"Bakubus" avtobusunda daha bir yanğın hadisəsi - Səbəbi araşdırılır
(Yenilənib 11:08 15.09.2020)
Sentyabr ərzində "Bakubus" avtobuslarında baş verən ikinci yanğın hadisəsidir. Mütəxəssislər bu avtobuslarda yanğın hadisələrinin fasiləsiz istismarı ilə əlaqələndirirlərZülfiyyə Quluyeva, Sputnik Azərbaycan
BAKI, 15 sentyabr — Sputnik. Bu gün səhər saat 06:10-da 88A nömrəli müntəzəm marşrut xətti üzrə 99JH038 dövlət qeydiyyat nişanlı avtobusda yanğın hadisəsi olub. Sputnik Azərbaycan-ın məlumatına görə, hadisə avtobus başlanğıc dayanacaq məntəqəsindən depoya qayıdan zaman baş verib. Bakı Nəqliyyat Agentliyinin (BNA) mətbuat katibi Mais Ağayevin verdiyi məlumata görə, avtobusda texniki nasazlıq hiss edən sürücü depoya qayıtmaq istəyib: "Avtobus boş olub və xəsarət alan yoxdur".
Qeyd edək ki, bu, sentyabr ərzində "Bakubus" avtobuslarında baş verən ikinci yanğın hadisəsidir. Mütəxəssislər bu avtobuslarda yanğın hadisələrinin fasiləsiz istismarı ilə əlaqələndirirlər. Metro işləmədiyi dövrdə BakuBus MMC-nin depolarındakı avtobuslar tam sayda daşımalara cəlb olunub.
Mais Ağayev Sputnik Azərbaycan-a açıqlamasında bildirib ki, Bakubus avtobuslarında yanğın hadisələrinin baş vermə səbəbi barədə indidən qəti fikir söyləmək olmaz. M. Ağayev avtobuslarda baş verən yanğınlarla bağlı araşdırılma aparıldığını söyləyib.
Bölgələrdə qar, Bakıda sulu qar yağıb - FAKTİKİ HAVA
BAKI, 19 yanvar - Sputnik. Ölkə ərazisindəki faktiki hava barədə məlumat açıqlanıb.
Milli Hidrometeorologiya Xidmətindən Sputnik Azərbaycan-a verilən məlumata görə, Şərur, Şahbuz, Daşkəsən, Gədəbəy, Göygöl, Gəncə, Oğuz, Qəbələ, Şəki, Mərəzə, Altıağac, İsmayıllı, Xaçmaz, Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.
Sumqayıt, Maştağa, Binə, Pirallahı, Tərtər, Yevlax, Göyçay, Kürdəmir, Sabirabad, Cəfərxan, Salyan, Qazıməmməd, Biləsuvar, Neftçala, Yardımlı, Lerik, Lənkəran, Astara, Ağsuda yağış müşahidə olunub.
Bakının Heydər Əliyev prospektində baş verən qəza tıxaca səbəb olub
BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.
Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.
İlham Əliyev: "Milli iradəmizin zəfər çaldığı gün - 20 Yanvar"
BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.
Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".