəyərək şəkli satın alıb.

Sputnik Azərbaycan xarici mediaya istinadən xəbər verir ki, rəssamın özünün yaratdığı "Pest Control" agentliyi əsərin həqiqiliyini təsdiqləyib. Canlı yayımlanan yandırılma prosesindən sonra rəsm əsəri dəyişdirilə bilinməyən tokenə (NFT) çevrilib. Qeyd olunur ki, bu, əsl sənət əsərinin virtual aktivə çevrildiyi ilk haldır.

"Morons" rəsmində real tarixi an - rəssam Vinsent Van Qoqun "Günəbaxanlar" tablosunun hərracda 50 milyon ABŞ dollarına satıldığı vəziyyət təsvir olunub. Bu, çoxlu lot ilə hərracların tətbiqinin başlanğıcı olub.

Daha əvvəl Benksinin qrafitisi olan divarın bir parçasının "altırəqəmli məbləğə" satıldığı bildirilmişdi.

0